ကလေး ပေါင်မပြည့်ခြင်း

စိတ်ညစ်ရသော လူနာများတွင် ပေါင်မပြည့်သော မွေးကင်းစကလေးများလည်း ပါဝင်ပါသည်။ အကြောင်းမှာ ပေါင်မပြည့်သော ကလေးများသည် ပိုးတုံးလုံးလေးများနှင့် တူကြသည်။ ပိုးမွေးသလို မွေးနိုင်မှ ကျန်းကျန်းမာမာ ဖြစ်လာသောကြောင့် ရင်တမမ မွေးမြူရသော ကလေးများပါပေ။

ဘယ်အခါ ပေါင်မပြည့်ဘူး ခေါ်မလဲ။ ၅ပေါင် ၈အောင်စအောက် လျော့သော ကလေးများကို ပေါင်မပြည့်သော ကလေးများအဖြစ် သတ်မှတ်ထားပါသည်။ ၃ပေါင် ၄အောင်စအောက် ကလေးများကို ပြင်းထန်အဆင့် သတ်မှတ်ပြီး ၊ ၂ပေါင် ၃အောင်စ အောက်သည် သာလွန်ပြင်းထန်အဆင့် ဖြစ်ပါသည်။

ပိုးမွေးသလို ပြုစုရသည် ဆိုသည်မှာ…
၁။ အပူချိန် ထိန်းခြင်း
ပေါင်မပြည့်သော မွေးကင်းစကလေးများသည် ခန္ဓာကိုယ်တွင် လိုအပ်သော အဆီပမာဏ သာမန်ထက် နည်းပါးသောကြောင့် အပူချိန် ထိုးကျကာ အသက်ဆုံးရှုံးတတ်ပါသည်။ ထို့ကြောင့် ဖန်ပေါင်းချောင်အတွင်း ထားရှိကာ အပူချိန် ထိန်းပေးရပါသည်။

၂။ အာဟာရ စောင့်ရှောက်မှု
ပေါင်မပြည့် မွေးကင်းစများအတွက် အာဟာရကို ကိုယ်အလေးချိန်အလိုက် တွက်ချက်ကာ နာရီပိုင်းအလိုက် နာရီခြား၂နာရီခြား ၃နာရီခြား စသည်ဖြင့် တိုက်ကျွေးရပါသည်။ ထို့အပြင် ဗီတာမင်ကေ ထိုးနှံခြင်း၊ အားဆေးတိုက်ခြင်းများကိုလည်း ကလေးအခြေအနေအလိုက် ပြုလုပ်ကြရပါသည်။

၃။ ဓာတ်ဆားဖြည့်တင်းခြင်း
နေ့စဉ် ထွက်သော ဆီးပမာဏနှင့် တိုးလာသော ကိုယ်အလေးချိန်အားလျော်စွာ ဓာတ်ဆားဖြည့်တင်းပေးရပါသည်။

၄။ သွေးအားနည်းသော်
သွေးအားနည်းလျှင် လိုအပ်ပါက သွေးသွင်းရခြင်း၊ အသားဝါပါက မီးချောင်းပြခြင်းများ ဆောင်ရွက်ကြရပါသည်။

၅။ ပိုးမဝင်စေရန်
ဤအချက်မှာ အရေးအကြီးဆုံး ဖြစ်ပါသည်။ ပေါင်မပြည့်သောမွေးကင်းစများသည် ရောဂါပိုးများဒဏ်ကို မခံနိုင်သဖြင့် အထူးသတိထား ဆောင်ရွက်ကြရပါသည်။ ကလေးတစ်ယောက်မှ တစ်ယောက် အပြောင်းတွင် လက်ဆေးခြင်း၊ လူထူထပ်မှု မလိုလားသဖြင့် လူနာစောင့် မဝင်ရခြင်း၊ အချိန်ပြည့် သန့်ရှင်းရေး လုပ်ရခြင်း၊ အာဟာဖြည့်တင်းပေးရခြင်းတို့ဖြင့် ရောဂါမဖြစ်ပွားအောင် ဂရုစိုက်ကြရပါသည်။

ဤသို့သော အကြောင်းများကြောင့် ပိုးမွေးသလို မွေးရသည်ဆိုလျှင် ဆိုမိသူ လွန်အံ့ မထင်ပါလေ။

ဒေါက်တာယမင်း (ဆေး ၁)

MyDoctor Telemedicine Application
Related posts
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…
All Articlesစိတ်ကျန်းမာရေးအထွေထွေရောဂါများ

Humans that poison the environment part (2)

1 Mins read
လူမှုအသိုင်းအဝိုင်းကို အဆိပ်အတောက်ဖြစ်စေသော လူစားများ (1)       Narcissistic သူများတွေကို blame ဖို့ သီးသန့် မွေးဖွားလာတဲ့ပုံစံဖြစ်ပါတယ်။ ပတ်ဝန်းကျင်က ဘယ်လောက်ပဲ ဝိုင်းပြောနေပါစေ၊ သူကဘယ်တော့မှ မမှားဘူး။ သူနဲ့ ဖြစ်တဲ့သူရဲ့ အမှားသာဖြစ်တယ်။ Narcissistic type တွေဟာ သူတို့ရဲ့…

Leave a Reply

Your email address will not be published. Required fields are marked *