အိမ်ထောင်ရှင်အမျိုးသမီးများနှင့် သားအိမ်ယောင်ယမ်းခြင်းပြသနာ

အိမ်ထောင်ရှင်အမျိုးသမီးများအနေနှင့် သားအိမ်ယောင်ခြင်းပြသနာကိုစောစီးစွာသိဖို့လိုအပ်ပါတယ်။ သားအိမ်ယောင်ယမ်းခြင်းလို့ခေါ်ပေမယ့်တကယ့်လက်တွေ့မှာ မိန်းမကိုယ်ကနေ လိင်မှတစ်ဆင့်ကူးစက်တတ်တဲ့ပိုးဟာ သားအိမ်၊ သားအိမ်လက်တံပြွန်၊ မမျိုဥအိမ်၊ သားအိမ်ခေါင်းတွေကိုပါယောင်ယမ်းစေပါတယ်။သားအိမ်ယောင်နေမှန်းသိန်ုင်တဲ့လက္ခဏာတွေကတော့

– ဗိုက်အောက်ပိုင်းသားအိမ်နေရာတွင် အောင့်ခြင်း

– မိန်းမကိုယ်မှ အနံ့အသက်မကောင်းသော အဖြူ၊ အကျိအချွဲဆင်းခြင်း

– ရာသီလာချိန်မဟုတ်ဘဲသွေးဆင်းခြင်း

– အတူနေ ဆက်ဆံချိန်တွင် အလွန်အမင်းနာကျင်ခြင်း

– အတူနေ ဆက်ဆံပြီးချိန်တွင် သွေးဆင်းခြင်း

– အကြောင်းမရှိဘဲမောပန်းနွမ်းနယ်နေခြင်း

– ချမ်းတုန်၍ဖျားခြင်း

– ဆီးသွားစဉ်နာကျင်ခြင်းတို့ ခံစားနေရပြီဆိုပါက သားအိမ်ယောင်ယမ်းခြင်း ဖြစ်နိုင်သည်ဟု သိထားသင့်ပါတယ်။အိမ်ထောင်ရှင် အမျိုးသမီးများထဲမှာမှ

– အကာအကွယ်မသုံးဘဲ လိင်ဆက်ဆံသူ*( condom အသုံးမပြုသူများမှာအဖြစ်များပါတယ်)

– မိန်းမကိုယ်အတွင်းသို့ ဆေးကြောတတ်သူများ( သားအိမ်ခေါင်းမှ သဘာဝအရ ကာကွယ်ပေးသော ဆဲလ်များပျက်စီးစေ၍ဖြစ်သည်)

– သားအိမ်ထဲသားဆက်ခြားပစ္စည်းထည့်ထားသူတွေ

– ကလေးမွေးပြီးချိန်နဲ့ ကိုယ်ဝန်ပျက်ကြပြီးချိန်တွင်လိင်ဆက်ဆံသူများ

သားအိမ်ယောင်ခြင်းဟာ ဖျားရုံ၊ အဖြူဆင်းရုံနဲ့မပြီးပါဘူး။သူရဲ့နောက်ဆက်တွဲအန္တရာယ်တွေကတော့

– ယောင်ယမ်းပြီးတဲ့သားအိမ်ဘေးနားမှာ အမာရွတ်တွေဖြစ်ပြီး မကြာမကြာ ပြန်ပြီးကိုက်ခဲနာကျင်စေတာမျိုးဖြစ်စေပါတယ်။

– ယောင်ယမ်းထားတဲ့သားအိမ်ကြောင့် သားအိမ်မှာသန္တေမတည်ဘဲ နေရာလွဲမှာ သန္တေတည်ခြင်းမျိုးလည်းဖြစ်တတ်ပါတယ်။

– ယောင်ယမ်းထားတဲ့ သားအိမ်၊ သားအိမ်လက်တံပြွန်တွေကြောင့်ကလေးရဖို့ခက်တာလည်းဖြစ်နိုင်ပါတယ်။

သားအိမ်ယောင်ယမ်းတာမျိုးဖြစ်ခဲ့မယ်ဆိုရင်ပိုးသတ်ဆေးကို သေချာသောက်မှ နောက်ဆက်တွဲဖြစ်ပေါ်တာတွေကိုကာကွယ်နိုင်မှာဖြစ်ပါတယ်။တစ်ခါတစ်ရံ ပိုးဟာ အိမ်ထောင်ဘက်အချင်းချင်းကူးနိုင်တာမို့အမျိုးသားကိုပါ တွဲပြီးကုဖို့လိုအပ်နိုင်ပါတယ်။

မယ်တင်( ဆေး ၁)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *