All Articlesအလှအပအလှအပနှင့်နေထိုင်စားသောက်မှုပုံစံ

အမာရွတ်အသစ်နှင့်အမာရွတ်အဟောင်း

1 Mins read

အမာရွတ်အသစ်နှင့်အမာရွတ်အဟောင်း

အမာရွတ်တွေကတော့ လူတိုင်းနဲ့မကင်းကြတဲ့သေရာပါအမှတ်တွေပဲဖြစ်ပါတယ်။ကလေးဘဝကဆော့ကစားမိလို့၊ဒဏ်ရာရလို့၊ချော်လဲလို့၊သူများကလုပ်လို့၊ကိုယ့်ဖာသာဖြစ်လို့ စသဖြင့်အကြောင်းပေါင်းစုံပါပဲ။ဘယ်လိုအကြောင်းနဲ့ပဲဖြစ်ဖြစ် အမာရွတ်တွေကတော့ကိုယ်နဲ့အမြဲပါသွားတော့မှာပါပဲ။တစ်ချို့အမာရွတ်တွေက လူမသိသာတဲ့နေရာမှာဖြစ်လို့ဘာမှအနှောင့်အယှက်မပေးပေမယ့် လူမြင်သူမြင်နေရာတွေမှာဖြစ်တော့ကျ အလှပျက်ရတတ်ပါတယ်။အမာရွတ်တွေဟာ မကုပဲထားရင်ဘဝတစ်လျှောက်လုံးပါသွားမှာဖြစ်ပြီး ကြာလာတာနဲ့အမျှ ကုသရတာလက်ဝင်လာနိုင်ပါတယ်။ဒါကြောင့် အမာရွတ်အသစ်ပဲဖြစ်ဖြစ်၊အဟောင်းကိုပဲဖြစ်ဖြစ် ပျောက်ကင်းစေချင်ကြတဲ့သူများအတွက် အမာရွတ်ပျောက်နိုင်မယ့်နည်းလမ်းလေးတွေကို ဖော်ပြပေးလိုက်ရပါတယ်။

အမာရွတ်အသစ်၊အဟောင်းတွေကို ဘယ်လိုဖျောက်မလဲ???

အောက်ပါနည်းလမ်းကလေးတွေကအတော့်ကိုအသုံးဝင်နိုင်မှာဖြစ်ပါတယ်-

၁။ရှားစောင်းလက်ပတ်။

-ရှားစောင်းလက်ပတ်အရည်ကို အမာရွတ်ပေါ်မှာ စက်ဝိုင်းပတ်ပုံစံဖွဖွလေးစိမ့်ဝင်အောင်လိမ်းပေးပါ။

