mydoctor-top-telemedicine

All Articlesမျိုးဆက်ပွားကျန်းမာရေးအမျိုးသား ကျန်းမာရေး

သုတ်လွှတ်စောခြင်း သုတ်လွှတ်မြန်ခြင်း

1 Mins read

သုတ်လွှတ်စောခြင်း သုတ်လွှတ်မြန်ခြင်း

ချိန်သားကိုက်မှုဆိုသည်မှာ ချစ်မှုရေးရာတွင် အဓိက အခရာပင်ဖြစ်သည် ။

နှစ်ဦး နှစ်ဖက် လိင်ဆန္ဒပြည့်ဝခြင်းဆိုတဲ့ orgasm ဟာ အမျိုးသားတွေမှာ အဖြစ်စောလေ့ရှိပြီး အမျိုးသမီးများ အဖြစ်နည်းလေ့ရှိပါတယ် ။ နှစ်ဦးလိင်စိတ်အထွဋ်အထိပ်မရောက်မီ အချိန်စော၍ ကိစ္စပြီးမြောက်သွားသာ အခါ နှစ်ဦးနှစ်ဖက်စိတ်ကျေနပ်မှုမရဘဲ စိတ်ကသိကအောက်ဖြစ်တတ်ပါတယ် ။ ထိုကဲ့သို့အခြေအနေကို သုတ်လွှတ်စောခြင်း ၊ သုတ်လွှတ်မြန်ခြင်း ( premature ejaculation ) လို့ခေါ်ပါတယ် ။

သုတ်လွှတ်စောခြင်း ၊ မြန်ခြင်း ဆိုတာ ဘာလဲ ?

လိင်ဆက်ဆံရာမှာ ဘယ်အချိန် ပြီးမြောက်သင့်တယ်ဆိုသော သတ်မှတ်ချက် မရှိသော်လည်း လိင်မဆက်ဆံရသေးမှီ သို့မဟုတ် ဆက်ဆံပြီး တစ်မိနစ် မပြည့်မီအတွင်း ပြီးမြောက်သွားခြင်းကို သုတ်လွှတ်စောခြင်းလို့ခေါ်ပါတယ် ။

ဒါဟာ ပြသနာတစ်ခုပဲဖြစ်ပါတယ် ။ ဘာကြောင့်လဲဆိုတော့ဘသင့်အနေနဲ့ ဆက်လက်ပြီး လိင်ဆက်ဆံနိုင်ဖို့အတွက် ကျားအင်္ဂါဟာ တင်းမာမှုမရှိတော့တဲ့အတွက် ဖြစ်ပါတယ် ။ ဒါကြောင့် သင်ရော သင့်ပါတနာဟာ လုံလုံလောက်လောက် ပြည့်ဝမှုကို မခံစားရတော့ပါဘူး ။

သုတ်လွှတ်စောခြင်း မြန်ခြင်းဟာ အဖြစ်များလေ့ရှိပြီး လူပျိုများတွင် အဖြစ်များပါတယ် ။ ၃၀ ကနေ လေးဆယ်ရာခိုင်နှုန်းလောက် အမျိုးသားတွေရဲ့ဘဝမှာ ကြုံတွေ့ရလေ့ရှိပါတယ် ။ ဒါကြောင့် တစ်ခါတစ်လေ ဖြစ်ပွားတဲ့အခါ အရမ်းကြီး စိုးရိမ်စရာ မလိုပါဘူး ။

ဘာကြောင့်ဖြစ်ရလဲ ?

အကြောင်းရင်းတိတိပပမရှိသေးသော်လည်း အဓိက စိတ်အခြေအနေအပေါ်အများကြီး မူတည်ပါတယ် ။

* စိတ်ဖိစီးတာ

* စိတ်ကျဝေဒနာခံစားရတာ

* စိုးရိမ်ကြောင့်ကြလွန်းနေတာ

* အပြစ်ရှိသလို ခံစားမိနေတာ

* နှစ်ဦးကြား ဆက်ဆံရေးပြသနာတွေရှိနေတာတွေကြောင့်လဖြစ်နိုင်ပါတယ် ။

တစ်ခါတစ်ရံ ကျားအင်္ဂါ မတင်းတောင့်နိုင်တော့ခြင်းဆိုသော ပန်းသေပန်းညှိုးရောဂါ ( erectile dysfunction) ကြောင့်လဲ သုတ်လွှတ်မြန်ခြင်း ဖြစ်နိုင်ပါတယ် ။ ကျားအင်္ဂါဟာ လုံလောက်သော အချိန်ထိ မတောင့်တင်းနိုင်သောကြောင့် စိုးရိမ်တကြီးဖြင့် ပြီးမြောက်အောင် အလျင်စလို လွှတ်မိတတ်ပါတယ် ။ ဒါကြောင့် ပန်းသေးပန်းညှိုးရောဂါကိုကုသခြင်းဖြင့် သုတ်လွှတ်မြန်ခြင်းကို ပျောက်ကင်းစေနိုင်ပါတယ် ။

ဘာတွေလုပ်နိုင်သလဲ ?

လိင်မဆက်ဆံမီ သင့်စိတ်ကို အလောတကြီး ကြောင့်ကြမှုမရှိဘဲ လျှော့ချထားခြင်း ပြီးမြောက်ခါနီး အထွဋ်အထိပ်ချိန်တွင် အာရုံကို လွှဲပြောင်းပစ်ခြင်းတို့လုပ်ဆောင်နိုင်ပါတယ် ။

ထို့အပြင် ကွန်ဒုံ သုံးပေးခြင်းဖြင့် ထိတွေ့မှုကို လျှော့ချနိုင်ပြီး အချိန်ကြာစေနိုင်ပါတယ် ။

ဗိုင်ယာဂရာနှင့် အလားတူဆးများ ၊ ဈေးကွက်အတွင်းကြော်ငြာနေသောဆေးများ သောက်သုံးမည်ဆိုပါက ဆရာဝန်နှင့်တိုင်ပင်ပြီးမှသာ သောက်သင့်ပါတယ်

ဘယ်အချိန်မှာ ဆရာဝန်နဲ့ပြသသင့်ပါသလဲ ?

အကယ်၍ သုတ်လွှတ်မြန်ခြင်းဟာ သင်ရော သင့်ပါတနာအတွက်ပါ စိတ်အနှောင့်အယှက်ဖြစ်လာလျှင် သွားရောက်ပြသသင့်ပါပြီ ။ ထို့အတွက် ဆရာဝန်မှ စမ်းသပ်ခြင်း ရောဂါရာဇဝင်မေးမြန်းခြင်း သင်နှင့်သင့်ပါတနာကြား ဆက်ဆံရေးအခြေအနေ အစရှိသိတို့ကို လုပ်ဆောင်ပြီး ကုသပေးမှာ ဖြစ်ပါတယ် ။

ထို့အပြင် စိတ်ကျဝေဒနာ စိတ်ဖိစီးမှုများ သင်နှင့်သင့်ပါတနာအကြား ဆက်ဆံရေးအခက်အခဲများ ပြသနာများအတွက်ကိုလဲ စိတ်ကျန်းမာရေး ဆရာဝန် ပညာရှင်များနှင့် တိုင်ပင်ဆွေးနွေးပြီး ကုသမှုကို ခံယူနိုင်ပါတယ် ။

Dr.ရှိန်းသူဟန်

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *