Premature Ejaculation

ဒီနေရာမှ မြန်ရသလား ဗျာ

ကိုရွှေကြာတစ်ယောက်နာမည်နဲ့လိုက်အောင်နေရာတကာလုပ်တာကိုင်တာကြာလွန်းသူဖြစ်သည်။ သူ့မိန်းမ တစ်ခုခုများ ခိုင်းရင် မနက်ကခိုင်း ညနေမှရတာမို့ မိန်းမ ရန်စောင်တာကိုခံရနေကြ။

အဲ ဒါပေမယ့် မြန်တဲ့နေရာ တစ်ခုတော့ရှိတယ် ။

အဲဒါကတော့” အိပ်ရာထဲက ကိစ္စ” ဒီတစ်လော ကိုရွှေကြာတစ်ယောက် အလုပ်မှာ ရာထူးတိုးတယ်၊ ရာထူးတိုးလာတာနဲ့အမျှ တာဝန်တွေ၊ စိတ်ဖိစီးမှုတွေ ပိုများလာတယ်။

ပိုသိသာလာတာက ဒီလို အလုပ်တွေများပြီးချိန်လောက်မှာဘဲ မိန်းမနဲ့ အပေးအယူမမျှတော့ဘူး။ မမြန်သင့်တဲ့ အိပ်ရာပေါ်က ကိစ္စပါမြန်လာတယ်။ သုတ်လွှတ်စောလာတယ်။ မိန်းမကလည်း မကြည်လင်ချင်တော့ဘူး။

ကိစ္စကိုဒီအတိုင်းထားလို့မရ၊ ခင်နေတဲ့ မိသားစုဆရာဝန်လေးဆီ တိုင်ပင်ဖို့ထွက်လာလိုက်တယ်။

ကိုရွှေကြာတစ်ယောက် သူ့ပြသနာကိုပြောအပြီးမှာ ဆရာဝန်လေးက

” ဒီလိုဗျ အမျိုးသား၂၀%လောက်ဟာ သက်တမ်းတစ်လျှောက်မှာ ဒီသုတ်လွှတ်မြန်တဲ့ ပြသနာနဲ့ကြုံတွေဖို့ အခြေအနေတွေရှိတတ်ပါတယ်။ ဖြစ်ရတဲ့အကြောင်းတွေကတော့ စိတ်ပိုင်းဆိုင်ရာအားဖြင့်

  • အလျင်လိုတဲ့ လိင်ဆက်ဆံမှုအခြေအနေမျိုး
  • လိင်စိတ်အင်မတန်လှုပ်ရှားနေစဉ်ဆက်ဆံမိတာမျိုး
  • အလုပ်၊ ကိုယ်ရေးကိုယ်တာ စိတ်ဖိစီးမှုများနေတာမျိုးဆို ပိုတွေ့ရတတ်ပါတယ်။

ကိုယ်ခန္တာရောဂါအနေနဲ့ကတော့

  • လိင်အဂါၤရောင်ယမ်းနေတဲ့အချိန်
  • အာရုံကြောစနစ်ထိခိုက်ထားသူများ
  • နှလုံး၊ ဆီးချိုရှိသူများ
  • ဟော်မုန်း ပမာဏ နည်းသူတွေမှာတွေ့ရတတ်ပါတယ်”

ကိုရွှေကြာတစ်ယောက် အားတက်သွားသည်။ “အနာသိ ဆေးရှိသည်”ဟုလည်းတွေးလိုက်သည်။

” ကုလို့ရလားဆရာ”

ဆရာဝန်ကလည်း ” ကုသဖို့ဆိုရင် အရင်ဆုံး စိတ်ကိုထိန်းဖို့ ကျင့်ရပါမယ်။ အတူနေလို့ ခံစားချက်အထွဋ်အထိပ်ရောက်လို့ ပြီးခါနီးဆိုရင် တစ်ခြားက်ု အာရုံပြောင်းတာမျိုးလုပ်ပြီး ကျင့်ကြည့်ပါ။ နောက်တစ်မျိုးအနေနဲ့ ‘ Condom(ကွန်ဒုံး) သုံးပြီးဆက်ဆံခြင်း၊ လိင်အဂါၤ ထိတွေ့မှုကိုလျှော့စေတဲ့ Gel သုံးပြီးဆက်ဆံခြင်း
တို့ကလည်း ဆက်ဆံချိန်ကြာစေပြီး သုတ်လွှတ်မြန်တာကိုဖြေရှင်းပေးပါတယ်။

နောက်ဆုံးအနေနဲ့ လိုအပ်လာရင်တော့ စိတ်ကျရောဂါ( Depression)နဲ့ တွဲဖြစ်တတ်တာမို့ စိတ်ငြိမ်ဆေး( Anti depressent) မျိုးကို ကျွန်တော်တို့ဆရာဝန်အနေနဲ့ ညွှန်ပေးပါမယ်”

ကိုရွှေကြာတစ်ယောက်တော့ ဆေးခန်းကအပြန် မိန်းမနဲ့ ပြေလည်ဖို့အရေး တွေးသာနေလိုက်တော့တယ်။

မယ်တင်( ဆေး ၁)

 

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *