Sleeping with Underwear

ညအခါ မိမိအတွင်းခံကို ချွတ်အိပ်သင့် မအိပ်သင့်
===========

ပူပြင်းတဲ့ နွေရာသီညတွေမှာ အိပ်စက်ချိန်တွင် မိမိအတွင်းခံဝတ်လျက် အိပ်သင့်မအိပ်သင့် ဆိုတဲ့ အကြောင်းလေး ပြောပြချင်ပါတယ်… ညအိပ်ရာဝင်ချိန်မှာ တချို့က. Pajama ၊ တီရှပ် ၊ ပုဆိုး စသဖြင့် ဝတ်ဆင်ပြီး အိပ်တတ်ကြပါတယ်.. သို့သော် မိမိအတွင်းခံကို ဝတ်လျက်သားအိပ်ကြသလို ချွတ်ပြီး အိပ်ကြတာလဲ ရှိပါတယ်.. ဒီတော့ကာ

📌ဝတ်အိပ်ခြင်း မအိပ်ခြင်းရဲ့ကောင်းကျိုးဆိုးကျိုးက ဘာတွေလဲ ❓
အမျိုးသမီးတွေအနေနဲ့ တနေကုန်သွားလာလှုပ်ရှာနေရတဲ့အတွက် ချွေးတွေ အညစ်အကြေးတွေ ရှိနေနိုင်ပါတယ်…အိပ်ရာဝင်တဲ့ အချိန်မှာလဲ အတွင်းခံကို ဆက်ဝတ်ထားတဲ့အခါမှာ မိန်းမကိုယ်တဝိုက်ဟာ စိုထိုင်းဆ များပြီး ရောဂါပိုးမွှားတွေ ပေါက်ဖွားဖို့ရာ နေရာတစ်ခု ဖြစ်လာပါတယ်…ထိုမှတဆင့် မိန်းမကိုယ် ကြာရှည်ရောင်ရမ်းခြင်း(chronic inflammation of vagina) ဖြစ်နိုင်ပါတယ်… ဘက်တီးရီးယားတွေဟာ အမှောင်ကိုကြိုက်သလို စိုထိုင်းဆများတဲ့နေရာကိုလဲ နှစ်သက်ကြတာမို့ အတွင်းခံမဝတ်ပဲ အိပ်ခြင်းအားဖြင့် လုံလောက်တဲ့ လေ ရရှိသလို ထိုနေရာတဝိုက်ကိုလဲ ခြောက်သွေ့သန့်ရှင်းစေနိုင်ပါတယ်…
တချို့အမျိုးသမီးများအနေဖြင့် အတွင်းခံမပါပဲ အိပ်စက်ခြင်းကို မနှစ်သက်ပါက cotton(ဝါဂွမ်း)ဖြင့် ပြုလုပ်ထားတဲ့ ပွပွယောင်းယောင်းအတွင်းခံမျိုး ဝတ်ဆင်ပါ.. ထို့မှသာ ချွေးထွက်များသော်လဲ စုပ်ယူမှု အားကောင်းတဲ့အတွက် မိန်းမကိုယ်တဝိုက်ကို ခြောက်သွေ့နေစေမှာ ဖြစ်ပါတယ်… ပိုးသား၊ချည်သားတွေနဲ့ပြုလုပ်ထားတဲ့ အတွင်းခံကို ဝတ်ဆင်ပါက တခါတရံမှာ ယားယံတာမျိုးတွေ ဖြစ်စေနိုင်ပါတယ်…ဒါပြင့် အမျိုးသမီးတွေဖို့ ရှောင်လွဲမရတဲ့ လစဉ် ဓမ္မတာ လာတဲ့အခါမျိုးမှာတော့ လိုအပ်တဲ့ လစဉ်သုံး pads တွေ tampons တွေ အသုံးပြုရလေ့ ရှိသလို ညအိပ်ရာဝင်တဲ့အခါ ပေပွတာမျိုး မဖြစ်အောင် အတွင်းခံကို ဝတ်အိပ်တတ်ကြပေမယ့်… အတွင်းခံကို လုံလုံလောက်လောက်လဲှလည်ခြင်း၊ လစဉ်သုံးပစ္စည်းကို တစ်ခုတည်း ကြာရှည်မသုံးစွဲခြင်း စသဖြင့် ဂရုစိုက်ရပါမယ်…

