သင် ဘာကြောင့်သံဓါတ်လိုအပ်သလဲ ?

သံဓာတ်အားဆေးကို ပုံမှန်သော်လည်းကောင်း ရံဖန်ရံခါသော်လည်းကောင်း သောက်နေကြသူတွေအများအပြားရှိပါလိမ့်မယ်။ တစ်ချို့ကလည်း တီဗီမှာကြေငြာတာတွေ့လို့ အားဆေးဆိုတာနဲ့ဝယ်သောက်လိုက်တယ်…တစ်ချို့ကျအသိမိတ်ဆွေကညွှန်းလို့သောက်တယ်….တစ်ချို့က ဆရာဝန်က သောက်ခိုင်းတယ်လို့သောက်တယ်။သောက်မယ့်သာသောက်နေတာ….ဒီသံဓာတ်အားဆေးဆိုတာ ဘာအတွက်ကောင်းလဲ …ဘယ်သူတွေသောက်သင့်တယ်…ဘာကြောင့်သောက်သင့်တယ်ဆိုတာနဲ့ပတ်သက်ပြီး သေသေချာချာသိသူတော့ ရှားပါတယ်။ဒါကြောင့် သံဓာတ်အကြောင်းလေး အနည်းငယ်ရှင်းပြပေးလိုပါတယ်။

သံဓာတ်ဆိုတာ ယောကျ်ား မိန်းမ မရွေး…လူတိုင်းရဲ့ ကိုယ်ခန္ဓာအတွက်အတွက် မရှိမဖြစ်လိုအပ်တဲ့ သတ္တုဓာတ်တစ်မျိုးပါ။ဆက်ရှင်းပါမယ်….လူတိုင်းအသက်ရှူနေပါတယ်….သို့သော် အသက်ရှူနေတိုင်း… ခန္ဓာကိုယ်က အောက်စီဂျင်မရပါဘူး။ရှူသွင်းလိုက်တဲ့ လေထဲက အောက်စီဂျင်ဓာတ်ကို လိုအပ်နေတဲ့ ကိုယ်ခန္ဓာအစိတ်အပိုင်းတွေဆီကို ပို့ဆောင်ပေးဖို့ သွေးနီဥနဲ့ သွေးနီဥထဲမှာပါဝင်တဲ့ ဟေမိုဂလိုဘင် လိုအပ်ပါတယ်။အဆိုပါ သွေးနီဥနဲ့ ဟေမိုဂလိုဘင်တို့ကောင်းစွာဖြစ်ပေါ်နိုင်ဖို့ သံဓာတ်က မပါမဖြစ်ပါ။သံဓာတ်ချို့တဲ့သူတွေမှာ အဆိုပါသွေးနီဥတွေ ကောင်းစွာမဖြစ်ပေါ်နိုင်၊အလုပ်ကောင်းစွာမလုပ်နိုင်တဲ့အတွက် အောက်စီဂျင်လုံလောက်စွာမရ၊အကျိုးဆက်အနေနဲ့ မောပန်းလွယ်လာပါလိမ့်မယ်။

သံဓာတ်ရဲ့ နောက်ထပ်လုပ်ဆောင်ချက်တစ်ခုက ခန္ဓာကိုယ်ဆဲလ်များရဲ့ စွမ်းအင်ထုတ်လွှတ်မှုအတွက် အရေးကြီးတဲ့ အခန်းကဏ္ဍမှ ပါဝင်ခြင်းပါ။သံဓာတ်လုံလောက်စွာမရရှိသူတွေမှာ စွမ်းအင်လုံလောက်စွာ မထုတ်လုပ်နိုင်တဲ့အတွက် အားအင်ကုန်ခမ်းနုံးချိခြင်းများ ကြုံတွေ့ရလေ့ရှိပါတယ်။

သံဓာတ်ရဲ့နောက်ထပ် အကျိုးုပြုပုံများကတော့ ကိုယ်ခံအားစနစ်ကောင်းစေခြင်း၊မှတ်ဉာဏ်စွမ်းအားမြင့်မားခြင်း၊အာရုံစူးစိုက်နိုင်ခြင်း၊ဉာဏ်ရည်ဖွံ့ဖြိုးတိုးတက်စေခြင်းများပဲဖြစ်ပါတယ်။

