အရေးပေါ်တားဆေးဆိုတာ ဘာလဲ?ဘယ်အချိန်မှာသုံးမလဲ?
နံမည်ကိုက ‘ အရေးပေါ်တားဆေး ‘ မို့ …. အရေးပေါ်လိုအပ်တဲ့ အခြေအနေမှပဲ သုံးသင့်ပါတယ်။အမြဲသုံးဖို့ မသင့်တော်ပါဘူးနော်။
(***အမြဲသုံးဖို့ မသင့်တော်ရတဲ့ အကြောင်းရင်းကတော့ သူ့ရဲ့ သန္ဓေတားနိုင်စွမ်းက ၈၅% လောက်ပဲရှိတာကြောင့်….သင်စနစ်တကျအသုံးပြုမယ်ဆိုရင်တောင်မှ သုံးဖန်များလာတဲ့အခါ …တစ်ချိန်ချိန်မှာ မမျှော်လင့်ဘဲ ကိုယ်ဝန်ရသွားနိုင်တာကြောင့်ပါ။)
အရေးပေါ်တားဆေးအလုပ်လုပ်ပုံကတော့ အမျိုးသမီးသားဥကြွေခြင်းကို တားဆီးပေး(သို့)နှောင့်နှေးစေခြင်းဖြင့် ကိုယ်ဝန်ရခြင်းမှ ကာကွယ်တားဆီးပေးပါတယ်။ကွန်ဒုံးလိုတော့ လိင်မှကူးစက်တတ်တဲ့ရောဂါတွေကို မကာကွယ်ပေးနိုင်ပါဘူး။
ဒါဖြင့်….အရေးပေါ်တားဆေးဆိုတာကို ဘယ်လိုအခြေအနေမျိုးတွေမှာ သောက်သုံးသင့်ပါသလဲ?
၁)မမျှော်လင့်ဘဲ အကာအကွယ်မဲ့ လိင်ဆက်ဆံမိခြင်း
၂)လိင်ဆက်ဆံနေစဉ် ကွန်ဒုံး ပေါက်ပြဲသွားခြင်း
၃)နေ့စဉ်သောက်ကိုယ်ဝန်ဆားဆေးသောက်နေသူများ ၃ရက်နှင့်အထက်ဆေးသောက်ရန်ပျက်ကွက်ခြင်း
၄)၃လခံကိုယ်ဝန်တားဆေး(ဒက်ပို)ထိုးရန် ၄ပတ်နှင့်အထက်နောက်ကျခြင်း
၅)သားအိမ်တွင်းထည့်သန္ဓေတားပစ္စည်း ကျွတ်ထွက်သွားခြင်း
၆)အလိုမတူဘဲ အဓမ္မပြုခံရခြင်း
စတဲ့အခြေအနေတွေမှာ အရေးပေါ်တားဆေးကို အသုံးပြုနိုင်ပါတယ်။
လိင်ဆက်ဆံပြီး နာရီ ၁၂၀ အတွင်းသောက်နိုင်သော်လည်း……စောစောသောက်နိုင်လေ အာနိသင်ရှိလေဖြစ်ပြီး …. ဆေးသောက်နောက်ကျလေ ဆေးအာနိသင်လျော့ပါးသွားလေ ဖြစ်ပါသည်။
ပိုင်နီမေ