အသက်ကြီးမှကလေးယူခြင်း
နောက်ပိုင်းလူနေမှုဘဝတွေမှာ အိမ်ထောင်ပြုတော့မယ်ဆိုရင် ကလေးယူသင့်မယူသင့်ဆိုတာ အရေးပါတဲ့ဆွေးနွေးစရာခေါင်းစဉ်ဖြစ်လာပါတယ်။ ငယ်ရွယ်တုန်းယူရမလား၊ ကြီးမှယူရမလား။ ကြီးမှယူရင်ဘာတွေဖြစ်နိုင်သလဲ၊ လုံးဝမယူတော့ရင်ကောင်းမလား စသဖြင့်ခေါင်းခြောက်အောင်စဉ်းစားကြရပါတယ်။ အသက်ကြီးမှ ကိုယ်ဝန်ဆောင်တာ၊ ကလေးမွေးတာဟာ ငယ်ရွယ်စဉ်ထက်တော့ စိုးရိမ်ဖို့ပိုများပါတယ်။
အသက်ကြီးမှကလေးရတိုင်း စိုးရိမ်စရာကောင်းတာတော့မဟုတ်ပါဘူး။ အသက်ကြီးပေမယ့် သာမန်ကျန်းမာတဲ့ကလေးတွေမွေးဖွားနိုင်ပါတယ်။ 35နှစ်ကျော်လာရင်တော့ အချို့သောကျန်းမာရေးအကြောင်းအရာတွေအပေါ်တော့ သက်ရောက်မှုတွေရှိလာနိုင်ပါတယ်။
အသက်ကြီးလာတာနဲ့အမျှ အချို့သောရောဂါဖြစ်နှုန်းတွေများလာပါတယ်။ ထင်သာမြင်သာတဲ့ဥပမာတစ်ခုကတော့ down syndrome ဖြစ်ပါတယ်။ chromosome ပုံမှန်မဟုတ်တဲ့မွေးရာပါရောဂါတစ်ခုဟာ မိခင်ရဲ့အသက်အရွယ်နဲ့ သက်ဆိုင်နေပါတယ်။ မိခင်အသက် 25နှစ်အရွယ်မှာ ရောဂါဖြစ်နှုန်းက 1064ယောက်မှာတစ်ယောက်၊ အသက်30အရွယ်မှာ 686ယောက်မှာ 1ယောက်၊အသက်35မှာဆိုရင် 240မှာ1ယောက် စသဖြင့်များလာပါတယ်။
နောက်ထပ်ကြုံနိုင်တာကတော့ သားပျက်သားလျှောဖြစ်တာပါ။ မိခင်အသက် 20-24 မှာ သားပျက်သားလျှောဖြစ်နိုင်နှုန်းက 9%သာရှိပေမယ့် 45နှစ်ကျော်လာပြီဆိုရင်တော့ 75%ထိတက်လာပါတယ်။ ဒါ့အပြင်ကလေးမွေးပြီးအသက်မပါလာတဲ့ ကလေးအသေမွေးနှုန်းကလည်း အသက်ကြီးလေများလေဖြစ်ပါတယ်။
ဒါ့အပြင်ကိုယ်ဝန်ဆောင်ချိန်မှာဆီးချိုတက်တာ၊ သွေးပေါင်တက်တာ၊ ခြေထောက်တွေဖောယောင်လာတာ ကိုယ်ဝန်ဆိပ်တက်တာတွေဖြစ်လာနိုင်ပါတယ်။ အချင်းရှေ့ရောက်တာ၊ မီးဖွားရင်ခေါင်းနဲ့မဆင်းပဲ တင်ပါးဆုံနဲ့ဆင်းတာ၊ ရေမွှာနည်းတာတွေလည်းဖြစ်တတ်ပြီး ကလေးရောမိခင်ပါ စိုးရိမ်ရပါတယ်။
အဆိုပါကျန်းမာရေးဆိုင်ရာအခြေအနေတွေကတော့ အသက်အရွယ်ကြီးတိုင်းဖြစ်နိုင်တာတော့ မဟုတ်ပေမယ့်ဖြစ်နိုင်လာတွေဖြစ်ပါတယ်။ ကိုယ်ဝန်ဆောင်တာ ကလေးယူတာမှန်သမျှတော့ စိုးရိမ်စရာတွေကသူ့အတိုင်းအတာ
နဲ့သူရှိနိုင်ပါတယ်။ မိမိအစီအစဉ်နဲ့ကိုက်ညီအောင်ချိန်ဆပြီး ကျန်းမာရေးကို ဂရုစိုက်ကြရမှာဖြစ်ပါတယ်။ ငယ်ရွယ်တုန်းယူတာကောင်းတယ်ဆိုပေမယ့် မိမိရဲ့မိသားစုအစီအစဉ်နဲ့ ကိုက်ညီမှုရှိရဲ့လားဆိုတာကိုလည်း အလေးထားပြီးစဉ်းစားရမှာဖြစ်ပါတယ်။