-နာရီဝက်ခန့်ထားပြီးနောက် ရေအေးအေးသန့်သန့်လေးဖြင့် ဆေးချပါ။

-တစ်ရက်ကို (၂-၃)ကြိမ် ပြုလုပ်နိုင်ပါတယ်။

၂။ဗီတာမင်အီး။

-ဗီတာမင်အီးဆေးတောင့်ထိပ်ကိုဖြတ်ပြီး အမာရွတ်တစ်ခုလုံးအုပ်မိအောင်ညှစ်ချပါ။

-၁၀ မိနစ်ခန့်ထားပြီးနောက် အမာရွတ်ဝန်းကျင်ကိုဖွဖွလေးနှိပ်ပေးပါ။

-မိနစ်(၂၀)ခန့်ထားပြီး ရေနွေးနွေးလေးဖြင့်ဆေးချပါ။

-တစ်ရက်ကို အနည်းဆုံး(၃)ကြိမ်ပြုလုပ်ပေးပါ။

၃။ပျားရည်။

-ညအိပ်ရာမဝင်မီ အမာရွတ်ပေါ်တွင် ပျားရည်ကိုအုပ်လိမ်းပေးပါ။

-ပဝါစနွေးနွေးပါးပါးလေးဖြင့် တစ်ညလုံးဖုံးအုပ်ထားပေးပါ။

-မနက်မိုးလင်းပါက ရေနွေးနွေးဖြင့်သေချာဆေးကြောပေးပါ။

-ညစဉ် ပြုလုပ်ပေးနိုင်ပါတယ်။

၄။အုန်းဆီ။

-အုန်းဆီကိုအရည်အနည်းငယ်ပျော်ပြီးနွေးအောင် အပူပေးပါ။

-အရည်နွေးနွေးဖြင့် အမာရွတ်ကိုလိမ်းကျံပြီး (၁၀)မိနစ်ခန့်နှိပ်နယ်ပေးပါ။

-(၁)နာရီခန့်ထားပြီးနောက် ရေနွေးလေးဖြင့်ဆေးကြောပေးပါ။

-တစ်ရက်ကို ၂ကြိမ်မှ ၄ကြိမ်အထိပြုလုပ်ပေးနိုင်ပါတယ်။

၅။ရှာလကာရည်။

-ရှာလကာရည်နဲ့ရေသန့်ကို စားပွဲတင်ဇွန်း ၁:၂ အချိုးဖြင့်လိုသလောက် ရောစပ်ပါ။

-ရောစပ်ထားသောအရည်ကို အမာရွတ်ပေါ်တွင်ဖွဖွလေးစိမ့်ဝင်အောင်သုတ်လိမ်းပေးပါ။

-အခြောက်ခံပြီး တစ်ညလုံးထားနိုင်ပါတယ်။

-မနက်အိပ်ရာနိုးတဲ့အခါ ရေအေးဖြင့်ဆေးချပါ။

-ညစဉ်ပြုလုပ်ပေးနိုင်ပါတယ်။

၆။သံလွင်ဆီ။

-သံလွင်ဆီကို အမာရွတ်ပေါ်မှာညင်သာစွာစက်ဝိုင်းပုံသဏ္ဏန်စိမ့်ဝင်အောင် လိမ်းပေးပါ။

-(၅)မိနစ်ခန့်ခပ်ဖွဖွနှိပ်နယ်ပြီးနောက် နာရီဝက်ခန့်ထားပါ။

-၎င်းနောက် ရေနွေးနွေးဖြင့်ဆေးချပေးပါ။

-တစ်ရက်ကို အနည်းဆုံး(၃)ကြိမ်ခန့် ပြုလုပ်နိုင်ပါတယ်။

၇။ရှောက်သီးဖျော်ရည်။

-ပထမဦးဆုံး အမာရွတ်တစ်ဝိုက်ကို သေချာစွာဆေးကြောသန့်စင်ပါ။

-ရှောက်သီးအရည်ကို အမာရွတ်အပေါ်တို့ပြီးလိမ်းကျံပေးပါ။

-(၁၀)မိနစ်ခန့်ထားပြီး ရေအေးဖြင့်ဆေးချပါ။

-နေ့စဉ်ပုံမှန်ပြုလုပ်ပေးနိုင်ပါတယ်။

၈။အမာရွတ်ပျောက်ဆေးများ။

-ဈေးကွက်ထဲတွင်ပေါများစွာရှိနေသော အမာရွတ်ပျောက်ဆေးများထဲမှ အရည်အသွေးစစ်မှန်သော၊ဆရာဝန်များညွှန်ကြားသောဆေးများကို ညွှန်ကြားချက်အတိုင်းသုံးစွဲပေးနိုင်ပါတယ်။

၉။လေဆာကုထုံး။

-အထက်ပါကုသနည်းများဖြင့် မပျောက်ကင်းပါက လေဆာဖြင့်ကုသနိုင်ပါတယ်။

-လေဆာဖြင့်အမာရွတ်ကုသခြင်းဟာ နည်းလမ်းအားလုံးထဲမှာထိရောက်မှုအရှိဆုံးနည်းလမ်းလဲဖြစ်ပါတယ်။

