အိပ်မက်ထဲက သူယောင်မယ်လေးနဲ့တစ်ညတာ

ကျန်းမာရေးဆိုင်ရာကိစ္စအချို့ဟာ အရှက်အကြောက်ထားပြီးချန်လှန်ထားခဲ့ရင် ဗဟုသုတမရှိတဲ့အတွက် စိုးရိမ်စရာလား သဘာဝလား မသိဘဲစိတ်ပူရတတ်ပါတယ်။ ဒီတစ်ခါမှာ အိပ်မက်မက်ရင်းသုက်လွှတ်မိခြင်းအကြောင်းကိုတင်ပြပါမယ်။

အိပ်မက်မက်ရင်းသုက်လွှတ်ခြင်းဟာ ဆယ်ကျော်သက်အရွယ်မှာအဖြစ်များပါတယ်။ ဆယ်ကျော်သက် လူပျိုများမှာပဲဖြစ်တာမဟုတ်ဘဲ လူလတ်ပိုင်းအိမ်ထောင်သည်များလည်းဖြစ်နိုင်ပါတယ်။ ဒါကို Nocturnal Emission သို့မဟုတ် Wet Dream (Sex dream)လို့ ခေါ်ပါတယ်။

လေ့လာမှုများအရ ၈ရာခိုင်နှုန်းသော အိပ်မက်များဟာ လိင်မှုဆိုင်ရာ သို့မဟုတ်ချစ်တင်းနှောခြင်းများကိုမြင်မက်တတ်တယ်လို့ဆိုပါတယ်။ ဒီအထဲကမှ ထက်ဝက်ခန့်သောအိပ်မက်များမှာ လိင်စိတ်အထွဋ်အထိပ်ရောက်စေပြီး သုက်လွှတ်မိနိုင်တယ်လို့ဆိုပါတယ်။ ဒီလိုသုက်လွှတ်မိတဲ့အခါ အိပ်ပျော်နေသူအမျိုးသားဟာ ဘာမှမသိလိုက်ဘဲဆက်လက်အိပ်ပျော်သွားနိုင်သလို သုက်လွှတ်ခြင်းကိုသတိပြုမိပြီး နိုးလာတာမျိုးလည်းရှိပါတယ်။ လိင်ဆက်ဆံမှုမပြုဘဲ တစ်ပတ်နှစ်ပတ်ခန့်နေမယ်ဆိုရင်လည်း အိပ်ပျော်စဉ်သုက်လွှတ်မိနိုင်ပါတယ်။

အိပ်ပျော်နေစဉ်သုက်လွှတ်မိခြင်းဟာ ကျန်းမာရေးအရစိုးရိမ်စရာမရှိတဲ့ သာမန်ဇီဝကမ္မဖြစ်စဉ်တစ်ခုပဲဖြစ်ပါတယ်။ ဒါဟာရှက်စရာကိစ္စမဟုတ်သလို မိမိရဲ့သားငယ် ဒီလိုဖြသ်ခဲ့ရင်လည်း သဘာဝလို့နားလည်ပေးပြီး ဆူပူကြိမ်းမောင်းခြင်းမပြုလုပ်ဖို့လိုအပ်ပါတယ်။

အမျိုးသမီးများမှာလည်း အိပ်ပျော်နေစဉ် ဆန္ဒအထွဋ်အထိပ်ရောက်ကာပြီးမြောက်သွားခြင်းကိုခံစားရနိုင်ပါတယ်။ မိန်းကလေးများမှာတော့ စိုစွတ်ရုံဖြစ်သွားပြီး ဆက်လက်အိပ်ပျော်နေမယ်ဆိုရင် Wet dreamလို့မသတ်မှတ်ဘဲ ဆန္ဒပြီးမြောက်သွားတဲ့အခါမှာ နိုးလာပြီး ဒါကိုသိသွားမှသာ Wet dreamလို့သတ်မှတ်ပါတယ်တဲ့။

ဒါကြောင့် အိပ်ပျော်စဉ်သုက်လွှတ်ခြင်းဟာ ရှက်စရာ၊ ဒေါသထွက်စရာကိစ္စမဟုတ်ဘဲ သဘာဝဖြစ်စဉ်ဖြစ်ကြောင်း သိထားပြီး မိမိရဲ့ သားငယ်၊အမျိုးသားအပေါ်နားလည်မှုထားနိုင်ဖို့ရာ တင်ပြလိုက်ပါတယ်။

