အချင်းဆိုတာဘယ်လိုမျိုးလဲ

အချင်းဆိုတဲ့အင်္ဂါဟာ ကိုယ်ဝန်ဆောင်မိခင်အတွက်ကော ကလေးငယ်အတွက်ပါ အရမ်းအရေးကြီးတဲ့ အစိတ်အပိုင်းတစ်ခုဖြစ်ပါတယ်။ အချင်းမရှိရင် ကလေးငယ်က အသက်ရှင်ဖို့မဖြစ်နိုင်တဲ့အတွက် ကလေးရဲ့အသက်လို့ပြောရင်လည်းရပါတယ်။ ကလေးနဲ့မိခင်နဲ့ဆက်စပ်နေတဲ့ အစိတ်အပိုင်းတစ်ခုဖြစ်ပြီး အချင်းရဲ့လုပ်ငန်းတွေကလည်းများပြားပြီး အရေးပါပါတယ်။

အချင်းကမိခင်ရဲ့သားအိမ်နဲ့ ကလေးရဲ့ချက်နဲ့ဆက်သွယ်ပေးထားပါတယ်။ မိခင်ဖက်မှာ အချင်းမျက်နှာပြင်တစ်ခုရှိပြီး ကလေးဖက်မှာလည်း မျက်နှာပြင်တစ်ခုရှိပါတယ် 9လက်မခန့်အကျယ်ရှိပြီး 1လက်မခန့်ထူထဲပြီး အလေးချိန်က 1ပေါင်ခန့်ရှိပါတယ်။ အချင်းရဲ့အလယ်ကနေ ကလေးရဲ့ချက်ကိုချက်ကြိုးနဲ့ဆက်သွယ်ထားပြီး ချက်ကြိုးမှာတော့ သွေးလွှတ်ကြော2ချောင်း၊ သွေးပြန်ကြော1ချောင်းပါဝင်ပါတယ်။အချင်းဟာ ကိုယ်ဝန်ဆောင်နေစဉ်မှာပဲရှိရတဲ့အစိတ်အပိုင်းဖြစ်ပြီး ကလေးမွေးပြီးတာနဲ့ကွာကျသွားရမှာဖြစ်ပါတယ်။

အချင်းရဲ့လုပ်ငန်းတွေကတော့ များပြားပါတယ်။ အချင်းက ကလေးအတွက်oxygenကိုပို့ဆောင်ပေးပြီး carbon dioxideကိုဖယ်ထုတ်ပေးပါတယ်။ ကလေးရဲ့သွေးထဲမှာပါတဲ့ oxygen တွေကို ကလေးရဲ့အဆုတ်ကသုံးပြီးတဲ့နောက် carbon dioxideကို သွေးထဲထည့်ပေးလိုက်ပါတယ်။ အဆိုပါcarbon dioxideကိုကလေးရဲ့သွေးတွေကတစ်ဆင့်သယ်ဆောင်ပြီး အချင်းကနေတစ်ဆင့်မိခင်ရဲ့သွေး၊ နောက်ပိုင်းမှာမိခင်ရဲ့အဆုတ်ကနေတစ်ဆင့် oxygenကိုပြန်သယ်ဆောင်လာပြီး အချင်းကနေပဲ ကလေးရဲ့အဆုတ်ဆီကို oxygenတွေပို့ပေးပါတယ်။
အလားတူပဲ ကလေးငယ်ကြီးထွားဖို့လိုအပ်တဲ့အစာအာဟာရတွေကို အချင်းကနေတစ်ဆင့်ပဲသယ်ယူရပါတယ်။ မိခင်ဆီကအာဟာရတွေက အချင်းကနေတစ်ဆင့်ဖြတ်သန်းကာ ကလေးငယ်ဆီရောက်ရှိပါတယ်။

မိခင်ရဲ့သွေးတွေထဲမှာ အဆိပ်အတောက်တွေပါလာရင်လည်း အချင်းကဖယ်ရှားပေးပါတယ်။ ကလေးကစွန့်ထုတ်လိုက်တဲ့အညစ်အကြေးတွေကိုသယ်ဆောင်လာတဲ့သွေးတွေကလည်း အချင်းကနေပဲဖြတ်သွားရပြီး မိခင်ရဲ့ခန္ဓာကိုယ်ကနေမှတစ်ဆင့်စွန့်ထုတ်ရတာဖြစ်ပါတယ်။ မိခင်ရဲ့သွေးတွေထဲက အဆိပ်အတောက်တွေတင်မက
ပဲ ရောဂါပိုးတွေပါလာရင်လည်း အချင်းကတတ်နိုင်သမျှဖယ်ရှားပေးပါသေးတယ်။

အချင်းကနေ human placental lactogenဆိုတဲ့ဟော်မုန်းတစ်မျိုးထွက်ပြီး အဆိုပါဟော်မုန်းဟာမိခင်ရဲ့သွေးတွင်းမှာအချိုဓာတ်ကိုတက်စေပါတယ်။ အချိုဓာတ်တက်လာတာနဲ့အမျှ ကလေးဆီကိုအချိုဓာတ်ရောက်တာလည်းများလာတာကြောင့် ကလေးကိုအာဟာရပေးစွမ်းအောင်ပြုလုပ်ပေးပါတယ်။ ဒါ့အပြင်အချငက်း မိခင်ဆီကoxygenကိုသိမ်းထားပြီးလိုအပ်ရင်ပြန်ထုတ်ပေးနိုင်ပါတယ်။

အချင်းရဲ့အလုပ်တွေကတော့ များပြားပြီးအရေးပါလှပါတယ်။ ကလေးရဲ့ကျန်းမာရေးအတွက်မရှိမဖြဖစ်လိုအပ်တဲ့အရာတစ်ခုလည်းဖြစ်ပါတယ်။

Dr. ZZ

Related posts
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

မေမေတို့အတွက် အမြွှာပူး ရနိုင်သောအခြေအနေများ

1 Mins read
အမြွှာဖြစ်ရခြင်းဟာ မျိုးရိုးဗီဇ၊ ဟော်မုန်းဓာတ်နှင့် ပတ်ဝန်းကျင်ဆိုင်ရာအချက်များ ပေါင်းစပ်လွှမ်းမိုးထားတာ ဖြစ်ပြီး အမြွှာကလေးရစေမယ့် အာမခံချက် သို့မဟုတ် အမြွှာရဖို့ ထိန်းချုပ်နိုင်သော အရာဆိုပြီး မရှိပါဘူး။ အမြွှာပူး ဖြစ်နိုင်ခြေကို တိုးစေနိုင်တဲ့ အကြောင်းရင်းအချို့ရှိပေမယ့် အမြွှာရဖို့ သေချာစေတဲ့ နည်းလမ်း မရှိဘူး ဆိုတာ…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…