All Articlesအခြားရောဂါများအထွေထွေရောဂါများ

ညှင်းလား ပွေးလား

1 Mins read

ညှင်းလား ပွေးလား

လူတော်တော်များများကတော့ ခွဲပြီးသိကြပေမယ့် တစ်ချို့ကရောနေတတ်ပါတယ်။ဒီတော့ ညှင်းနဲ့ပွေးနဲ့ကို သေချာမကွဲပြားသူတွေအတွက် ၎င်းတို့ရဲ့ကွာခြားပုံလေးတွေကို ဖော်ပြလိုက်ရပါတယ်။

၁။ပုံသဏ္ဍန်။

ညှင်းဟာ ပုံမှန်အရေပြားထက် အရောင်ရင့်(သို့)အရောင်ဖျော့ဖျော့နဲ့ အကွက်အကွက်လေးသဏ္ဍန်ဖြစ်ပြီး အရေပြားနဲ့တစ်ပြင်ညီထဲဖြစ်ပါတယ်။ပွေးကတော့ အရေပြားပေါ်မှာအဝိုင်းကွင်းလိုက်ပုံစံလေးရှိပြီး အနားသတ်တွေဟာအလယ်ထက်ပိုမိုနီရဲ၍ထူကာ အရေပြားမျက်နှာပြင်ထက်မြင့်တက်နေပါတယ်။

၂။ရောဂါပိုးအမျိုးအစား။

ညှင်းရော ပွေးရောဟာမှိုကြောင့်ဖြစ်တာဆိုပေမယ့် ဖြစ်တဲ့မှိုပိုးခြင်းတော့မတူပါဘူး။ညှင်းဟာလူ့ခန္ဓာကိုယ်မှာသဘာဝအတိုင်းရှိနေတဲ့ မှိုမှဖြစ်တဲ့အရေပြားရောဂါဖြစ်ပြီး ကူးစက်နိုင်ချေလဲအလွန်နည်းပါတယ်။ပွေးကိုဖြစ်စေတဲ့မှိုအမျိုးအစား(၃)မျိုးရှိပြီး ၎င်းတို့ဟာမြေကြီးလွှာပေါ်မှာအချိန်အတော်ကြာရှင်သန်နေနိုင်ပါတယ်။မြေလွှာပေါ်မှလူတွေဆီကိုရောက်ရှိ၍ရောဂါဖြစ်ပွားကာ လူအချင်းချင်းကူးစက်လွယ်တဲ့အရေပြားယားနာတစ်မျိုးဖြစ်ပါတယ်။

၃။ရောဂါလက္ခဏာများ။

ညှင်းဟာပုံမှန်အရေပြားထက်အရောင်ရင့်သော(သို့)အရောင်နုသောအကွက်ကလေးတွေဖြစ်ပြီး ယားယံမှုကသိပ်မသိသာ(သို့)လုံးဝမရှိတာလဲဖြစ်နိုင်ပါတယ်။ပွေးကတော့ စက်ဝိုင်းပုံ(သို့)ဘဲဥပုံအကွင်းလေးတွေဖြစ်ပြီး အနားသတ်လေးတွေဟာထူထဲပြီးမြင့်တက်နေလေ့ရှိကာ အရမ်းယားယံလေ့ရှိပါတယ်။၄။ကူးစက်ပြန့်ပွားခြင်း။ညှင်းဟာခန္ဓာကိုယ်တစ်နေရာမှတစ်နေရာ၊လူတစ်ဦးမှတစ်ဦးကိုကူးစက်နိုင်ချေအလွန်နည်းကာ ပွေးကတော့ကူးစက်ပြန့်ပွားမှုအလွန်များပါတယ်။

၅။ရောဂါဖြစ်ပွားသောနေရာများ။

ညှင်းဟာနေရောင်ခြည်ထိတွေ့မှုများတဲ့နေရာတွေဖြစ်တဲ့ပခုံး၊လည်ပင်း၊ကုပ်၊ကျောပြင်တို့မှာအဖြစ်များပါတယ်။ပွေးကတော့ စွတ်စိုထိုင်းမှိုင်းပြီးအတွင်းကျသောနေရာတွေဖြစ်တဲ့ ပေါင်ခြံ၊ဂျိုင်းကြား၊တင်ပါးကြားနဲ့လိင်အဂါၤတစ်ဝိုက်ကဲ့သို့သော အရေပြားနှစ်ခုထိစပ်နေတဲ့အကြိုအကြားတွေမှာ ပိုမိုဖြစ်ပွားလေ့ရှိပါတယ်။

၆။ရောဂါအတိအကျသိအောင်ဘယ်လိုလုပ်မလဲ?

