ကိုယ်ဝန်ဆောင် မိခင်လောင်းတို့နှင့် ဆောင်းရာသီ

ဆောင်းရာသီဟာ ခြောက်သွေ့ပြီးထိုင်းမှိုင်းတဲ့ ရာသီဥတုရှိတာကြောင့် နေထိုင်ရတာ မအီမသာဖြစ်တတ်ပါတယ်။ ဒီလို အခြေအနေမျိုးမှာ ကိုယ်ဝန်ဆောင်ရတဲ့ မိခင်လောင်းလေးတွေအတွက် ဆောင်ရန်ရှောင်ရန် လမ်းညွှန်လေးတွေ ဖော်ပြပေးလိုက်ပါတယ်။

၁။ ရေများများသောက်ပါ။

အေးမြတဲ့ ပတ်ဝန်းကျင်ကြောင့် ဆောင်းတွင်းမှာ ရေအလုံအလောက်သောက်ဖို့ မေ့လျော့တတ်ကြပါတယ်။ တကယ်တော့ ခြောက်သွေ့တဲ့ ဆောင်းတွင်းမှာ ရေဓာတ်ပိုလိုအပ်နေတာပါ။ ဒါကြောင့် ကိုယ်ဝန်ဆောင်မိခင်လောင်းတွေအနေနှင့် မိခင်ရောကလေးပါ ရေဓာတ်လုံလောက်ဖို့ ပုံမှန်ထက် ရေပိုသောက်ဖို့လိုပါတယ်။

၂။ ကျန်းမာရေးနှင့် ညီညွတ်မျှတစွာ စားပါ။

မုန့်ပဲသရေစာနှင့် အသင့်စားသုံးရန်မုန့်တွေချည်း စားသုံးခြင်းကိုရှောင်ပါ။ ရောဂါကာကွယ်ဖို့ ဟင်းသီးဟင်းရွက်နှင့် သစ်သီးဝလံတွေအပြင် အာဟာရဓာတ် ပြည့်ဝဖို့ အသား၊ငါး၊ ပဲ နှင့် ဥအမျိုးမျိုးကို အချိုးကျစားသုံးသင့်ပါတယ်။ မိခင်ရောကလေးပါ ကျန်းမာဖို့ ကိုယ်ဝန်ဆောင်အားဆေးများလည်း သောက်သုံးသင့်ပါတယ်။

၃။ လူထူထပ်သောနေရာများ သွားခြင်းကိုရှောင်ပါ။

အေးချမ်းတဲ့ ရာသီဥတုနဲ့ အချိန်ကြာမြင့်စွာ ထိတွေ့ခြင်းဟာ မလိုလားအပ်တဲ့ ဖျားနာခြင်းတွေ နှာစေးချောင်းဆိုးခြင်းတွေ ဖြစ်နိုင်ပါတယ်။ ကိုယ်ဝန်ဆောင်ချိန်မှာ ဟော်မုန်းနဲ့ ကိုယ်ခန္ဓာ အပြောင်းအလဲတွေကြောင့် နုနယ်ပြီး ဖျားနာခြင်းတွေ ပိုမိုဝင်ရောက်နိုင်ပါတယ်။ ဒါကြောင့် အေးခဲတဲ့ရာသီဥတုမှာ အချိန်ကြာမြင့်စွာ အပြင်ထွက်ခြင်းကို ရှောင်ပါ။

၄။ ဆေးဝါးများသောက်သုံးခြင်းကို သတိရှိပါ။

ကိုယ်ဝန်ဆောင်စဉ် ဖျားနာခြင်းများဖြစ်ခဲ့လျှင် မိမိဘာသာ ဆေးဝါးများ သောက်သုံးခြင်း မပြုသင့်ပါဘူး။ အချို့ဆေးဝါးများဟာ မွေးဖွားလာမယ့် ကလေးပေါ်မှာ အန္တရာယ်ရှိနိုင်ပါတယ်။ ဒါကြောင့် ကိုယ်ဝန်ဆောင်စဉ် ဖျားနာလျှင် ဆရာဝန်နှင့် တိုင်ပင်ပြီးမှသာ ဆေးဝါးများသောက်သုံးသင့်ပါတယ်။

၅။ အစိုဓာတ်ထိန်းလိမ်းဆေး(Moisturizer) သုံးပါ။

ဆောင်းရာသီမှာ ရာသီဥတုဟာ ခြောက်သွေ့လေ့ရှိတာကြောင့် အသားပတ်ခြင်း၊ ခြေဖနောင့်ကွဲခြင်းတွေ ဖြစ်လေ့ရှိတတ်ပါတယ်။ ကိုယ်ဝန်ဆောင်စဉ်မှာ ခြေဖနောင့်အက်ကွဲခြင်းတွေ ပိုဖြစ်တတ်ပြီး လမ်းလျှောက်စဉ် သာမန်လူတွေထက် အခက်အခဲ ပိုဖြစ်စေနိုင်ပါသေးတယ်။ ဒါကြောင့် ခြေဖနောင့်ကွဲခြင်းတွေ အသားပတ်ခြင်းတွေ ကာကွယ်ဖို့နဲ့ သက်သာစေဖို့ အစိုဓာတ်ထိန်းလိမ်းဆေး Moisturizer အသုံးပြုနိုင်ပါတယ်။

၆။ သက်တောင့်သက်သာရှိတဲ့ အဝတ်အစားများ ရွေးချယ်ဝတ်ဆင်ပါ။

ကိုယ်ဝန်ဆောင်စဉ် ကျပ်တည်းတဲ့ အဝတ်အစားများကြောင့် မအီမသာဖြစ်ပြီး နေထိုင်ရ ကျဉ်းကြပ်စေပါတယ်။ ဒါကြောင့် ပွပွချောင်ချောင် အဝတ်အစားများ ရွေးချယ်ဝတ်ဆင်ပါ။ ဒါ့အပြင် ကိုယ်ဝန်ဆောင်စဉ်မှာ အသားအရေဟာ ယခင်ထက် နူးညံ့နေတတ်ပါတယ်။ တစ်ခါတစ်ရံ သိုးမွှေးနဲ့ပြုလုပ်ထားတဲ့ အဝတ်အစားများဟာ နူးညံ့တဲ့ အသားအရေကို ပွန်းစေတတ်ပါတယ်။ ထို့ကြောင့် ကြမ်းရှတဲ့ အဝတ်အစားနဲ့ အသုံးအဆောင်တွေကို ရှောင်ပါ။ ခြေဖဝါး လက်ဖဝါးများ အေးခြင်းကို သက်သာစေရန် ခြေအိတ်လက်အိတ်များ စွပ်နိုင်ပါတယ်။

၇။ မိမိဘာသာ ကာကွယ်ပါ။

ပြင်ပရောဂါပိုးတွေကို ထိထိရောက်ရောက် ကာကွယ်နိုင်တဲ့ အရိုးရှင်းဆုံး နည်းလမ်းတစ်ခုကတော့ တစ်ကိုယ်ရေသန့်ရှင်းရေးပဲ ဖြစ်ပါတယ်။ ကိုယ်ဝန်ဆောင်အမျိုးသမီးတွေမှာ ကလေးငယ်လေး ကျန်းမာသန်စွမ်းဖို့ မိခင်ကိုယ်တိုင် ကျန်းမာနေဖို့ လိုအပ်တာကြောင့် မိမိကိုယ်ကို ဂရုစိုက်သင့်ပါတယ်။ ထမင်းမစားမီ၊ ရေအိမ်ဝင်ပြီးချိန်နှင့် အညစ်အကြေးများနှင့် ထိတွေ့ပြီးတိုင်း လက်များကို ဆေးကြောသန့်စင်ပါ။ ရေမရှိသော အရပ်ဒေသများဖြစ်ပါက hand sanitizer အသုံးပြုနိုင်ပါတယ်။ ဖျားနာသောသူများနှင့် အနီးကပ်ဆက်ဆံခြင်းမှလည်းရှောင်ပါ။ ကိုယ်ဝန်ဆောင်စဉ် လုံလောက်စွာ အိပ်စက်အနားယူရန်လည်း လိုအပ်ပါတယ်။

ကျန်းမာလှပသော ဘဝတစ်ခု ပိုင်ဆိုင်စေရန် ရည်ရွယ်လျက်

ပွင်ရည်(ဆေး၂)

MyDoctor Telemedicine Application
Related posts
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…
All Articlesစိတ်ကျန်းမာရေးအထွေထွေရောဂါများ

Humans that poison the environment part (2)

1 Mins read
လူမှုအသိုင်းအဝိုင်းကို အဆိပ်အတောက်ဖြစ်စေသော လူစားများ (1)       Narcissistic သူများတွေကို blame ဖို့ သီးသန့် မွေးဖွားလာတဲ့ပုံစံဖြစ်ပါတယ်။ ပတ်ဝန်းကျင်က ဘယ်လောက်ပဲ ဝိုင်းပြောနေပါစေ၊ သူကဘယ်တော့မှ မမှားဘူး။ သူနဲ့ ဖြစ်တဲ့သူရဲ့ အမှားသာဖြစ်တယ်။ Narcissistic type တွေဟာ သူတို့ရဲ့…

Leave a Reply

Your email address will not be published. Required fields are marked *