All Articlesအခြားရောဂါများအထွေထွေရောဂါများ

လိပ်ခေါင်းရောဂါအကြောင်းသိကောင်းစရာ

1 Mins read
လိပ်ခေါင်းရောဂါအကြောင်းသိကောင်းစရာ
လိပ်ခေါင်းဆိုတာ သင်ရဲ့ စအိုထဲမှာ(ဒါမှမဟုတ်) စအိုတဝိုက်မှာ ပေါ်လာတဲ့ အဖုလေးပဲဖြစ်ပါတယ်။ အဲ့ဒီအဖုတွေဟာ ရက်အနည်းငယ်အတွင်းမှာ သူ့အလိုလို ပြန်ကောင်းလေ့ရှိပါတယ်။ လိပ်ခေါင်းကို ကာကွယ်ဖို့နဲ့ ကုသဖို့ သင်လုပ်နိုင်တဲ့အရာတွေရှိပါတယ်။

လိပ်ခေါင်းဟုတ်မဟုတ် စစ်ဆေးကြည့်ပါ။

လိပ်ခေါင်းရဲ့ ရောဂါလက္ခဏာတွေကတော့

ဝမ်းသွားပြီးရင် နီရဲရဲသွေးထွက်လာခြင်း

စအိုယားခြင်း

ဝမ်းသွားပြီးပါကလည်း ဝမ်းဆက်သွားချင်သေးသည့် လက္ခဏာခံစားရခြင်း

အတွင်းခံ သို့မဟုတ် သုတ်လိုက်တဲ့ တစ်သျှူးစက္ကူမှာ အချွဲများပါလာခြင်း

စအိုတဝိုက်တွင် အဖု ကို စမ်းမိခြင်း

စအိုနားတဝိုက် နာကျဉ်ခြင်း စသည်တို့ပဲဖြစ်ပါတယ်။

ဘာကြောင့်လိပ်ခေါင်းဖြစ်ရတာလဲ?

သွေးကြောတွေ ရောင်လာပြီး ထုံးသွားရာမှ လိပ်ခေါင်းဖြစ်လာရတာပါ။ ဘာကြောင့်ဖြစ်ရတာလဲတော့ အတိအကျမသိသေးပါဘူး။

လိပ်ခေါင်းဖြစ်စေတဲ့အရာတွေကတော့

ဝမ်းချုပ်ခြင်း

ဝမ်းသွားနေသည့်အချိန် အတင်းညှစ်ခြင်း

ကိုယ်ဝန်ဆောင်ချိန်

အလေးအပင် မ ခြင်း တို့ပဲဖြစ်ပါတယ်။

လိပ်ခေါင်းကို ဘယ်လိုကာကွယ်(ကုသ)မလဲ ?

လိပ်ခေါင်းကို ကာကွယ်(ကုသ)ဖို့ ဒါတွေကို သင်လုပ်ပေးပါ။

ဝမ်းပျော့အောင်၊ဝမ်းမချုပ်အောင် ရေများများသောက်ပါ၊ အမျှင်ဓာတ်ပါဝင်မှုမျာသော အသီးအနှံများများစားပါ။

စအိုသုတ်တဲ့ အိမ်သာသုံးစက္ကူက စိုနေပါစေ။(ဥပမာ wet tissue ကို သုံးလို့ရပါတယ်။)
(ရေဖြင့်ဆေးခြင်းကလည်း ပိုကောင်းပါတယ်။)

လိပ်ခေါင်းနာကျဉ်လာပါက ပါရာစီတမော သောက်လို့ရပါတယ်။

နာကျဉ်နေတာတွေ၊ယားတာတွေ သက်သာစေဖို့ရေနွေးနွေးဖြင့် ဆေးပေးလို့ရပါတယ်။

ရေခဲကို အဝတ်တစ်ခုနဲ့ပတ်ပြီး စအိုမှာ ကပ်ထားပေးလို့ရပါတယ်။

လိပ်ခေါင်းအပြင်ထွက်လာရင် အထဲကို အသာလေးတွန်းထည့်ပေးလို့ရပါတယ်။

သင့်ရဲ့စအိုဧရိယာတဝိုက်ကို ခြောက်သွေ့ပြီး၊ သန့်ရှင်းနေအောင်ထားပါ။

လေ့ကျင့်ခန်းပုံမှန်လုပ်ပါ။

ဝမ်းချုပ်စေတဲ့ အရက်၊ ကော်ဖီ၊ လက်ဖက်ရည်၊ ကိုလာ တို့ကို ဖြတ်တောက်ပစ်ပါ။

လိပ်ခေါင်းကို ကာကွယ်(ကုသ)ဖို့ ဒါတွေကို ရှောင်ကြဉ်ပါ။

ဝမ်းသွားပြီးပါက စအိုက ကြမ်းတမ်းစွာ သုတ်မဆေးပါနှင့်။(ရေဖြင့်ဆေးခြင်းက ပိုကောင်းပါတယ်)

ဝမ်းသွားချင်တာကို အောင့်မထားပါနှင့်။

ဝမ်းသွားနေတဲ့အချိန် တအားမညှစ်ပါနှင့်။

ဝမ်းချုပ်စေတဲ့ ဆေးတွေ၊အစာတွေမစားပါနှင့်။

လိပ်ခေါင်းကသွေးထွက်နေပါက အကိုက်အခဲပျောက်ဆေးတွေ မသောက်ပါနှင့်။

အိမ်သာထဲတွင် အချိန်အကြာကြီး ထိုင်မနေပါနှင့်။

ဘယ်အချိန်ဆရာဝန်ဖြင့်ပြရမလဲ?

လိပ်ခေါင်းက မသက်သာပဲ ပိုဆိုးလာရင် ဆရာဝန်ဖြင့်ပြသကြည့်ပါ။ မိမိခံစားနေရသည်များကို ဆရာဝန်ဖြင့် ပွင့်ပွင့်းလင်းလင်းဆွေးနွေးတိုင်ပင်ပြီး စမ်းသပ်မှုခံယူပါ။ ကုသမှုခံယူပါ။

အားလုံးကျန်းမာပါစေ။
ဇာနည်ထွန်း (ဆေး-၂)
Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…