rain & headache
အခြားရောဂါများအထွေထွေရောဂါများ

မိုးမိပြီး ခေါင်းကိုက်တဲ့အခါ

1 Mins read

မိုးမိပြီး ခေါင်းကိုက်တဲ့အခါ

ခေါင်းကိုက်နိုင်တဲ့ အကြောင်းပေါင်းများစွာရှိပေမဲ့ လူတိုင်းကို အနည်းနဲ့အများ ထိခိုက်စေနိုင်တဲ့ အကြောင်းကတော့ ရာသီဥတုပါ။ အထူးသဖြင့်ပြောရရင်တော့ မိုးရေပေါ့။ မိုးရာသီမှာ မိုးရေစိုတာ သဘာဝတစ်ခုဖြစ်သလိုပဲ မိုးမိပြီးရင် ခေါင်းကိုက်တတ်တာ ဖြစ်နေကျ ပြဿနာတစ်ခုဖြစ်ပါတယ်။

✔ဘာကြောင့်ကိုက်လဲ ??

– ခေါင်းကိုက်တာက အအေးမိဖျားနာနဲ့ တုပ်ကွေးရောဂါတွေရဲ့ ကနဦးလက္ခဏာတစ်ခုဖြစ်နိုင်သလို မဖျားဘဲလည်း ကိုက်နိုင်ပါတယ်။

-ပတ်ဝန်းကျင်လေထုဖိအားကျဆင်းလာမှုနဲ့ စိုထိုင်းဆမြင့်တက်လာမှုကြောင့်လည်း ခေါင်းကိုက်တတ်ပါတယ်။

– ခေါင်းတစ်ခြမ်းကိုက်(Migraine)ရောဂါအခံ ရှိသူတွေမှာလည်း မိုးရေစိုတဲ့အခါ ရောဂါပြန်ကြွလာတတ်ပါတယ်။

– မိုးရေကြောင့် နေ့စဉ်လုပ်ငန်းဆောင်တာတွေ သွားလာလုပ်ကိုင်ရခက်တဲ့အခါ စိတ်ဖိစီးမှုကြောင့်လည်း ခေါင်းကိုက်နိုင်ပါတယ်။

✔မိုးရေစိုပြီး ခေါင်းကိုက်လာရင် ဘာလုပ်မလဲ ??

– အရင်ဆုံး ခြောက်သွေ့ နွေးထွေးအောင်နေပါ။

– ရေနွေးပူပူ၊ ကော်ဖီ၊ လက်ဖက်ရည် သို့မဟုတ် နွားနို့ပူပူတစ်ခွက်သောက်ပါ။

– ဆိတ်ငြိမ်အေးချမ်းတဲ့ နေရာတစ်ခုမှာ သက်သောင့်သက်သာ အနားယူပါ။

– အိပ်ရေးဝအောင် အိပ်လိုက်ပါ။

– အချိန်မှန် အာဟာရပြည့်ဝအောင် စားသောက်ပါ။

– ဖုန်း တီဗွီ နဲ့ ကွန်ပျူတာအသုံးပြုတာတွေ ခဏ နားပါ။

– သိပ်ကိုက်ရင် ပုံမှန်ထက်ပိုကိုက်ရင်တော့ ဆရာဝန်ပြပါ။

ခေါင်းကိုက်ဝေဒနာကင်းကြပါစေ..
Dr ဖြိုးဝေလင်း

(7.8.19)

Related posts
စားသောက်မှုပုံစံအခြားရောဂါများ

ဓာတ်မတည့်ခြင်းကို ဖြစ်စေနိုင်သော အစားအစာ များ

1 Mins read
အမျိုးမျိုးသော အစားအစာ များဟာ အချို့သူတွေမှာ ဓာတ်မတည့်မှုဖြစ်စေနိုင်တဲ့ အလားအလာရှိပါတယ်။ အချို့ သောအစားအစာများတွင်ပါရှိသော ပရိုတင်းဓာတ်များကို ကိုယ်ခံအားစနစ်က ပုံမှန်မဟုတ်စွာ တုံ့ပြန်တဲ့အခါ အစားအစာနှင့် ဓာတ်မတည့်မှု ဖြစ်ပေါ်တတ်ပါတယ်။ အဖြစ်များတဲ့ ဓာတ်မတည့်ခြင်းရဲ့ လက္ခဏာများ – ပါးစပ် တစ်ဝိုက် ယားယံခြင်း၊…
သွားကျန်းမာရေးအခြားရောဂါများအထွေထွေရောဂါများ

လျှာနာ နေလျှင်

1 Mins read
လျှာနာကျင်မှု ဟာ အကြောင်းအမျိုးမျိုးကြောင့် ဖြစ်ပွားနိုင်ပါတယ်။ လျှာနာ ခြင်းရဲ့ အဖြစ်များသော အကြောင်းရင်း အချို့မှာ အောက်ပါအတိုင်းဖြစ်ပါတယ်။ (၁) ဒဏ်ရာများ- လျှာကို မတော်တဆကိုက်မိခြင်း၊ ပူသောအစာ သို့မဟုတ် အရည်များ စားသောက်မိသဖြင့် လျှာပူလောင်ခြင်း၊ သို့မဟုတ် အစာစားနေစဉ် ထိခိုက်ဒဏ်ရာရခြင်းများဟာ…
ကင်ဆာအထွေထွေရောဂါများ

သွေးကင်ဆာ တို့ရဲ့သဘာဝနဲ့လက္ခဏာ

1 Mins read
သွေးကင်ဆာ ဆိုတာ သွေး၊ ရိုးတွင်းခြင်ဆီနှင့် ပြန်ရည်ကြောစနစ် တို့ကို ထိခိုက်စေသော ကင်ဆာအုပ်စုကို ရည်ညွှန်းပါတယ်။ သွေးကင်ဆာများဟာ သွေးဆဲလ်များ (သွေးနီဥများ၊ သွေးဖြူဥများနှင့် သွေးဥမွှားဆဲလ်များ) ကို ထုတ်လုပ်ရန် တာဝန်ရှိတဲ့ ဆဲလ်များမှ စတင်ဖြစ်ပွားပါတယ်။ သွေးကင်ဆာမှာ သွေးဖြူဥကင်ဆာ (Leukemia)…