mydoctor-top-telemedicine

All Articlesကလေးကျန်းမာရေးမိခင်နှင့်ကလေးကျန်းမာရေး

ဒိုင်ပါလောင်ရသည့် အကြောင်းရင်းများ

1 Mins read

ဒိုင်ပါလောင်ရသည့် အကြောင်းရင်းများ

ဒီခေတ်မှာတော့ သေးခံဒိုင်ပါနဲ့ ကင်းတဲ့ ကလေးဆိုတာ ခပ်ရှားရှား။ ဒိုင်ပါကြောင့် မိဘတွေအတွက် လျှော်ရဖွတ်ရ အတော်သက်သာသွားပေမဲ့ သတိမထားဘဲ ပေါ့ပေါ့ဆဆသုံးမိရင်တော့ ကလေးတွေအတွက် ဒိုင်ပါလောင် အနာဖြစ် ပိုးဝင်တဲ့ အန္တရာယ်ရှိတာမို့ သတိထားဖို့ လိုပါတယ်။

?ဘာကြောင့် ဒိုင်ပါလောင်ကြလဲ ??

▪ အဓိက အကြောင်းရင်းကတော့ ဒိုင်ပါတစ်ခုရဲ့ ခံနိုင်ရည် အတိုင်းအတာကျော်ပြီး အချိန်ကြာကြာဝတ်ထားမိရင် ဖြစ်ပါတယ်။

▪ ဒိုင်ပါကို ကြာကြာဝတ်ထားမိတဲ့ အခါ အချိန်ကြာမြင့်စွာစိုစွတ်မှု၊ ပွတ်တိုက်မှုနဲ့ ဆီးကနေထွက်လာတဲ့ အမိုးနီးယားဓာတ်တွေက ကလေးရဲ့ နုနယ်လှတဲ့ အသားအရေကို ပျက်စီးထိခိုက်စေပါတယ်။ နေရခက်ယားယံခြင်းကနေ နောက်ဆက်တွဲ ဒိုင်ပါလောင်တယ်ဆိုတဲ့ အဆင့်အထိ ဂရုမစိုက်မိရင် ဆက်ဖြစ်သွားတတ်ပါတယ်။

▪ဒိုင်ပါကို သိပ်ကျပ်ကျပ်ဝတ်မိတဲ့ အခါမျိုးမှာလည်း ဒိုင်ပါလောင်ခြင်းကို ပိုဆိုးစေပါတယ်။

▪ပလတ်စတစ်အသားပါဝင်တဲ့ ဘောင်းဘီတွေကလည်း လေဝင်လေထွက် မကောင်းစေလို့ ဒိုင်ပါလောင်ခြင်းကို ပိုအားပေးပါတယ်။

▪လျှော်ပြီးပြန်သုံးရတဲ့ တစ်ခါသုံးမဟုတ်တဲ့ အဝတ်ဒိုင်ပါတွေကလည်း ဆပ်ပြာမစင်တဲ့အခါ ဒိုင်ပါလောင်တာ ပိုဖြစ်စေတတ်ပါတယ်။

▪ကလေးမှာ နှင်းခူ၊ psoriasis၊ မှိုရောဂါတွေ သို့မဟုတ် တခြားအရေပြားရောဂါတစ်ခုခု အခံရှိနေခဲ့ရင်လည်း ဒိုင်ပါလောင်ဖို့ ပိုလွယ်တတ်သလို ပိုလည်းဆိုးသွားတတ်ပါတယ်။

✔ဒိုင်ပါကို အချိန်မှန်လဲပေးဖို့လိုပါတယ်။

ဒိုင်ပါလောင်ဖို့ အစပြုချိန်မှာ သတိထားမိဖို့ လိုပြီး စောစောစီးစီးကုသဖို့ အရေးကြီးပါတယ်။ ကလေးတွေ အပြင် ဒိုင်ပါဝတ်ပေးထားရတဲ့ သက်ကြီးရွယ်အိုတွေမှာလည်း ဒိုင်ပါလောင်တတ်တာမို့ သတိထားဖို့လိုပါတယ်။

ဒိုင်ပါလောင်ခြင်း ကင်းကြပါစေ..

Dr ဖြိုးဝေလင်း
(12.8.19)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…
ကလေးကျန်းမာရေးစားသောက်မှုပုံစံဆီးချိုရောဂါမိခင်နှင့်ကလေးကျန်းမာရေးအလှအပနှင့်နေထိုင်စားသောက်မှုပုံစံ

Why Children Should Avoid Energy Drinks

1 Mins read
“Energy drink နဲ့ ကလေး” “ကလေးနဲ့Energy drink” တိုက်သင့်ရဲ့လားဆိုရင် 📌အဆုံးထိမဖတ်ချင်တဲ့လူတွေအတွက် အတိုချုပ်ပြောရရင် “နိုး” ပါ။ လုံးဝမတိုက်သင့်ပါဘူး။ ~~~~~~~~~~~~~~~~~~~~~~~~~~ ♦️ Energy drinks တွေဟာ ဈေးကွက်ထဲမှာ ဆိုရင်ဖြင့် ဒီဇိုင်း၊ ကာလာ၊ ဘာညာ…