👨‍💼 အမျိုးသားများအနေဖြင့် အလွန်ကြပ်သော အတွင်းခံတွေ ဂျင်းဘောင်းဘီတွေကို နေ့အခါမှာလည်း မဝတ်ဆင်သင့်သလို ညမှာလဲ လွတ်လပ်ပေါ့ပါးတဲ့ ပုဆိုး၊ ဘောင်းဘီတို စသဖြင့် လှဲလယ်ဝတ်ဆင်ပြီး အိပ်သင့်ပါတယ်… အဘယ်ကြောင့်ဆိုသော် တင်းကြပ်တဲ့အခါမှာ အပူချိန်ဟာ မြင့်တက်လာပြီး ဝှေးစေ့နဲ့ အတွင့်မှာ ရှိတဲ့ သုတ်ပိုးကို ထိခိုက်စေနိုင်တယ်လို့ လေ့လာတွေ့ရှိချက်တချို့က ထောက်ပြထားခြင်းကြောင့် ဖြစ်ပါတယ်… အမျိုးသားဖြစ်စေ အမျိုးသမီးဖြစ်စေ လုံလောက်တဲ့ တကိုယ်ရည် သန့်ရှင်းမှု ရှိခြင်းအားဖြင့် အရေပြားနဲ့ သက်ဆိုင်သော ကျန်းမာရေးပြသနာများကို ကာကွယ်နိုင်မှာ ဖြစ်ပါတယ်…ကျန်းမာပျော်ရွှင်ပြီး လှပသန်စွမ်းသော အမျိုးသား အမျိုးသမီးများ ဖြစ်ကြပါစေလို့ တောင်းဆု မေတ္တာပြုလျက်….

#myDoctor
#ပိုင်နီမောင်

MyDoctor Telemedicine Application
Related posts
စားသောက်မှုပုံစံနေထိုင်မှုပုံစံအခြားရောဂါများအထွေထွေရောဂါများအလှအပနှင့်နေထိုင်စားသောက်မှုပုံစံ

🤳 Screen Time နဲ့ ဇက်ကြောတက်ခြင်း ပြဿနာ

1 Mins read
နေပူ ခေါင်းကိုက်ရတဲ့ ကြားထဲ Computer, Laptop, Phone တွေ နဲ့ တစ်ချိန်လုံး အလုပ်လုပ်နေရလို့ ဇက်ကြော‌တွေကပါ တက်လာပြန်ပြီ။ ဒီလို တစ်ချိန်လုံးဖြစ်နေရင် ခက်ရချည့်ရဲ့။အကြောတွေကလဲတက် ပျို့ချင် အန်ချင်စိတ်တွေကလဲဖြစ်နဲ့ တော်တော်ကို အဆင်မပြေပါဘူး။ ဒါတွေဟာ ကိုယ်တစ်ယောက်ထဲ ဖြစ်နေတာမဟုတ်ဘဲ…
Uncategorizedစားသောက်မှုပုံစံနေထိုင်မှုပုံစံအခြားရောဂါများ

အပူဒဏ်နှင့် ချွေးထွက်များခြင်းကို ဒီလိုကာကွယ်ကြရအောင်

1 Mins read
=========== ယနေ့အချိန်တွင် ကမ္ဘာကြီးပူနွေးလာသည်နှင့် အမျှ ကျွန်ုပ်တို့မြန်မာနိုင်ငံတွင်လည်း အပူဒဏ်ကို အနည်းနှင့် အများ ခံစားကြရပေသည်။ အများအားဖြင့် နေပူထဲတွင် အလုပ်လုပ်သောသူများ၊ ကလေးများနှင့် သက်ကြီးရွယ်အိုများသည် အပူဒဏ်ကို ပို၍ခံစားကြရသည်။အပူဒဏ်ကြောင့် ဖြစ်သော ကျန်းမာရေးပြဿနာများကို မဖြစ်စေဖို့ အပူဒဏ်ကို ဤသို့ကာကွယ်ကြရအောင်။ အပူချိန်လွန်ကဲလာခြင်းသည်…
နေထိုင်မှုပုံစံအခြားရောဂါများအထွေထွေရောဂါများ

ရုတ်တရက် ကြွက်တက်လာရင် လုပ်ပေးနိုင်သော အချက်များ 🦶

1 Mins read
ကြွက်တက်တယ်လို့ လူသိများကြတဲ့ Muscle cramp ဟာ ရုတ်တရက်ဖြစ်ပေါ်လာတာဖြစ်ပြီး ကြွက်သားများ တင်းကြပ်ပြီး ကျုံ့နေတဲ့ အတွက်ကြောင့် နာကျင်မှုခံစားရတဲ့ အခြေအနေကိုကြွက်တက်တယ်လို့ခေါ်ပါတယ်။ကြွက်တက်တာဟာ ရုတ်တရက်ဖြစ်ပြီး ကြိုတင်မှန်းဆ မရနိုင်သလို အဖြစ်များကြပါတယ်။ ကြွက်တက်တဲ့အချိန်မှာ contraction ကြောင့် နာကျင်မှုကိုခံစားရပြီး အခြားသော ကြွက်သားအဖွဲ့အစည်းပေါ်ကိုလဲ…

Leave a Reply

Your email address will not be published. Required fields are marked *