mydoctor-top-telemedicine

All Articlesမျိုးဆက်ပွားကျန်းမာရေးအခြားရောဂါများအထွေထွေရောဂါများ

အတွင်းခံများကပြောတဲ့ ကျန်းမာရေး

1 Mins read

အတွင်းခံများကပြောတဲ့ ကျန်းမာရေး

ကျနောတို့လို နိုင်ငံအနေနဲ့ အတွင်းခံအကြောင်းပြောရတာ နည်းနည်းထူးဆန်းနေသလိုလို ရှက်စရာလိုလို ဖြစ်နေပေမယ့် ကျန်းမာရေးရှုထောင့်က ကြည့်မည်ဆိုပါက ပေါ့ပေါ့ဆဆမနေသင့်သော ကိစ္စတစ်ခုပဲဖြစ်သည် ။ ဒါကြောင့် ကြည့်လိုက်ကြရအောင်လား

(၁) ချည်သားကိုသုံးပါ

အတွင်းခံရဲ့တခြားအစိတ်အပိုင်းတွေဟာ ပိုးတွေ ပိုလီအီစတာအသားတွေဖြစ်နေပါစေ အလည်ပိုင်းကို ချည်ဖြင့်သာရှိသော အတွင်းခံမျိုးကို အဓိက ဝတ်ဆင်ပါ ။ ပိုးကဲ့သို့ အသားများဟာ အပူနဲ့စိုထိုင်းမှုကိုများပြားစေကာ အရေပြားကို ယားယံစေခြင်း မှိုနှင့်ဘက်တီးရီးယာပိုးမွှားများပေါက်ဖွားစေခြင်း တို့ကိုဖြစ်စေနိုင်ပါတယ် ။ ချည်သားကတော့ ပေါ့ပေါ့ပါးပါးနဲ့လေဝင်လေထွက်ကောင်းစေကာ ရောဂါပိုးတွေကို ကာကွယ်ပေးပါတယ် ။

( ၂ ) ဆိုက်အရွယ်အစားသေးလွန်းခြင်း

အတွင်းခံဝယ်တဲ့အခါ အဓိက မှတ်သားရန်မှာ ဝတ်ဆင်ကြည့်ရန်ပင်ဖြစ်သည် ။ အလွန်အမင်းတင်းကြပ်နေတဲ့ အတွင်းခံများဟာ ပူပြီးချွေးထွက်စေကာ စိတ်ကျဉ်းကြပ်စေခြင်း စိုစွတ်နေမှုမှတဆင့် ဘက်တီးရီးယားများပေါက်ဖွားစေခြင်းတို့ဖြစ်စေနိုင်ပါတယ် ။

(၃) ဆပ်ပြာများ အစွန်းချွတ်ဆေးများကြောင့် ယားယံခြင်း

အဝတ်လျှော်စက်ထဲအတွင်းခံများကိုထည့်လျှော်ရင်း အဝတ်လျှော်ဆပ်ပြာ အစွန်းချွတ်ဆေးများအစရှိတဲ့ ဓာတုပစ္စည်းတွေဟာ အတွင်းခံမှာ စွဲကပ်ကျန်နေခဲ့ပြီး ဓာတ်မတည့်မှုကိုဖြစ်စေနိုင်ပါတယ် ။ တချို့သူတွေမှာ အရေပြားလောင်တဲ့အထိဖြစ်စေနိုင်ပါတယ် ။

(၄) အစွန်းအကွက်များကို သတိမပြုမိခြင်း

သင့်အနေနဲ့ သင့်အတွင်းခံအပေါ် အမြဲတစေ သတိလေးနဲ့ အရည်များပေကျံနေခြင်း ရှိမရှိ စစ်ဆေးနေသင့်ပါတယ် ။ အထူးသဖြင့် အမျိုးသမီးတွေမှာ ရာသီလာစဉ် အနည်းအများ ပမာဏ ကို ကြည့်ရမည်ဖြစ်သလို အဖြူရောင် ဒါမှမဟုတ် စိမ်းရွှေရွှေရောင် အရည်များ ကပ်ငြိခြင်း ရှိမရှိကိုကြည့်ရပါမယ် ။ ဒါမှသာ ရောဂါပိုးကြောင့်ဖြစ်သော အဖြူဆင်းခြင်း ၊ ပြည်ဆင်းခြင်း ၊ အတုံးအခဲများကျခြင်းတို့ကို သိရှိနိုင်မှာဖြစ်ပြီး စောစောစီးစီး ကုသနိုင်မှာဖြစ်ပါတယ် ။ ဖြစ်နိုင်ရင် အနံ့အသက်ကိုပါ သတိထားကာ ပြောင်းလဲမှုရှိမရှိ အနံ့ပြင်းပြင်း စူးစူးများရှိမရှိကို ကြည့်သင့်ပါတယ် ။

(၅) လေ့ကျင့်ခန်းများလုပ်ပြီး စိုစိုစွတ်စွတ်နေခြင်း

သင့်အနေနဲ့ ယောဂကစားတာ ဒါမှမဟုတ် gym ကပြန်လာချိန် ကြားထဲခဏတာမှာ ချွေးတွေနဲ့ရွှဲနေတဲ့အတွင်းခံနဲ့ ကြာကြာနေခြင်းဟာ မှိုနဲ့ဘက်တီးရီးယားတွေကို ပေါက်ဖွားဖို့ဖိတ်ခေါ်နေသကဲ့သို့ဖြစ်စေနိုင်ပါတယ် ။ ဒီလိုပူပြီးစိုစွတ်နေတဲ့ အခြေအနေဟာ အရေပြားကို ယားယံစေပြီး ပိုးဝင်စေနိုင်ပါတယ် ။

ဒီလိုအချက်လေးတွေကို သတိရှိရှိ ပုံမှန်စစ်ဆေးပေးခြင်းဖြင့် သင့်အနေနဲ့ အရှက်ရစရာတွေ ရောဂါတွေကနေ ကင်းဝေးနိုင်မှာပဲ ဖြစ်ပါတယ် ခဗျာ ။

အားလုံးကျန်းမာကြပါစေ

ဒေါက်ပီ

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…