mydoctor-top-telemedicine

အချိန်မတိုင်ခင် ရွှေပန်းက ရေပန်းဖျာတာ စောခြင်း

“အချိန်မတိုင်ခင် ရွှေပန်းက ရေပန်းဖျာတာ စောခြင်း” ဆိုလို့စာဖတ်သူတွေ နားရှုပ်သွားကြသလား ။မရှုပ်ကြပါနဲ့ဗျာ ၊ပြောချင်တာက ဇီဝကတို့လို ဆရာဝန်
တွေကို အမျိုးသားလူနာတွေ အမေးများတဲ့ အထဲက “သုတ်လွှတ်စောခြင်း” အကြောင်းကို ပြောချင်တာဗျာ့ ။

အချိန်အဆက တယ်အရေးကြီး သဗျာ့ ။ဘယ်နေရာမှာမဆိုပေါ့ ။ အိပ်ရာထက်က ချစ်မှုရေးရာမှာလည်း အရေးပါတယ်နော့် ။တကယ်လို့ သာယာမှု အထွဋ်အထိပ်မရောက်ခင် သုတ်လွှတ်စောခဲ့ရင် အမျိုးသားရော အမျိုးသမီးပါ စိတ်ကျေနပ်မှု အပြည့်အ၀ ရမှာ မဟုတ် ။အမျိုးသားတွေအတွက်တော့ တကယ့် စိတ်ပျက်စရာပဲပေါ့ ၊ “ယောကျာၤး မပီသဘူး” လို့ မိမိကိုယ်တိုင်လည်း ခံစားရသလို မိမိလိင်ဆက်ဆံဖော်ကလည်း အထင်သေးသွားမှာ စိုးရိမ်မိတတ်ကြပါတယ် ။အကြိမ်တိုင်း သုတ်လွှတ်တာ စောနေရင် ချစ်မှုရေးရာမှာ ၊အိမ်ထောင်ရေးမှာ အက်ကြောင်းလေးတွေ ထင်းလာနိုင်တာပေါ့ ။

သုတ်လွှတ်စောတယ်ဆိုတာ ဘယ်လိုပါလဲ

တကယ်တော့ စောတယ်လို့ ပြောဖို့ကို အချိန် အတိအကျ သတ်မှတ်ဖို့ရာ ခက်ပါတယ် ။တစ်ယောက်နဲ့ တစ်ယောက်မှ မတူတာကိုးဗျာ့ ။

ယေဘူယျအားဖြင့်ကတော့ အမျိုးသမီးနဲ့ မဆက်ဆံမီ အမျိုးသမီး အင်္ဂါထဲ မထည့်ခင် ၊ဒါမှမဟုတ် ထည့်ပြီး လိင်ဆက်ဆံတာ တစ်မိနစ် မပြည့်ခင်မှာတင် သုတ်ရည်ထွက်တာကို သုတ်လွှတ်စောတယ်လို့ သတ်မှတ်ထားကြပါတယ် ။

သုတ်လွှတ်စောတာ ပြဿနာ တစ်ရပ်လား

သုတ်လွှတ်စောတာ ပြဿနာ တစ်ရပ်လို့ သတ်မှတ်လို့ရပါတယ် ။ ဘာလို့လဲ ဆိုရင် သုတ်ရည်ထွက်ပြီးတာနဲ့ အမျိုးသားရဲ့ လိင်တံဟာ ပျော့ခွေသွားပြီး ဆက်ပြီး လိင်ဆက်ဆံဖို့ အဆင်သင့် မဖြစ်တော့လို့ပါ ။

ဒါကြောင့် အမျိုးသားနဲ့ အမျိုးသမီးတို့ရဲ့ ချစ်မှုရေးရာမှာ အနှောင့်အယှက်ဖြစ်လာတာ ပါ ။

သုတ်လွှတ်စောတာဟာ အမျိုးသားတွေမှာ ဖြစ်လေ့ဖြစ်ထရှိတဲ့ ကျန်းမာရေး ပြဿနာတစ်ရပ်ပါ ။အရွယ်ရောက်ပြီး အမျိုးသားတွေရဲ့ ၃၀-၄၀ ရာခိုင်နှုန်းဟာ သုတ်လွှတ်စောတာကို တစ်ကြိမ်မဟုတ် တစ်ကြိမ် ခံစားဖူးကြပါတယ် ။