သံဓာတ်ပိုမိုလိုအပ်သူတွေထဲ ကလေးများနဲ့အမျိုးသမီးများအဓိကပါဝင်ပါတယ်။ကလေးများမှာ ဦးနှောက်နဲ့ခန္ဓာကိုယ်ဖွံ့ဖြိုးကြီးထွားဖို့အတွက် သံဓာတ်ပြည့်ဝစွာရရှိရန်လိုပါတယ်။အမျိုးသမီးများအနေနဲ့ လစဉ်ဓမ္မတာရာသီသွေးများနဲ့အတူ ဆုံးရှုံးသွားတဲ့သံဓာတ်တွေကို ပြန်လည်ဖြည့်တင်းဖို့လိုအပ်ပါတယ်။

ဒီလောက်ဆို သံဓာတ်အားဆေးဘာလို့သောက်တာလဲလို့ တစ်စုံတစ်ယောက်က မေးလာတဲ့အခါ တီဗီမှာကြေငြာလို့ဆိုတာထက် ပိုပြီး ချက်ကျလက်ကျသိလောက် ဖြေနိုင်လောက်ပြီထင်ပါတယ်နော်။

ပိုင်နီမေ (ဆေး ၂)

Related posts
နေထိုင်မှုပုံစံအခြားရောဂါများအလှအပနှင့်နေထိုင်စားသောက်မှုပုံစံ

မခံမရပ်နိုင်အောင် ဇက်ကြောတက် နေရခြင်းရဲ့ ဖြစ်နိုင်ခြေရှိသော အကြောင်းအရင်းများ

1 Mins read
ယနေ့ခေတ်လို ကွန်ပျူတာ၊ laptop၊ ဖုန်း၊ tablet စတာတွေကို အသုံးများလာတဲ့ခေတ်မှာ ဇက်ကြောတက် ခြင်းက အဖြစ် များလာတဲ့ ပြဿနာတစ်ခုပဲဖြစ်ပါတယ်။  ဇက်ကြောတက်ခြင်းကို ဖြစ်စေတဲ့အကြောင်းအရင်းတွေ ကတော့- (၁) ကြွက်သားတောင့်တင်းခြင်း သို့မဟုတ် ညောင်းညာခြင်း ကိုယ်ဟန်အနေအထား မမှန်ခြင်း၊ ရုတ်တရက်…
အခြားရောဂါများအထွေထွေဆေးဝါးများ

နားကိုက်ခြင်း

1 Mins read
နားကိုက်ခြင်း ဟာ ရောဂါပိုးဝင်ခြင်း၊ နားဖာချေးပိတ်ခြင်း၊ နားထဲပစ္စည်းတစ်ခုခုဝင်နေခြင်း၊ နားထဲရေဝင်နေခြင်း၊ နားစည်ပေါက်ခြင်း စတဲ့အကြောင်းအမျိုးမျိုးကြောင့် ဖြစ်နိုင်ပါတယ်။ နားကြောင့်မဟုတ်ဘဲ တခြား တစ်နေရာရာ က ဖြစ်တဲ့ နာကျင်ခြင်းကြောင့်လည်း နားကိုက်ခြင်း ကို ခံစားရနိုင်ပါတယ်။ (ဥပမာ- မေးရိုး နာကျင် ရောင်ရမ်း…
နေထိုင်မှုပုံစံအလှအပအလှအပနှင့်နေထိုင်စားသောက်မှုပုံစံ

ဒေါက်ဖိနပ် အမြဲစီးသူတို့ သိထားသင့်သောအရာများ

1 Mins read
သင်ဟာ ဒေါက်ဖိနပ် အမြဲစီးတတ်တဲ့သူတစ်ယောက်ဆိုရင် သက်တောင့်သက်သာဖြစ်ရေး၊ ဘေးကင်းမှုနဲ့ ကျန်းမာ ရေးအတွက် သင်သိထားသင့်တဲ့ အရေးကြီးအချက်တွေရှိပါတယ်။ ဒေါက်ဖိနပ်စီးခြင်းဟာ အရပ် ရှည်သွားစေ ခြင်း၊ စမတ်ကျခြင်း၊ မိမိကိုယ်ကိုယ် ယုံကြည်မှုရှိစေခြင်း၊ ဆွဲဆောင်မှုရှိစေခြင်း စတဲ့အချက်တွေကြောင့် စီးလေ့ ရှိကြပါတယ်။ သို့သော်လည်း တစ်ဖက်မှာတော့…