အထက်ပါနည်းလေးတွေကတော့ အမာရွတ်အသစ်ရော အဟောင်းအတွက်ပါအသုံးဝင်မယ့်နည်းလေးတွေဖြစ်ပါတယ်။လိုက်ပါလုပ်ဆောင်ခြင်းဖြင့် အထိုက်အလျောက်အကျိုးဖြစ်ထွန်းမယ်လို့ ယုံကြည်ပါတယ်။

အမာရွတ်ကင်းစင်၍ လှပချောမွေ့နိုင်ကြပါစေ။

dr.ye’lwin mm

MyDoctor Telemedicine Application
Related posts
All Articlesစိတ်ကျန်းမာရေးအထွေထွေရောဂါများ

Schizophrenia

1 Mins read
စိတ်ကစဉ့်ကလျားရောဂါ ( schizophrenia) သင်ဟာ ဆေးပညာအသိုုင်းအဝိုင်းနဲ့ နီးတဲ့သူတစ်ယောက်ဆို ကြားဖူးပါလိမ့်မယ်၊ အတိုကောက်အနေနဲ့ စကစ် (schip) လို့ခေါ်ကြတယ်၊ မသိတော့ (skip) လိုလို အထင်မှားကြတယ်။ မှားလဲ မှားစရာပါ၊ ခံစားနေရတဲ့သူတွေ ကလဲ ပတ်ဝန်းကျင်နဲ့ သဟဇာတမဖြစ်ပဲ ပယ်ထားခံရသူတွေများပါတယ်။…
All Articlesအခြားရောဂါများ

ရာသီတုပ်ကွေးအဖြစ်များတတ်တဲ့ ဆောင်းအခါသမယ...

1 Mins read
ရာသီတုပ်ကွေးအဖြစ်များတတ်တဲ့ ဆောင်းအခါသမယ… ရာသီတုပ်ကွေးရောဂါပိုးဆိုတာ အသက်ရှူလမ်းကြောင်းဆိုင်ရာ ဗိုင်းရပ်စ်ပိုးတစ်မျိုးဝင်တဲ့ရောဂါပါ။ ကိုယ်ခံအားသာကောင်းရင် သူ့ဟာသူ ပြန်ကောင်းသွားနိုင်ပေမယ့် ပြန်သာမကောင်းခဲ့ဘူးဆိုရင် ပန်းနာပြန်ထတာ၊ အဆုတ်ရောင် ရောဂါ၊ အဆုတ်လေပြွန်ရောင်တာ၊ နားပိုးဝင်တာ၊ နှလုံးပြဿနာတွေနဲ့ အသက်ရှုရခက်တာတွေပါဖြစ်လာတတ်ပါတယ်။ ဒီရာသီတုပ်ကွေးရောဂါဟာ…. အသက်အရမ်းငယ်လွန်း၊ ကြီးလွန်းတဲ့အခါ အသက် ၁၉ နှစ်အောက်တည်းကစပြီး…
All Articlesဆီးချိုရောဂါဖိုးဖိုးဖွားဖွား ကျန်းမာရေး

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ

1 Mins read
ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ ❗ ဆီးချိုရောဂါဟာ အချိန်ကြာလာတဲ့အခါ သေချာသာမထိန်းနိုင်ဘူးဆိုရင် နှလုံး၊ကျောက်ကပ်၊ အာရုံကြောတွေသာမက မျက်လုံးကိုပါထိခိုက်လာနိုင်ပါတယ်။ မျက်လုံးမှာ ရေတိမ်၊ အတွင်းတိမ်ဖြစ်ရာကနေ တဆင့် နောက်ဆုံး မျက်စိအမြင်အာရုံဆုံးရှုံးသွားတဲ့ထိတောင်ဖြစ်နိုင်ပါတယ်။ အတွင်းတိမ်ဖြစ်တဲ့အခါ စစချင်းမှာ အမြင်အာရုံကိုနှောင့်ယှက်တာမျိုးမရှိပေမယ့် ကြာလာတဲ့အခါ အမြင်ဝါးလာတာမျိုး…

Leave a Reply

Your email address will not be published. Required fields are marked *