Dr. ZZ
အသက္ႀကီးမွကေလးယူျခင္း
ေနာက္ပိုင္းလူေနမႈဘဝေတြမွာ အိမ္ေထာင္ျပဳေတာ့မယ္ဆိုရင္ ကေလးယူသင့္မယူသင့္ဆိုတာ အေရးပါတဲ့ေဆြးေႏြးစရာေခါင္းစဥ္ျဖစ္လာပါတယ္။ ငယ္ရြယ္တုန္းယူရမလား၊ ႀကီးမွယူရမလား။ ႀကီးမွယူရင္ဘာေတြျဖစ္ႏိုင္သလဲ၊ လံုးဝမယူေတာ့ရင္ေကာင္းမလား စသျဖင့္ေခါင္းေျခာက္ေအာင္စဥ္းစားၾကရပါတယ္။ အသက္ႀကီးမွ ကိုယ္ဝန္ေဆာင္တာ၊ ကေလးေမြးတာဟာ ငယ္ရြယ္စဥ္ထက္ေတာ့ စိုးရိမ္ဖို႔ပိုမ်ားပါတယ္။
အသက္ႀကီးမွကေလးရတိုင္း စိုးရိမ္စရာေကာင္းတာေတာ့မဟုတ္ပါဘူး။ အသက္ႀကီးေပမယ့္ သာမန္က်န္းမာတဲ့ကေလးေတြေမြးဖြားႏိုင္ပါတယ္။ 35ႏွစ္ေက်ာ္လာရင္ေတာ့ အခ်ဳိ႕ေသာက်န္းမာေရးအေၾကာင္းအရာေတြအေပၚေတာ့ သက္ေရာက္မႈေတြရိွလာႏိုင္ပါတယ္။
အသက္ႀကီးလာတာနဲ႔အမွ် အခ်ဳိ႕ေသာေရာဂါျဖစ္ႏႈန္းေတြမ်ားလာပါတယ္။ ထင္သာျမင္သာတဲ့ဥပမာတစ္ခုကေတာ့ down syndrome ျဖစ္ပါတယ္။ chromosome ပံုမွန္မဟုတ္တဲ့ေမြးရာပါေရာဂါတစ္ခုဟာ မိခင္ရဲ႕အသက္အရြယ္နဲ႔ သက္ဆိုင္ေနပါတယ္။ မိခင္အသက္ 25ႏွစ္အရြယ္မွာ ေရာဂါျဖစ္ႏႈန္းက 1064ေယာက္မွာတစ္ေယာက္၊ အသက္30အရြယ္မွာ 686ေယာက္မွာ 1ေယာက္၊အသက္35မွာဆိုရင္ 240မွာ1ေယာက္ စသျဖင့္မ်ားလာပါတယ္။
ေနာက္ထပ္ႀကံဳႏိုင္တာကေတာ့ သားပ်က္သားေလွ်ာျဖစ္တာပါ။ မိခင္အသက္ 20-24 မွာ သားပ်က္သားေလွ်ာျဖစ္ႏိုင္ႏႈန္းက 9%သာရိွေပမယ့္ 45ႏွစ္ေက်ာ္လာၿပီဆိုရင္ေတာ့ 75%ထိတက္လာပါတယ္။ ဒါ့အျပင္ကေလးေမြးၿပီးအသက္မပါလာတဲ့ ကေလးအေသေမြးႏႈန္းကလည္း အသက္ႀကီးေလမ်ားေလျဖစ္ပါတယ္။
ဒါ့အျပင္ကိုယ္ဝန္ေဆာင္ခ်ိန္မွာဆီးခ်ဳိတက္တာ၊ ေသြးေပါင္တက္တာ၊ ေျခေထာက္ေတြေဖာေယာင္လာတာ ကိုယ္ဝန္ဆိပ္တက္တာေတြျဖစ္လာႏိုင္ပါတယ္။ အခ်င္းေရွ႕ေရာက္တာ၊ မီးဖြားရင္ေခါင္းနဲ႔မဆင္းပဲ တင္ပါးဆံုနဲ႔ဆင္းတာ၊ ေရမႊာနည္းတာေတြလည္းျဖစ္တတ္ၿပီး ကေလးေရာမိခင္ပါ စိုးရိမ္ရပါတယ္။
အဆိုပါက်န္းမာေရးဆိုင္ရာအေျခအေနေတြကေတာ့ အသက္အရြယ္ႀကီးတိုင္းျဖစ္ႏိုင္တာေတာ့ မဟုတ္ေပမယ့္ျဖစ္ႏိုင္လာေတြျဖစ္ပါတယ္။ ကိုယ္ဝန္ေဆာင္တာ ကေလးယူတာမွန္သမွ်ေတာ့ စိုးရိမ္စရာေတြကသူ႕အတိုင္းအတာ
နဲ႔သူရိွႏိုင္ပါတယ္။ မိမိအစီအစဥ္နဲ႔ကိုက္ညီေအာင္ခ်ိန္ဆၿပီး က်န္းမာေရးကို ဂ႐ုစိုက္ၾကရမွာျဖစ္ပါတယ္။ ငယ္ရြယ္တုန္းယူတာေကာင္းတယ္ဆိုေပမယ့္ မိမိရဲ႕မိသားစုအစီအစဥ္နဲ႔ ကိုက္ညီမႈရိွရဲ႕လားဆိုတာကိုလည္း အေလးထားၿပီးစဥ္းစားရမွာျဖစ္ပါတယ္။
Dr. ZZ