ဘာတွေကြောင့် သုတ်လွှတ်စောတတ်ကြတာလဲ

ဘာကြောင့် သုတ်လွှတ်စောတယ်ဆိုတာ အတိအကျ ပြောဖို့ခက်ပါတယ် ။အဖြစ်အများဆုံးကတော့ စိတ်ပိုင်းဆိုင်ရာ ပြဿနာများပဲ ဖြစ်ပါတယ် ။စိတ်ဖိစီးမှုများခြင်း ၊စိတ်ဓာတ်ကျခြင်း ၊လိင်ဆက်ဆံရာမှာ စိတ်လှုပ်ရှားလွန်းခြင်း ၊အပြစ်ရှိသလို ခံစားရခြင်း ၊အမျိုးသားနဲ့ အမျိုးသမီးအကြား ဆက်ဆံရေး အဆင်မပြေခြင်း စတာတွေပဲ ဖြစ်ပါတယ် ။ဒါ့အပြင် သုတ်လွှတ်စောခြင်းဟာ ပန်းသေပန်းညှိုးရောဂါရဲ့ လက္ခဏာ ဖြစ်တတ်ပါသေးတယ် ။ဒါကြောင့် ပေါ့ဆလို့တော့ မရပါဘူး ။

ဘယ်အချိန်မှာ သင့်မိသားစု ဆရာဝန်နဲ့ ပြသမလဲ

  • သုတ်လွှတ်စောတာ အကြိမ်အရေအတွက် စိပ်လာရင်
  • သုတ်လွှတ်စောခြင်းက မိမိမှာရော ၊မိမိရဲ့ လိင်ဆက်ဆံဖော်မှာရော စိတ်အနှောင့်အယှက် ပေးလာရင်
  • ပန်းသေပန်းညှိုးရဲ့ လက္ခဏာလို့ ယူဆရင် မိမိတို့ရဲ့ မိသားစု ဆရာဝန်နဲ့ ပြသပါ ။

မိမိဘာသာ ဘာလုပ်ထားနိုင်သလဲ

“Stop and Squeeze”

အချိန်မတိုင်ခင် သုတ်လွှတ်ခြင်းလာရင် သင့်ဘာသာဖြစ်စေ ၊သင့်လိင်ဆက်ဆံဖက်ကဖြစ်စေ လိင်တံကို စက္ကန့်ပိုင်းလောက် ၊ဒါမှမဟုတ် သုတ်လွှတ်ချင်တဲ့စိတ်ကုန်သွားတဲ့အထိ ညှစ်ပေးထားပါ ။

ကွန်ဒုံး စွပ်ထားခြင်းဖြင့်လည်း သင့်ရဲ့ အာရုံခံမှုကို လျော့ချပေးခြင်းဖြင့်လည်း သုတ်လွှတ်စောခြင်းကို သက်သာစေနိုင်ပါတယ် ။

တချို့သောလေ့လာမှုများအရ မိမိ လိင်ဆက်ဆံဖက်နဲ့ မဆက်ဆံမီ နာရီပိုင်း အလိုလောက်ကတည်းက အာသာဖြေမှုများဖြင့် သုတ်ရည်ထွက်အောင် ကြိုတင် လုပ်ထား သူများသည် သုတ်လွှတ်စောတာ နည်းတယ်လို့ ဆိုကြပါတယ် ။

ဘယ်လိုကုသလို့ရသလဲ

သုတ်လွှတ်မြန်ခြင်း အတွက် ဆေးဝါးသီးသန့်တော့ မပေါ်သေးပါ ။ ပန်းသေးပန်းညှိုးနဲ့ တွဲဖြစ်ရင်တော့ ဆေးဝါးကုထုံး ရှိပါတယ် ။

အဓိကကတော့ အထက်ပါအပြုအမူများ ကျင့်သုံးရမယ့် အပြင် စိတ်ပိုင်းနဲ့ အပြုအမူ ပိုင်းဆိုင်ရာကုထုံး Cognitive Behavioral Therapy များနဲ့ ကုသနိုင်ပါတယ် ။

ခေတ်သစ် ဇီဝက

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *