Shingles

Shingles ရေယုန်ဆိုတာ

Shingleလို့အမည်ရတဲ့ လူ့ခန္ဓာကိုယ်မှာ ပေါက်တဲ့ ရေယုန်ကတော့ ရေကျောက် ရောဂါဖြစ်စေတဲ့ ဗိုင်းရပ်စ်ပိုး

Varcella-Zoster Virusမှ ဖြစ်ပေါ်လာခြင်းပဲဖြစ်ပါတယ်။ ဗိုင်းရပ်စ်ပိုးဟာ ခန္ဓာကိုယ်ထဲမှာ နှစ်ပေါင်းများစွာ ငုတ်လျှိုးနေတတ်ပါတယ်။ဒါကြောင့်ငယ်ငယ်ရေကျောက်ရောဂါဖြစ်ပွားခဲ့ဖူးရင် တစ်ချိန်ချိန်မှာ ရေယုန်ဖြစ်ဖို့ အလားအလာရှိလို့နေပါတယ်။ အထူးသဖြင့် အသက်၆၀ကျော်အရွယ်တွေမှာ အဖြစ်များတတ်ပါတယ်။

ခန္ဓာကိုယ်မှာပေါက်တဲ့ ရေယုန်အနေနဲ့ အရည်ကြည်ဖုပြင်များဖြစ်နေပြီး နာကြင်မှုဝေဒနာကိုခံစားရတတ်ပါတယ်။ ရေယုန်ရောဂါအများစုဟာ ၃ပတ်မှ ၅ပတ်ထိရှည်ကြာတတ်ပြီးပထမဆုံး တွေ့ရတဲ့လက္ခဏာကတော့ မီးလောင်နာလိုမျိုး နဲ့ ယားယံခြင်းကိုပါခံစားရနိုင်ပါတယ်။ လည်ပင်းနဲ့မျက်နှာမှာပေါက်တတ်သလို ခါးနားမှာလည်းအရည်ကြည်ဖုလေးတွေပေါက်လာတတ်ပါတယ်။ တချို့တွေမှာတော့ ဖျားနာတာ၊နုန်းခွေတာ၊ကိုယ်လက်ကိုက်ခဲတာတွေဖြစ်တတ်ပါတယ်။

အမေရိကန် ရောဂါထိန်းချုပ်ရေးနှင့်ကာကွယ်ရေးစင်တာ(CDC)ရဲ့အဆိုအရ

အမေရိကန်ပြည်ထောင်စုရှိလူ ၃ ဦးမှာ ၁ ဦး ဟာ ရေယုန်ကို သူတို့ဘဝတစ်သက်တာမှာ တကြိမ်တော့ခံစားခဲ့ရဖူးတယ်လို့ဆိုပါတယ်။ရေယုန်ဟာကုသလို့ပျောက်ကင်းတယ်ဆိုပေမယ့်လည်းသက်ကြီးရွယ်အိုများအတွက်ပြင်းထန်တဲ့ရေရှည်ကျန်းမာရေးပြသနာများဖြစ်လာစေနိုင်ပါတယ်။အသက်ကြီးတဲ့လူကြီးများနဲ့ ကိုယ်ခံအားနည်းသူများမှာရေယုန်ပေါက်ခြင်းကအန္တရာယ်ရှိနိုင်ပါတယ်။

ဥပမာအဆုတ်ရောင်ရောဂါနဲ့ ဦးနှောက်ဆဲလ်ယောင်ရမ်းတဲ့ ရောဂါလိုအခြေအနေများကိုဦး တည်တတ်ပါတယ်။ AIDSနဲ့ကင်ဆာလိုမျိုး ကိုယ်ခံအားစနစ်ကျဆင်းပြီးကုသမှုခံယူနေရတဲ့ ရောဂါမျိုးတွေမှာပိုပြီးတော့သိသာပါတယ်။

ရေယုန်နာကြောင့်ယားယံခြင်းကိုခံစားရတဲ့အခါ လက်နဲ့ကုပ်တာမျိုးထက် အေးမြစိုစွတ်တဲ့ အဝတ်တစ်ခုနဲ့ဖိထားတာမျိုးယားနာသက်သာစေမယ့်လိမ်းဆေးလူးပေးတာမျိုးကိုယ်ခံအားစနစ် ကောင်းမွန်စေဖို့ရာ အနားယူပေးတာမျိုးတွေနဲ့လုပ်ဆောင်ပေးလို့ရပါတယ်။ အစားအသောက်တွေအနေနဲ့ ဗီတာမင်A၊ B12၊Cနဲ့Eပါဝင်တဲ့ အစားအစာတွေကိုစားသုံးပေးရပါမယ်။

ရေယုန်ကြောင့် ထိခိုက်နိုင်တဲ့ခန္ဓာကိုယ်စနစ်များကတော့မျက်စိ၊ အာရုံကြောစနစ်၊ အဆုတ်၊ အသည်းနှင့် ဦး နှောက်တို့ပါဝင်ပါတယ်။  

