All Articlesအခြားရောဂါများအထွေထွေရောဂါများ

ခေါင်းကိုက်ခြင်းအမျိုးမျိုး

1 Mins read

ခေါင်းကိုက်ခြင်းအမျိုးမျိုး

လူအမျိုးမျိုး စိတ်အထွေထွေ ရှိသလိုပဲ ရောဂါဝေဒနာတွေလည်း ခေါင်းအစ ခြေအဆုံး မျိုးစုံရှိပါတယ်။ ဒီလိုပဲ လူတိုင်းဖြစ်ဖူးတဲ့ ခေါင်းကိုက်တာမှာလည်း ပုံစံကွဲတွေ အမျိုးမျိုးရှိတာပေါ့။

✔ဘယ်လို အမျိုးအစားခွဲမလဲ ??

(၁)အကြောင်းပြချက် ရှာလို့မရဘဲ ကိုက်တဲ့ Primary Headache နဲ့

(၂)ရောဂါအခံတစ်ခုခုကြောင့် ကိုက်တဲ့ Secondary Headache လို့ ခွဲလို့ရပါတယ်။

✔အဖြစ်များတဲ့ နာမည်ကြီး ခေါင်းကိုက်ရောဂါတွေက ??

▪Tension Headache

စိတ်ဖိစီးမှုကြောင့် ဖြစ်ပါတယ်။

အဖြစ်အများဆုံး ခေါင်းကိုက်ရောဂါပါ။

အမျိုးသမီးတွေမှာ ပိုဖြစ်ပါတယ်။

ခေါင်းပတ်ပတ်လည်မှာ ကြိုးနဲ့တင်းကျပ်နေအောင် စည်းခံထားရသလို ဆွဲညှစ်ခံထားရသလို ကိုက်နေတတ်ပါတယ်။

ဇက်ကြောတွေပါ နာနေတတ်ပါတယ်။

ခေါင်းကိုက်ပျောက်ဆေးတွေ သောက်တာအပြင် စိတ်ဖိစီးမှု လျှော့ချရပါမယ်။

▪Migraines

ခေါင်းတစ်ခြမ်းကိုက်ရောဂါလို့ခေါ်ပါတယ်။

အမျိုးသမီးတွေမှာပဲ ပိုဖြစ်တတ်ပါတယ်။

ဓမ္မတာမလာခင် စကိုက်တတ်ပြီး နေပူမိရင် မိုးမိရင်လည်း ကိုက်တတ်ပါတယ်။

ရက်အတော်ကြာကြာ ကိုက်တတ်ပြီး ဘာမှမလုပ်နိုင်လောက်အောင် ကိုက်တတ်ပါတယ်။

ပျို့ချင် အန်ချင်တာ

အမြင်ဝေဝါးလာတာ

အလင်းစူးစူးမကြည့်နိုင်တာမျိုးတွေ တွဲ ဖြစ်တတ်ပါတယ်။

အိပ်လိုက်ရင် သက်သာသွားတတ်ပါတယ်။

ဆရာဝန်ပြဖို့ လိုအပ်ပါတယ်။

▪Cluster Headaches

ရုတ်တရက် မျက်လုံးတစ်ဖက်က စကိုက်လာမယ် မျက်ရည်တွေကျမယ်.. နှာရည်တွေကျမယ်။ မျက်ခွံတွေပါရောင်လာပြီး စူးစူးရှရှကိုက်တတ်တယ်။ ညဘက်ပိုဖြစ်တတ်တယ်။ တစ်နေ့ကို တစ်ကြိမ်ကနေ ရှစ်ကြိမ်လောက်အထိ.. တစ်ခါကိုက်ရင် ၁၅မိနစ်ကနေ နှစ်နာရီခွဲလောက်ကြာတတ်ပါတယ်။ ကိုက်လိုက် ပျောက်လိုက် ဖြစ်နေတတ်တယ်။ ၄ ပါတ်ကနေ ၁၂ ပါတ်လောက်အထိဆက်တိုက် ကိုက်နေတတ်ပြီး လတော်တော်ကြာကြာကနေ နှစ်နဲ့ချီပျောက်နေတတ်တယ်။

ယောက်ျားလေးတွေမှာ ပိုဖြစ်တတ်ပြီး ဆေးလိပ်သောက်ရင် ပိုဖြစ်ပါတယ်။

▪Rebound Headache

အကိုက်အခဲပျောက်ဆေးတွေ အသောက်များလို့ ဆေးကြောင့် ပြန်ခေါင်းကိုက်တဲ့ ရောဂါပါ။ ဆေးတွေ ပြန်ဖြတ်လိုက်ရင် ကောင်းသွားတတ်ပါတယ်။

▪ Sinus Headache

ထိပ်ကပ်နာဆိုတဲ့ နာတာရှည် နှာခေါင်းအတွင်းပိုင်း ရောင်ရမ်းတဲ့ရောဂါရှိနေရင်လည်း မျက်ရိုးနဲ့ ခေါင်းအရမ်းကိုက်နေတတ်ပါတယ်။ နား၊နှာခေါင်း၊လည်ချောင်းဆရာဝန်နဲ့ ပြဖို့ိုလိုပါလိမ့်မယ်။

✔တခြားခေါင်းကိုက်ခြင်းအမျိုးကွဲတွေ ကိုက်နိုင်တဲ့အကြောင်းတွေလည်း အများကြီးရှိပါသေးတယ်။ ဘာကြောင့်ပဲ ခေါင်းကိုက်ကိုက် ပုံမှန်ကိုက်နေကျထက် ထူးထူးခြားခြား ဆိုးဆိုးဝါးဝါးကိုက်လာမယ် တခြားပုံမှန်မဟုတ်တဲ့ လက္ခဏာတစ်ခုခုပါတွဲဖြစ်မယ်ဆိုရင်တော့ ဆရာဝန်မြန်မြန်ပြဖို့လိုပါလိမ့်မယ်။ တော်ရုံကိုက်တာလောက်ကတော့ ပါရာစီတမောလ်ထက်ပိုပြီး ဘာမှမသောက်ပါနဲ့။

ခေါင်းကိုက်ခြင်းများဝေးကြပါစေ..

Dr ဖြိုးဝေလင်း

(7.8.19)

MyDoctor Telemedicine Application
Related posts
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…
All Articlesစိတ်ကျန်းမာရေးအထွေထွေရောဂါများ

Humans that poison the environment part (2)

1 Mins read
လူမှုအသိုင်းအဝိုင်းကို အဆိပ်အတောက်ဖြစ်စေသော လူစားများ (1)       Narcissistic သူများတွေကို blame ဖို့ သီးသန့် မွေးဖွားလာတဲ့ပုံစံဖြစ်ပါတယ်။ ပတ်ဝန်းကျင်က ဘယ်လောက်ပဲ ဝိုင်းပြောနေပါစေ၊ သူကဘယ်တော့မှ မမှားဘူး။ သူနဲ့ ဖြစ်တဲ့သူရဲ့ အမှားသာဖြစ်တယ်။ Narcissistic type တွေဟာ သူတို့ရဲ့…

Leave a Reply

Your email address will not be published. Required fields are marked *