မျက်ရည်တု
မျက်လုံးလေးတွေ ခြောက်သွေ့နေတဲ့အခါ ခို့လို့ခုလုနဲ့ ယားကျိကျိဖြစ်ကာ အမြင်ဝေဝါးစေပြီး နေရထိုင်ရခက်စေပါတယ်။မျက်ကပ်မှန် အသုံးပြုသူတွေ၊ အသက်အရွယ်ရလာသူတွေ၊အလွန်ပူပြင်းခြောက်သွေ့တဲ့ အရပ်ဒေသမှာ နေထိုင်သူတွေ၊ကွန်ပျူတာ၊ဖုန်းစခရင်တွေကို အချိန်ကြာမြင့်စွာကြည့်ရသူတွေနဲ့ အချို့သော မျက်စိဝေဒနာ ခံစားရသူတွေမှာ မျက်ရည်ခမ်းခြောက်တတ်ပါတယ်။မျက်လုံးခြောက်ပြီး ခိုးလိုးခုလု ဖြစ်တာကို ကာကွယ်ဖို့ မျက်ရည်တု (Artificial tear) မျက်စဉ်း အသုံးပြုနိုင်ပါတယ်။
အတော်အသင့် မျက်လုံးခြောက်သူတွေမှာ မျက်ရည်တု တစ်နေ့ ၄ကြိမ်ခန့် မျက်စဉ်းခပ်ရန်လိုပါတယ်။ မျက်ရည်အထွက်နည်းပြီး မျက်စိအလွန်ခြောက်သွေ့သူတွေကတော့ တစ်နေ့ ၁၀ကြိမ်ဝန်းကျင်ခန့် မျက်စဉ်းခပ်သင့်ပါတယ်။မျက်ကပ်မှန်အသုံးပြုသူတွေအတွက်ကတော့ အထူးပြုလုပ်ထားတဲ့ မျက်ကပ်မှန်ကို မပျက်စီးစေတဲ့ မျက်ရည်တုမျက်စဉ်းကို ရွေးချယ်သုံးသင့်ပါတယ်။
မျက်ရည်တု မျက်စဉ်းအသုံးပြုပြီး မျက်စိနာခြင်း၊နီခြင်း၊အမြင်အာရုံမှုံဝါးခြင်းများ ဖြစ်လာခဲ့ရင်တော့ ဆက်လက်အသုံးပြုခြင်းမပြုဘဲ မျက်စိအထူးကုဆရာဝန်နှင့် သွားရောက်ပြသသင့်ပါတယ်။
ကျန်းမာလှပသော ဘဝတစ်ခုပိုင်ဆိုင်စေရန် ရည်ရွယ်လျက်
ပွင့်ရည် (ဆေး ၂)