ဆီးကြိတ်ဘာကြောင့် ရောင်ရတယ်
ဆီးကြိတ်ရောင်တယ်ဆိုတာ ယောကျာ်းလေးတွေမှာပဲ ဖြစ်တတ်တဲ့ ရောဂါတစ်ခုဖြစ်ပါတယ်။ဆီးကြိတ်ဆိုတဲ့ Prostate Gland က ယောကျ်ားလေးတွေမှာပဲ ရှိတာမို့ပါ။ဒီတော့ ဘာကြောင့်ဆီးကြိတ်ရောင်ရလဲဆိုရင် နံပါတ်တစ်အချက်က ယောကျ်ားလေးဖြစ်နေလို့ပဲလို့ ရယ်စရာဆိုရမှာပါပဲ။
?ဆီးကြိတ်ရောင်တာနှစ်မျိုးရှိပါတယ်။
(၁) ဆီးလမ်းကြောင်းက ရောဂါပိုးမွှားတွေ ဆီးကြိတ်ထဲ ဝင်ရောက်လာလို့ ဖြစ်တဲ့ ‘ရုတ်တရက် ဆီးကြိတ်ရောင်ခြင်း(acute prostatitis)’
(၂)အရှင်းမပျောက်နိုင်ဘဲ ဖြစ်နေတတ်တဲ့ နာတာရှည်ဆီးကြိတ်ရောင်ခြင်း(chronic prostatitis)
လို့ ခွဲထားပါတယ်။
✔ရုတ်တရက် ဆီးကြိတ်ရောင်စေနိုင်တဲ့ အကြောင်းရင်းများ
▪လတ်တလော ဆီးလမ်းကြောင်းပိုးဝင်ခြင်း
▪ဆီးပိုက်ထည့်ထားရခြင်း
▪ဆီးကြိတ်မှ အသားစ(Biopsy)ယူခြင်း
▪HIV/AIDS သို့မဟုတ် လိင်မှတစ်ဆင့် ကူးစက်တဲ့ရောဂါတစ်ခုခုရှိနေခြင်း
▪စအိုနှင့် လိင်ဆက်ဆံခြင်း
▪ဆီးလမ်းကြောင်း နှင့် ဆီးခုံပိုင်း ထိခိုက်ဖူးခြင်း
စတာတွေကြောင့် ရုတ်တရက် ဆီးကြိတ်ရောင်တာ ပိုဖြစ်စေနိုင်ပါတယ်။
✔နာတာရှည် ဆီးကြိတ်ရောင်စေနိုင်တဲ့ အကြောင်းရင်းများ
▪သက်လတ်ပိုင်း (အသက် ၃၀ မှ ၅၀ အတွင်း)
▪အရင်က ဆီးကြိတ်ရောင်ဖူးရင်
▪မကြာခဏ ဗိုက်နာတတ်တဲ့ ရောဂါတစ်ခုခုရှိနေရင် (ဥပမာ irritable bowel syndrome )
▪လိင်ပိုင်းဆိုင်ရာ ပြဿနာရှိရင်(အထူးသဖြင့် အနိုင်အထက်ပြုကျင့်ခံရရင်)
ဒီအချက်တွေကြောင့် နာတာရှည် ဆီးကြိတ်ရောင်တာ ပိုဖြစ်စေနိုင်ပါတယ်။
ဆီးကြိတ်ရောင်ခြင်း ကင်းကြပါစေ
Dr ဖြိုးဝေလင်း
(20.8.19)