မေတ္တာဖြင့်

စိုင်းမြတ်သူ

အိပ္မက္ထဲက သူေယာင္မယ္ေလးနဲ႔တစ္ညတာ

က်န္းမာေရးဆိုင္ရာကိစၥအခ်ိဳ႕ဟာ အ႐ွက္အေၾကာက္ထားၿပီးခ်န္လွန္ထားခဲ့ရင္ ဗဟုသုတမ႐ွိတဲ့အတြက္ စိုးရိမ္စရာလား သဘာဝလား မသိဘဲစိတ္ပူရတတ္ပါတယ္။ ဒီတစ္ခါမွာ အိပ္မက္မက္ရင္းသုက္လႊတ္မိျခင္းအေၾကာင္းကိုတင္ျပပါမယ္။

အိပ္မက္မက္ရင္းသုက္လႊတ္ျခင္းဟာ ဆယ္ေက်ာ္သက္အရြယ္မွာအျဖစ္မ်ားပါတယ္။ ဆယ္ေက်ာ္သက္ လူပ်ိဳမ်ားမွာပဲျဖစ္တာမဟုတ္ဘဲ လူလတ္ပိုင္းအိမ္ေထာင္သည္မ်ားလည္းျဖစ္ႏိုင္ပါတယ္။ ဒါကို Nocturnal Emission သို႔မဟုတ္ Wet Dream (Sex dream)လို႔ ေခၚပါတယ္။

ေလ့လာမႈမ်ားအရ ၈ရာခိုင္ႏႈန္းေသာ အိပ္မက္မ်ားဟာ လိင္မႈဆိုင္ရာ သို႔မဟုတ္ခ်စ္တင္းေႏွာျခင္းမ်ားကိုျမင္မက္တတ္တယ္လို႔ဆိုပါတယ္။ ဒီအထဲကမွ ထက္ဝက္ခန္႔ေသာအိပ္မက္မ်ားမွာ လိင္စိတ္အထြဋ္အထိပ္ေရာက္ေစၿပီး သုက္လႊတ္မိႏိုင္တယ္လို႔ဆိုပါတယ္။ ဒီလိုသုက္လႊတ္မိတဲ့အခါ အိပ္ေပ်ာ္ေနသူအမ်ိဳးသားဟာ ဘာမွမသိလိုက္ဘဲဆက္လက္အိပ္ေပ်ာ္သြားႏိုင္သလို သုက္လႊတ္ျခင္းကိုသတိျပဳမိၿပီး ႏိုးလာတာမ်ိဳးလည္း႐ွိပါတယ္။ လိင္ဆက္ဆံမႈမျပဳဘဲ တစ္ပတ္ႏွစ္ပတ္ခန္႔ေနမယ္ဆိုရင္လည္း အိပ္ေပ်ာ္စဥ္သုက္လႊတ္မိႏိုင္ပါတယ္။

အိပ္ေပ်ာ္ေနစဥ္သုက္လႊတ္မိျခင္းဟာ က်န္းမာေရးအရစိုးရိမ္စရာမ႐ွိတဲ့ သာမန္ဇီဝကမၼျဖစ္စဥ္တစ္ခုပဲျဖစ္ပါတယ္။ ဒါဟာ႐ွက္စရာကိစၥမဟုတ္သလို မိမိရဲ႕သားငယ္ ဒီလိုျဖသ္ခဲ့ရင္လည္း သဘာဝလို႔နားလည္ေပးၿပီး ဆူပူႀကိမ္းေမာင္းျခင္းမျပဳလုပ္ဖို႔လိုအပ္ပါတယ္။

အမ်ိဳးသမီးမ်ားမွာလည္း အိပ္ေပ်ာ္ေနစဥ္ ဆႏၵအထြဋ္အထိပ္ေရာက္ကာၿပီးေျမာက္သြားျခင္းကိုခံစားရႏိုင္ပါတယ္။ မိန္းကေလးမ်ားမွာေတာ့ စိုစြတ္ရံုျဖစ္သြားၿပီး ဆက္လက္အိပ္ေပ်ာ္ေနမယ္ဆိုရင္ Wet dreamလို႔မသတ္မွတ္ဘဲ ဆႏၵၿပီးေျမာက္သြားတဲ့အခါမွာ ႏိုးလာၿပီး ဒါကိုသိသြားမွသာ Wet dreamလို႔သတ္မွတ္ပါတယ္တဲ့။

ဒါေၾကာင့္ အိပ္ေပ်ာ္စဥ္သုက္လႊတ္ျခင္းဟာ ႐ွက္စရာ၊ ေဒါသထြက္စရာကိစၥမဟုတ္ဘဲ သဘာဝျဖစ္စဥ္ျဖစ္ေၾကာင္း သိထားၿပီး မိမိရဲ႕ သားငယ္၊အမ်ိဳးသားအေပၚနားလည္မႈထားႏိုင္ဖို႔ရာ တင္ျပလိုက္ပါတယ္။

