အမျိုးသားတို့ အကာအကွယ် အသုံးပြုပုံမှန်ကန်ဖို့..

“အစားမတော် တစ်လုတ်၊ အသွားမတော် တစ်လှမ်း “တဲ့.. ချစ်ခြင်းကို ရှေ့တန်းတင်ပြီးပဲ ဖြစ်ဖြစ်၊ အပျော်အပါး ဝါသနာ ပါလို့ပဲ ဖြစ်ဖြစ်.. ဖိုနဲ့မ လိင်ဆက်ဆံကြရမှာ… ” safety frist “နှစ်ဦး နှစ်ဖက် စိတ်ချလုံခြုံရဖို့၊ ကိုယ်ဝန်မရဖို့ရာ ၊ ကူးစက်ရောဂါ ရှိနေသူမှ တခြားသူကို လိင်မှတဆင့် ရောဂါပိုး မကူးစက်ဖို့ရာ … အကာအကွယ်ကို အသုံးပြုဖို့ လိုအပ်ပါတယ်…

ဒီတော့ ဒီခေတ်ကာလကြီးထဲမှာ စတိုးဆိုင် ဆေးဆိုင်တိုင်းမှာ အလွယ်ကူဆုံးရနိုင်တာကတော့.. အမျိုးသားသုံး condoms ပေါ့…သို့ပေမယ့်.. အကာအကွယ်အသုံးပြုသော်ငြား… မမှန်ကန်တဲ့ အသုံးပြုပုံ၊ စွန့်ပစ်ပုံတို့ကြောင့် ရောဂါပိုးကူးစက်နိုင်တာတွေ ရှိနေသေးတာမို့…အသုံးပြုပုံနည်းလမ်းတွေကို ပြောပြမှာ ဖြစ်ပါတယ်..

– အသုံးမပြုမီ ကွန်ဒုံးဟာ ရက်လွန်နေခြင်း ရှိမရှိ စစ်ဆေးပြီးမှ ဖောက်ပါ.. အသာအယာ လက်ဖြင့် ဖြဲရုံဖြင့် ရနိုင်ပါတယ်.. သွား (သို့) ကတ်ကြေး အသုံးမပြုပါနှင့်… ကွန်ဒုံးတွင် ပေါက်ပြဲခြင်းရှိမရှိ၊ ချောဆီ အလုံအလောက်ရှိမရှိ စစ်ဆေးပါ…

– ကွန်ဒုံးဟာ ခမောက်ပုံစံလေး ဖြစ်နေပါမယ်.. အပေါ်မှာ အဖုလေး ဖြစ်ပြီး ဘေးမှ အလိပ်လေးက ဝန်းရံထားပါမယ်.. သေချာစွာ စွပ်မိဖို့ရာ လိုအပ်ပါမယ်…အကယ်၍ ပြောင်းပြန် စွပ်မိခဲ့ရင် အပေါ်ကို ပြန်လိပ်တင်ပြီး အသုံးပြုတာ မလုပ်ပါနှင့်.. နောက်ထပ် အသစ်တစ်ခုကို အသုံးပြုပါ….

– အသုံးပြုဖို့ရာအတွက် သင့်လိင်အင်္ဂါ ထောင်မတ်နေရပါမယ်.. အပေါ်က အဖုလေးကို ဖိညှစ်ထားပြီး စွပ်ချပါ.. သို့မှသာ လိင်ဆက်ဆံပြီး သုတ်လွှတ်တဲ့ အချိန်မှာ သုတ်ပိုးများဟာ ရှေ့က နေရလွတ်လေးမှာ သွားစုနေမှာ ဖြစ်ပါတယ်..

– လိင်အင်္ဂါ အရင်းထိ ကွန်ဒုံးကို စွပ်ချလာရပါမယ်..ထို့နောက် အပေါ်ယံမှ တခြား water based or silicone lube အစရှိတဲ့ lubricant ချောဆီ လိမ်းနိုင်ပါတယ်.. ဒါဟာ သင် ဆက်ဆံတဲ့ အချိန်မှာ ပိုအဆင်ပြေနိုင်ပြီး ကွန်ဒုံးပေါက်ပြဲတာကိုလဲ လျော့ချပေးနိုင်ပါတယ်…

– ဒီလို စွပ်ပြီးတဲ့အခါမှာတော့… လိင်ဆက်ဆံလို့ ရပါပြီ..

