မိုးရာသီနဲ့COVID19

မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်

St.Christopher’s Hospital for Children မှ ပါမောက္ခ ဒေါက်တာ Alan Evangelista က ကိုရိုနာဗိုင်းရပ်စ်နဲ့ အအေးမိတုပ်ကွေးဝေဒနာအကြောင်းကိုနှစ်ပေါင်းများစွာသုတေသနပြုနေသူတစ်ဦးပဲဖြစ်ပါတယ် သူကဆိုရာမှာတော့ စိုထိုင်းစမြင့်မားတဲ့အခြေအနေက ဗိုင်းရပ်စ်ပိုးရဲ့ အရွယ်အစားကိုကြီးလာစေပြီး လေထုထဲကနေတဆင့်ခန္ဒာကိုယ်ထဲကို မြန်မြန်ရောက်ရှိနိုင်တယ်လို့ဆိုပါတယ်။ ကိုရိုနာဗိုင်းရပ်စ်ဟာ ခရမ်းလွန်ရောင်ခြည်နဲ့ထိတွေ့တဲ့အခါ လျင်မြန်စွာသေဆုံးလေ့ရှိပါတယ်။ အခန်းအပူချိန် နိမ့်ကျတဲ့အခါ နဲ့စိုထိုင်းစနိမ့်တဲ့အခါမျိုးမှာရှင်သန်နိုင်ပါတယ်။

မိုးရာသီမှာတော့ ထိုင်းနိုင်ငံမှာ နှစ်စဉ် ရာသီတုပ်ကွေးပိုးဝင်ရောက်လေ့ရှိပါတယ်။အဲ့ဒီလိုပါပဲ ကျွန်တော်တို့နိုင်ငံမှာလည်း ရာသီတုပ်ကွေးဗိုင်းရပ်စ်ပိုးရဲ့ဒဏ်ကိုခံစားရလေ့ရှိပါတယ်။ အိန္ဒိယနိုင်ငံရဲ့ ဒေသပေါင်း ၃၆ခုမှာ သေဆုံးသူ ၁သိန်း၄သောင်းကျော်ရှိခဲ့ပြီး လေ့လာမှုတွေအရ အနောက်တောင်မုတ်သုံရာသီမှာ ရောဂါဖြစ်ပွားမှုကအဓိကအနေနဲ့ဖြစ်ပြီးမုတ်သုံအပြီးကာလကလည်း အရေးကြီးတယ်လို့ဆိုပါတယ်။  မိုးရာသီကာလမှာ ကာလဝမ်းရောဂါ၊ သွေးလွန်တုပ်ကွေး စတဲ့ ဝေဒနာတွေလည်းရှိသလို ရာသီတုပ် ကွေးနဲ့ကိုရိုနာဗိုင်းရပ်စ်ပိုးတွေကိုကာကွယ်ဖို့ရာ အတွက်ကိုလည်း အခြေခံအချက်တေ ွအားဖြင့်တူညီပါတယ်။ ဗီတာမင်ဒီ နဲ့ဗီတာမင်ဘီဟာ ကိုဗစ်ကြောင့်သေဆုံးမှုတွေကို ကာကွယ်ဖို့ရာလည်း အရေးပါပါတယ်။

ဒီနှစ်မျိုးလုံးက အသက်ရှူလမ်းကြောင်းကနေဝင်ရောက်တာဖြစ်ပါတယ်။ မိုးရာသီမှာ ရာသီတုပ်ကွေးဗိုင်းရပ်စ်ပိုးကူးစက်ခြင်းက မြင့်မားသလိုပဲ Covid19ဗိုင်းရပ်စ်ပိုးကူးစက်မှုကလည်း မြင့်မားလာမှာဖြစ်ပါတယ်။ လက်များကိုမကြာခဏဆေးကြောခြင်း ၊ နှာခေါင်းစီးတပ်ဆင်ခြင်း၊ အာဟာရပြည့်ဝပြီး ပူနွေးတဲ့အစားအစာများကိုစားခြင်း၊ တကိုယ်ရည်အသုံးအဆောင်ပစ္စည်းများ ကိုသာအသုံးပြုခြင်း ၊ လူနေထူထပ်ရာနေရာများကိုရှောင်ကြဉ်ခြင်း၊ အနည်းဆုံး ၂မီတာ အကွာအဝေးမှာနေထိုင်ခြင်း၊ မသန့်စင်ထားတဲ့လက်များနဲ့ မျက်စိ၊နှာခေါင်း၊ နှုတ်ခမ်းများကို ကိုင်တွယ်ခြင်းမှရှောင်ကြဉ်ခြင်း၊ ၊ လေဝင်လေထွက်ကောင်းတဲ့နေရာတွေမှာ နေထိုင်ခြင်းတွေကို အလေးထားသင့်ပါတယ်။ မိုးရေကြောင့် နှာခေါင်းစီးMaskတွေကိုရေထိတဲ့အခါမျိုးမှာ ရောဂါပိုးနဲ့ဘက်တီးရီးယားပိုးတွေကို အပြည့်အဝမကာကွယ်နိုင်ဘဲရှိတတ်ပါတယ်။ ဒါကြောင့် မိုးရာသီမှာ အပြင်ထွက်တဲ့အခါ Mask အပိုတစ်ခုဆောင်ထားသင့်ပါတယ်။ လူတစ်ဦးခြင်းစီမှာနှာချေချောင်းဆိုးလိုက်တဲ့အခါ အသက်ရှူလမ်းကြောင်းဆိုင်ရာသေးငယ်တဲ့အစက်လေးများကို လေထဲကိုထုတ်ပစ်လိုက်တတ်ပါတယ်။ နေမကောင်းလို့ဖျားနာနေချိန်မှာလည်း အဲ့ဒီအမှုန်လေးတွေက သူ့အနီးအနားကနေတခြားသူတွေဆီ ကူးစက်တတ်ပါတယ်။