ညှင်းနဲ့ပွေးကိုအတိအကျကွဲပြားအောင်အတွက်တော့ ယားနာနေရာမှနမူနာယူ၍ ဓါတ်ခွဲခန်းတွင်အကောင်ဖောက်ကာ ခွဲခြားသိရှိနိုင်ပါတယ်။ဒီလောက်ဆိုရင် ညှင်းလား ပွေးလားဆိုတာကိုအထိုက်အလျောက်ခွဲခြားတတ်ပြီထင်ပါတယ်။ပွေး၊ညှင်း ကင်းသော အရေပြားအလှလေးများပိုင်ဆိုင်နိုင်ကြပါစေကြောင်း ဆုမွန်တောင်းလျက်။

dr.ye’lwin mm

Related posts
စားသောက်မှုပုံစံအခြားရောဂါများ

ဓာတ်မတည့်ခြင်းကို ဖြစ်စေနိုင်သော အစားအစာ များ

1 Mins read
အမျိုးမျိုးသော အစားအစာ များဟာ အချို့သူတွေမှာ ဓာတ်မတည့်မှုဖြစ်စေနိုင်တဲ့ အလားအလာရှိပါတယ်။ အချို့ သောအစားအစာများတွင်ပါရှိသော ပရိုတင်းဓာတ်များကို ကိုယ်ခံအားစနစ်က ပုံမှန်မဟုတ်စွာ တုံ့ပြန်တဲ့အခါ အစားအစာနှင့် ဓာတ်မတည့်မှု ဖြစ်ပေါ်တတ်ပါတယ်။ အဖြစ်များတဲ့ ဓာတ်မတည့်ခြင်းရဲ့ လက္ခဏာများ – ပါးစပ် တစ်ဝိုက် ယားယံခြင်း၊…
သွားကျန်းမာရေးအခြားရောဂါများအထွေထွေရောဂါများ

လျှာနာ နေလျှင်

1 Mins read
လျှာနာကျင်မှု ဟာ အကြောင်းအမျိုးမျိုးကြောင့် ဖြစ်ပွားနိုင်ပါတယ်။ လျှာနာ ခြင်းရဲ့ အဖြစ်များသော အကြောင်းရင်း အချို့မှာ အောက်ပါအတိုင်းဖြစ်ပါတယ်။ (၁) ဒဏ်ရာများ- လျှာကို မတော်တဆကိုက်မိခြင်း၊ ပူသောအစာ သို့မဟုတ် အရည်များ စားသောက်မိသဖြင့် လျှာပူလောင်ခြင်း၊ သို့မဟုတ် အစာစားနေစဉ် ထိခိုက်ဒဏ်ရာရခြင်းများဟာ…
ကင်ဆာအထွေထွေရောဂါများ

သွေးကင်ဆာ တို့ရဲ့သဘာဝနဲ့လက္ခဏာ

1 Mins read
သွေးကင်ဆာ ဆိုတာ သွေး၊ ရိုးတွင်းခြင်ဆီနှင့် ပြန်ရည်ကြောစနစ် တို့ကို ထိခိုက်စေသော ကင်ဆာအုပ်စုကို ရည်ညွှန်းပါတယ်။ သွေးကင်ဆာများဟာ သွေးဆဲလ်များ (သွေးနီဥများ၊ သွေးဖြူဥများနှင့် သွေးဥမွှားဆဲလ်များ) ကို ထုတ်လုပ်ရန် တာဝန်ရှိတဲ့ ဆဲလ်များမှ စတင်ဖြစ်ပွားပါတယ်။ သွေးကင်ဆာမှာ သွေးဖြူဥကင်ဆာ (Leukemia)…

Leave a Reply

Your email address will not be published. Required fields are marked *