ရေယုန်ကိုကာကွယ်ဖို့အတွက် ရေကျောက်ကာကွယ်ဆေးကိုကလေးဘဝကတည်းက ထိုးနှံထားဖို့လိုပါတယ်

အသက်၅၀အထက်ရှိသူ၊ ရေကျောက်ရောဂါဖြစ်ခဲ့ဖူးသူ၊ ရေယုန်ပေါက်ဖူးသူနဲ့ ရေကျောက်ကာကွယ် ဆေးထိုးနှံဖူးသူတွေအနေနဲ့ ရေယုန်ကာကွယ် ဆေးကိုထိုးနှံပေးသင့်ပါတယ်။ မထိုးနှံသင့်သူတွေအနေနဲ့တော့ ဆေးတစ်လုံးထိုးချိန်မှာတင် allergy ပြသနာရှိနေသူ၊ လက်ရှိမှာ ရေယုန်ပေါက်နေသူ၊ ကိုယ်ဝန်ဆောင်နဲ့ နို့တိုက်မိခင်များပဲဖြစ်ပါတယ်

ဒေါက်တာနိုင်း (ဆေး-၁)

MyDoctor Telemedicine Application
Related posts
အထွေထွေရောဂါများအလှအပနှင့်နေထိုင်စားသောက်မှုပုံစံ

ခံရခက်တဲ့ ဆီးလမ်းကြောင်း ကျောက်တည်ခြင်း

1 Mins read
ဆီးလမ်းကြောင်းကျောက်တည်ခြင်းဟာ ကျောက်ကပ်ကစလို့ ဆီးပြွန်၊ ဆီးအိမ်၊ ဆီးထွက်ပေါက် တောက်လျှောက် ဘယ်နေရာမဆို ဖြစ်နိုင်ပါတယ်။ဆီးထဲမှာပါတဲ့ ကျောက်အမှုန်လေးတွေအနည်ထိုင်ပြီး ကျောက်အကြီးတစ်ခုဖြစ်လာပါတယ်။ ဒီကျောက်ကလေးက နူးညံ့လှတဲ့ဆီးလမ်းကြောင်းတောက်လျှောက်ဆင်းသွားတဲ့အခါ လက္ခဏာတွေစတင်ခံစားရပါတယ်။ လက္ခဏာတွေကတော့… – ဖြစ်တဲ့ဘက် နံရိုးအောက် ကျောကုန်းဘက်မှာ အရမ်းနာတတ်ပါတယ်။ နာတာဟာ ပြင်းထန်လွန်းလို့ ကလေးမွေးခါနီးနာတာနီးပါး…
ကျန်းမာရေး( အ )နေထိုင်မှုပုံစံအခြားရောဂါများအထွေထွေရောဂါများ

Urticaria(အင်ပြင်ထခြင်း)

1 Mins read
အင်ပြင်ထခြင်း အင်ပြင်ထတာကို လူတိုင်းကြုံဖူးကြပါလိမ့်မယ်။ နေ့တိုင်းနီးပါး၊ တစ်ခါတစ်ရံ၊ မေ့လောက်မှတစ်ခေါက်၊နှစ်ခေါက်၊ကလေးလူကြီး၊ နွေ၊ မိုး၊ ဆောင်း၊ မနက်၊ ည စသဖြင့် အချိန်မရွေး၊ နေရာမရွေး၊ အသက်အရွယ်မရွေး အင်ပြင်ထနိုင်ပါတယ်။ အင်ပြင်ထတယ်ဆိုတာ များသောအားဖြင့်တော့ ခဏပဲဖြစ်ပြီး ပျောက်သွားတတ်ပါတယ်။ ထို့အတူ ကျန်းမာရေး…
ကျန်းမာရေး( ဆ )ကူးစက်တတ်သောရောဂါများအထွေထွေရောဂါများ

Different types of hair damage

1 Mins read
💇🏻‍♀️ ဆံသားပျက်စီးမှုပုံစံအမျိုးမျိုး.. ဆံပင်ကို ကောက်တာ၊ဖြောင့်တာတွေမလုပ်ရင်တောင်မှ ဆံသားဆိုတာဟာ နေ့စဥ်ထိတွေ့နေရတဲ့ လေထုထဲက ရေငွေ့တွေ၊ အညစ်အကြေးတွေ၊ဖုန်တွေနဲ့ ထိခိုက်ပျက်စီးမှုကဖြစ်နေတာပါ။ဆံပင်ကို အပူပစ္စည်းတွေ၊ ဓာတုပစ္စည်းတွေနဲ့​ ကောက်တာ၊ဖြောင့်တာ၊ဆေးဆိုးတာတွေပြုလုပ်ရင်တော့ ဆံသားပျက်စီးမှုတွေပိုဖြစ်တာပေါ့။ ဒါ့ကြောင့် ဆံသားပျက်စီးမှုပုံစံတွေ ဘယ်နှမျိုးလောက်ရှိလဲဆိုတာကြည့်လိုက်ကြရအောင်….။ ဆံပင် ၂ ခွဖြစ်တာဆံပင် ၂ ခွဖြစ်တာကို…

Leave a Reply

Your email address will not be published. Required fields are marked *