ယောဂကျင့်ထုံး (Yoga)ရဲ့ ကောင်းကျိုးအသွယ်သွယ်
ယခုခေတ်မှာ ကျန်းမာရေးကို လူကြီးလူငယ်မရွေးလိုက်စားလာကြပြီဖြစ်တဲ့အတွက် အားကစားခန်းမ(Fitness Gymnasium)များ နေရာအတော်များများမှာပေါ်လာပြီဖြစ်ပါတယ်။ ထို့အတူပဲ ကျန်းမာရေးဆိုင်ရာ ကုထုံးတစ်ခုဖြစ်တဲ့ ယောဂကျင့်စဉ် (Yoga)လေ့ကျင့်ရေးခန်းမများလည်းရှိလာပါပြီ။ ဒါ့ကြောင့် ယောဂကျင့်ခြင်းရဲ့ကောင်းကျိုးတွေကို ဖော်ပြပေးလိုက်ပါတယ်။
၁. ခန္ဓာကိုယ်ကြွက်သားနှင့်အကြောများ ပျော့ပြောင်းလာခြင်း
ယောဂကျင့်ခြင်းအားဖြင့် တစ်နေကုန်အညောင်းမိပြီးတောင့်တင်းနေတဲ့ သင့်ရဲ့ ကြွက်သားတွေပျော့ပြောင်းလာကာ ပင်ပန်းမှုကိုပြေလျော့စေမှာပဲဖြစ်ပါတယ်။
၂. ကိုယ်နေဟန်ကျင့်စဉ်
ယောဂကျင့်စဉ်တွေဟာ ကိုယ်နေဟန်အနေအထားတစ်ခုမှာ ခန္ဓာကိုယ်ကို ကြံ့ကြံ့ခံရပ်တည်နိုင်အောင်လဲအထောက်အကူပြုတဲ့အတွက် ခန္ဓာသန်စွမ်းကြံ့ခိုင်မှုအားကို တက်စေပါတယ်။
၃. ခန္ဓာကိုယ်အချိုးအစားကျနမှု
မိနစ်သုံးဆယ်ခန့်ယောဂကျင့်ခြင်းဟာ ခန္ဓာကိုယ်အလေးချိန်ပေါ်မူတည်ပြီး ၁၂၀ကယ်လိုရီမှ ကယ်လိုရီ၂၀၀ အထိကျဆင်းစေနိုင်တာကြောင့် အဆီပိုတွေကိုဖယ်ရှားပေးပြီး ခန္ဓာကိုယ်အချိုးအစားကျနမှုကို ထိန်းညှိပေးပါတယ်။
၄. စိတ်ဖိစီးမှုကင်းဝေးစေခြင်း
ယောဂကျင့်သူတွေဟာ အာရုံကိုစူးစိုက်ထားပြီး လေ့ကျင့်ရတဲ့အတွက် စိတ်ကိုပိုမိုတည်ငြိမ်စေပြီး စိတ်ဖိစီးမှုကိုလျော့ကျစေပါတယ်။
၅. သင့်နှလုံးကျန်းမာရေးအတွက်
ယောဂကျင့်ခြင်းဟာ သွေးပေါင်ချိန်ကိုထိန်းညှိပေးပြီး နှလုံးခုန်နှုန်းကို ဖြေးဖြေးနဲ့မှန်မှန်ခုန်စေပါတယ်။ ဒါ့ကြောင့် သွေးတိုးနဲ့နှလုံးရောဂါအစပျိုးနေသူများအတွက် လေ့ကျင့်ခန်းလုပ်ရင်း ရောဂါကာကွယ်နိုင်မယ့်နည်းလမ်းတစ်ခုလည်းဖြစ်ပါတယ်။
မေတ္တာဖြင့်
စိုင်းမြတ်သူ