ဒေါက်တာနိုင်း(ဆေး-၁)

MyDoctor Telemedicine Application
Related posts
Uncategorizedကူးစက်တတ်သောရောဂါများအထွေထွေရောဂါများ

အခုဖြစ်နေတဲ့ ကူးစက်ရောဂါ Monkeypox (မျောက်ကျောက်ရောဂါ)

1 Mins read
Monkeypox (မျောက်ကျောက်‌‌ရောဂါ)ကို ဘယ်လိုစတွေ့ခဲ့လဲ? Monkeypox (မျောက်ကျောက်) ဆိုတာ Poxviridae မျိုးရိုးရှိ Orthopoxvirus genus ၏အဖွဲ့ဝင်ဖြစ်တဲ့ မျောက်ကျောက်ဗိုင်းရပ်စ်ကြောင့် ဖြစ်ပါတယ်။ 1958 ခုနစ်မှာ မျောက်မှာ စတွေ့တဲ့အတွက် မျောက်ကျောက်ရောဂါလို့ခေါ်တွင်ခဲ့ပါတယ်။ လူတွေမှာဖြစ်ပွားတာတော့ 1970 ခုနစ်မှာ အာဖရိကနိုင်ငံတွေ့မှာ…
စားသောက်မှုပုံစံနေထိုင်မှုပုံစံအခြားရောဂါများအထွေထွေရောဂါများအလှအပနှင့်နေထိုင်စားသောက်မှုပုံစံ

🤳 Screen Time နဲ့ ဇက်ကြောတက်ခြင်း ပြဿနာ

1 Mins read
နေပူ ခေါင်းကိုက်ရတဲ့ ကြားထဲ Computer, Laptop, Phone တွေ နဲ့ တစ်ချိန်လုံး အလုပ်လုပ်နေရလို့ ဇက်ကြော‌တွေကပါ တက်လာပြန်ပြီ။ ဒီလို တစ်ချိန်လုံးဖြစ်နေရင် ခက်ရချည့်ရဲ့။အကြောတွေကလဲတက် ပျို့ချင် အန်ချင်စိတ်တွေကလဲဖြစ်နဲ့ တော်တော်ကို အဆင်မပြေပါဘူး။ ဒါတွေဟာ ကိုယ်တစ်ယောက်ထဲ ဖြစ်နေတာမဟုတ်ဘဲ…
နေထိုင်မှုပုံစံအခြားရောဂါများအထွေထွေရောဂါများ

ရုတ်တရက် ကြွက်တက်လာရင် လုပ်ပေးနိုင်သော အချက်များ 🦶

1 Mins read
ကြွက်တက်တယ်လို့ လူသိများကြတဲ့ Muscle cramp ဟာ ရုတ်တရက်ဖြစ်ပေါ်လာတာဖြစ်ပြီး ကြွက်သားများ တင်းကြပ်ပြီး ကျုံ့နေတဲ့ အတွက်ကြောင့် နာကျင်မှုခံစားရတဲ့ အခြေအနေကိုကြွက်တက်တယ်လို့ခေါ်ပါတယ်။ကြွက်တက်တာဟာ ရုတ်တရက်ဖြစ်ပြီး ကြိုတင်မှန်းဆ မရနိုင်သလို အဖြစ်များကြပါတယ်။ ကြွက်တက်တဲ့အချိန်မှာ contraction ကြောင့် နာကျင်မှုကိုခံစားရပြီး အခြားသော ကြွက်သားအဖွဲ့အစည်းပေါ်ကိုလဲ…

Leave a Reply

Your email address will not be published. Required fields are marked *