ေမတၱာျဖင့္

စိုင္းျမတ္သူ

Related posts
အမျိုးသား ကျန်းမာရေး

အမျိုးသားလိင်အင်္ဂါ ထိပ်ဖူးမပွင့်ခြင်း ဆိုတာ

1 Mins read
လူပျိုဖော်ဝင်စအချိန်မှာ သဘာဝအလျောက် အမျိုးသားလိင်အင်္ဂါ ထိပ်ဖူးဟာ ပွင့်လာတတ်ပါတယ်။ ဒါပေမယ့် အချို့မှာတော့ လိင်တံထိပ်ဖူးဟာ လူပျိုပေါက်အရွယ်ကျော်လွန်ပြီးတာတောင် ငုံနေဆဲအခြေအနေမျိုး(Phimosis)ကြုံနေရသူတွေလည်းရှိပါတယ်။ ဒီလိုလိင်တံထိပ်ဖူးငုံနေခြင်းဟာ အညစ်အကြေးနှင့်ဘက်တီးရီးယားများ စုပုံနေတတ်လို့ လိင်တံထိပ်ဖျားရောင်ရမ်းခြင်း များဖြစ်တတ်ပါတယ်။ အထူးသဖြင့်ဆီးသွားရာ၊ လိင်ဆက်ဆံရာမှာ ဖုံးအုပ်နေတဲ့ အရေပြားရဲ့ တင်းကျပ်မှုကြောင့် အနှောင့်အယှက်ဖြစ်စေပါတယ်။ ဒါကြောင့်…
မျိုးဆက်ပွားကျန်းမာရေးအမျိုးသား ကျန်းမာရေး

ကိုမျိုးအောင် ဖြစ်စေဖို့ (သုက်ပိုး)

1 Mins read
အမျိုးမျိုးသော ရောဂါပြဿနာများဟာ အမျိုးသားတွေရဲ့ သုက်ပိုး အပါအဝင် မျိုးပွားမှုဆိုင်ရာ ပြဿနာတွေကို ဖြစ်စေနိုင်ပါတယ်။ –          Testosterone ဟော်မုန်းနှင့် သုက်ပိုးများထုတ်လုပ်ရန် ဝှေးစေ့များကို အချက်ပြပေးတဲ့ ဦးနှောက်ရဲ့ အစိတ်အပိုင်းများဖြစ်တဲ့ hypothalamus သို့မဟုတ် pituitary gland မှာ ပြဿနာတစ်ခုခုရှိနေခြင်း…
မျိုးဆက်ပွားကျန်းမာရေးအမျိုးသမီး ကျန်းမာရေးအမျိုးသား ကျန်းမာရေး

ရာသီလာစဉ်လိင်ဆက်ဆံခြင်း (Sex During Menstruation)

1 Mins read
ရာသီလာစဉ်လိင်ဆက်ဆံခြင်းဟာ ကာယကံရှင်တွေရဲ့ရွေးချယ်မှုသာဖြစ်ပြီး မှားတယ်မှန်တယ်မဆိုသာတဲ့အခြေအနေတစ်ခုဖြစ်ပါတယ်။ အချို့သူတွေအတွက်တော့ ရာသီလာစဉ်လိင်ဆက်ဆံလျှင် အညစ်အကြေးများကြောင့်စိတ်အနှောင့်အယှက်ဖြစ်ရလို့ မကြိုက်တဲ့သူရှိသလို၊ ဒီအတွက်ပြဿနာမရှိဘူးဆိုသူများလည်းရှိပါတယ်။ ဆေးပညာရှုထောင့်အရကြည့်လျှင်တော့ ရာသီလာစဉ်လိင်ဆက်ဆံခြင်းဟာကျန်းမာရေးအရဆိုးကျိုးမရှိပါဘူး။ လိင်ဆက်ဆံဖော်နှစ်ဦးကြား အဆင်ပြေသဘောတူညီမှုရှိဖို့ပဲလိုပါတယ်။ ဒီအတွက်ကြောင့် ရောဂါပိုးတွေကူးစက်မှာ ဒဏ်ရာအနာတရဖြစ်တာမျိုးမရှိပါဘူး။ ဒါပေမယ့် ရာသီသွေးများနဲ့ထိတွေ့မှုရှိတဲ့အတွက် တစ်ဦးဦးမှာသာ လိင်ပိုင်းဆိုင်ရာရောဂါတစ်ခုခုရှိနေမယ်ဆိုရင်တော့ ကူးစက်ခံရနိုင်ခြေအတော်များနိုင်တာကိုတော့ သတိပြုသင့်ပါတယ်။ ဒါကြောင့်…

Leave a Reply

Your email address will not be published. Required fields are marked *