low testosterone

ကျွန်တော် ကျား မပီသတော့ဘူးလား

ဇီဝကတို့ ယောကျာၤးလေးတွေဟာ ကျားဆိုတဲ့ ဝေါဟာရအတိုင်းအရာရာကို ကျားကျားလျားလျား လုပ်တတ် ကိုင်တတ်ကြပါတယ် ။အဲ့ဒီလို ကျားကျားလျားလျား မဟုတ်တော့ဘဲ အိပ်ရာထက်က ချစ်မှု့ကိစ္စရပ်များမှာပါ မစွမ်းဆောင်နိုင်တော့ဘူးဆိုရင် မိမိတို့ဘာသာ “ကျား မပီသတော့ဘူးလား”ရယ်လို့ ဒွိဟများရပါတယ်။

ဒါဆို ကျားမပီသတဲ့ လက္ခဏာ ၊ကျားဟော်မုန်းလ်ဓာတ် Testosterone နည်းတဲ့ လက္ခဏာတွေက ဘာများပါလဲ

-အအိပ်အနေမမှန်ခြင်း

-အိပ်ရာထက်က ချစ်မှုရေးရာကိစ္စများတွင် စိတ်ဝင်စားမှုနည်းလာခြင်း

-လိင်ကိစ္စများတွင် စွမ်းဆောင်ရည်ကျဆင်းလာခြင်း(ပန်းသေ ပန်းညှိုးဖြစ်ခြင်း)

-သားသမီးမရခြင်း

-ကြွက်သားများ အားနည်းလာခြင်း

-ကိုယ်အလေးချိန်တက်လာခြင်း

ကျားဟော်မုန်းလ်ဓာတ်ဟာ အမျိုးသားတွေမှာ ရှိသင့်ရှိထိုက်တဲ့ လက္ခဏာတွေဖြစ်တဲ့ အမွှေးအမျှင်များ ၊အသံသြခြင်း ၊ကြွက်သားအဖုအထစ်များနဲ့ ပြည့်စုံစေခြင်း ၊လိင်မှုကိစ္စများကို စိတ်ဝင်တစားဖြစ်စေခြင်း စတာတွေကို ဖြစ်စေပြီး ကျားကျားလျားလျား ဖြစ်စေပါတယ် ။ဒါပေမယ့် အသက် ၃၀အရွယ်ကစပြီး ကျားဟော်မုန်းလ်ဓာတ်ဟာ စတင်ကျဆင်းလာတတ်ပါတယ် ။

တခြား ဘာအကြောင်းတွေကြောင့် ကျား ဟော်မုန်းလ်ဓာတ်ကျဆင်းတတ်သေးသလဲဆိုရင်

-ကပ္ပာယ်အိတ် ထိခိုက်မိခြင်း

-ကပ္ပာယ်အိတ် ပိုးဝင်ခြင်း

-ကပ္ပာယ်အိတ် ကင်ဆာ

-ဟော်မုန်းလ် ရောဂါများ

-ခုခံအားကျဆင်းစေတဲ့ ရောဂါပိုးဝင်ခြင်း

-သွေးချိုဆီးချိုရောဂါ

-အဝလွန်ရောဂါ စတာတွေကြောင့် ဖြစ်တတ်ပါတယ် ။

ဘယ်လို ကုသလို့ ရမလဲ

-အဓိက ကဘာကြောင့် ဖြစ်တာလဲဆိုတာ ရောဂါရှာပြီး ကုသရမှာပါ ။

-နည်းသွားတဲ့ ကျားဟော်မုန်းလ်ဓာတ်တွေကို ပြန်လည်ဖြည့်သွင်း ကုသပေးလို့ရပါ တယ် ။ဆရာဝန်ညွှန်ကြားချက်တော့လိုပါတယ် ။ဘာဖြစ်လို့လဲဆိုရင် ထိုကဲ့သို့ ဟော် မုန်းလ်ဓာတ်နဲ့ ပြန်ကုတဲ့အခါ အခန့်မသင့်ရင် ဆီးကြိတ်ကင်ဆာများ ၊သွေးပျစ်ရောဂါ၊ စိတ်ဓာတ်ကျရောဂါများ ဖြစ်ပွားနိုင်လို့ပါ ။

ခေတ်သစ်ဇီဝက

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *