ကလေးတွင်တွေ့ရနိုင်သော တိုက်ဖွိုက်ရောဂါလက္ခဏာများ
အူရောင်ငန်းဖျားရောဂါသည် ဘက်တီးရီးယားကြောင့်ဖြစ်သောရောဂါတစ်မျိုးဖြစ်သည်။ မသန့်ရှင်းသောရေ (သို့) အစားအစာမှတဆင့်ကူးစက်နိုင်သည်။ ရောဂါပိုးရှိသောသူ အိမ်သာတက်ပြီးလက်သေချာမဆေးပဲ ပြင်ဆင်သောအစားအစာ စားသုံးခြင်းမှလည်းကူးနိုင်သည်။ ပိုးဝင်ပြီးချိန်မှစ၍ ၁ပတ်၊ ၂ပတ်အတွင်းရောဂါလက္ခဏာပြသနိုင်သည်။ ကုသမှုမခံယူလျှင် အသက်သေဆုံးသည်အထိဖြစ်နိုင်သည်။ ဖြစ်နိုင်သောရောဂါလက္ခဏာများမှာ-
- အဖျားကျခြင်းမရှိပဲ အပြင်းဖျားခြင်း
- ခေါင်းကိုက်ခြင်း
- နှုံးနေ၍ တစ်ကိုယ်လုံးနာကျင်ကိုက်ခဲနေခြင်း
- ဗိုက်နာခြင်း၊ ဝမ်းချုပ်ခြင်း (သို့) ဝမ်းလျှောခြင်း
- အစာစားချင်စိတ်မရှိခြင်း
- လည်ပင်းနာခြင်း
- ရင်ဘတ်နှင့် ဗိုက်တွင် အနီစက်လေးများပေါ်တတ်ခြင်း
- ကယောင်ကတမ်းပြောခြင်း အစရှိသည်တို့ဖြစ်တတ်သည်။
အထက်ပါလက္ခဏာများတွေ့ရှိလျှင် အမြန်ဆုံးကုသမှုခံယူသင့်သည်။ အများအားဖြင့် ကုသမှုခံယူပြီး ၂ရက်ခန့်တွင်သိသာစွာသက်သာလေ့ရှိသည်။ ကာကွယ်ခြင်းသည်ကုသခြင်းထက်ကောင်းသောကြောင့် သန့်ရှင်းသောသောက်ရေသန့်(သို့) ရေကိုကျိုချက်သောက်သုံးသင့်သည်။ အစာမစားမှီ၊ မပြင်ဆင်မှီနှင့် အိမ်သာတက်ပြီးချိန်တွင်လက်ကိုသေချာဆေးကြောရမည်။ အသက်၂နှစ်ကျော်သောကလေးတွင် ကာကွယ်ဆေးထိုးပေးနိုင်သည်။
မေတ္တာမွန်ဖြင့်
နွေ