– ဆန္ဒပြီးမြောက်ပြီးချိန်၊ သုတ်ပိုး လွှတ်ပြီးသွားချိန်မှာ ကွန်ဒုံးရဲ့ အရင်းမှ သေချာကိုင်ပြီး.. မိမိဆက်ဆံဖော်ထဲမှ ထုတ်ပါ… လိင်အင်္ဂါ မညိုးသွားခင်မှာ ထုတ်ရပါမယ်.. သို့မဟုတ်ပါက ကွန်ဒုံး ကျွတ်ကျန်နေတာ… အပြင်သို့ သုတ်ပိုး ဖိတ်စင်တာတွေ ဖြစ်နိုင်ပါတယ်..

– ဒီလို ထုတ်ပြီးတဲ့ချိန်မှာတော့ အမှိုက်ပုံးထဲ သေချာစွာ စွန့်ပစ်ပါ.. အိမ်သာထဲ စွန်ပစ်ခြင်း မပြုပါနှင့်..ပိုက်ပိတ်ခြင်း ဖြစ်နိုင်ပါတယ်..

– အသုံးပြုပြီးသား ကွန်ဒုံးကို ပြန်လည်မသုံးပါနှင့်..

– တစ်ခါဆက်ဆံပြီးတိုင်း အသစ်တစ်ခု သုံးပါ..

– ပါးစပ် (သို့) မအင်္ဂါ (သို့) စအို မှ တဆင့် လိင်ဆက်ဆံခြင်း ပြုပါကလည်း.. မတူညီသော ပုံစံကို ပြောင်းဆက်ဆံပါက ကွန်ဒုံး အသစ်ကို အသုံးပြုသင့်ပါတယ်..

– တစ်ခါတစ်ရံ ဆက်ဆံနေစဉ် လိင်အင်္ဂါ ညှိုးသွားတာမျိုး ဖြစ်တတ်ပါတယ်.. ဒါဟာ ဖြစ်လေ့ရှိပါတယ်.. သို့သော် ညိုးသွားပါ.. အသုံးပြုပြီးသား ကွန်ဒုံးကို ချွတ်ပါ… လိင်အင်္ဂါ ပြန်လည်ထောင်မတ်လာတဲ့အချိန်မှာ အသစ်တစ်ခု အသုံးပြုပြီး ဆက်ဆံပါ..ဒီလိုဆို အနည်းငယ် သဘောပေါက်ပြီ ဖြစ်တာမို့… မှန်ကန်သော အသုံးပြုနည်းကို စနစ်တကျ ကျင့်သုံးရပါမယ်…

– သေချာ အသုံးပြုတတ်ဖို့ရာ ဘူးခွံမှာ ပါသော အညွှန်းကို သေချာဖတ်ပါ…

-လိင်အင်္ဂါမှာ မစွပ်မီ တခြားသော ပစ္စည်း(ငှက်ပျောသီး၊ သခွားသီး) တို့မှ စွပ်ကြည့်လို့ရသလို.. လိင်မဆက်ဆံမီ မိမိအင်္ဂါတင် အစမ်းစွပ်ကြည့်လို့ရပါတယ်…
အကယ်၍ မိမိဟာ ကွန်ဒုံးသုံးခဲ့သော်လည်း ပေါက်ပြဲသွားတာမျိုး ရှိခဲ့တယ်(သို့) သံယသရှိခဲ့ပါက.. အရေးပေါ် သန္ဓေတားဆေး အသုံးပြုနိုင်ပါတယ်…ထိုအားဖြင့် ကိုယ်ဝန်မရအောင် တားဆီးနိုင်ပါတယ်.. သို့သော် အရေးပေါ်တားဆေးဟာ လိင်မှတဆင့် ကူးစက်သော ရောဂါများကိုတော့ မကာကွယ်နိုင်ပါ…

– ဒါကြောင့် လုံခြုံစိတ်ချရတဲ့ လိင်မှုကိစ္စ ဖြစ်ဖို့ရာ အကာအကွယ် အသုံးပြုပုံ မှန်ကန်သင့်ကြောင့် တိုက်တွန်းလိုက်ရပါတယ်…

ပျော်ရွှင်ကျန်းမာတဲ့ ကာမသုခကို ခံစားနိုင်ကြပါစေလို့ တောင်းဆု မေတ္တာပြုလျက်….

ပိုင်နီမောင်

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *