မဖြူစင်သော အဖြူဆင်းခြင်း
ကျွန်မတို့မိန်းမသားအများစုဟာအဖြူဆင်းခြင်းပြသနာကို တစ်ကြိမ်မဟုတ်တစ်ကြိမ်ကြုံတွေ့ဖူးကြမှာပါ။
ဒါကိုသာမာန်လို့သဘောထားသူရှိသလို သဲသဲလှုပ်စိုးရိမ်တတ်သူများလည်း ရှိပါတယ်။
ဒါဆိုဘယ်လိုအနေအထားကိုသာမန်လို့သတ်မှတ်မလဲ? ဘယ်လိုအနေအထားဆို သတိထားဖို့လိုမလ ဲဆိုတာသိဖို့လိုပါတယ်။ သာမန်(သဘာဝအရ)အဖြူဆင်းခြင်း၊ခန္တာကိုယ်ဟော်မုန်းအပြောင်းအလဲကြောင့်ဖြစ်စေ၊ မျိုးဥကြွေခြင်းကြောင့်ဖြစ်စေ၊ သားအိမ်တည်ဆောက်ပုံအနေအထားကြောင့်ဖြစ်စေ၊ သဘာဝအရအဖြူဆင်းတတ်ပါတယ်။
ဒီလိုအဖြူဆင်ခြင်းမှာအများအားဖြင့်
အရည်ကျဲတတ်ပါတယ်။
အနံ့မနံတတ်ပါဘူး။
မိန်းမကိုယ်ယားယံခြင်း၊ နီရဲခြင်းမရှိတတ်ပါဘူး။
ဆီးပူဆီးကျင်ခြင်းနဲ့တွဲမဖြစ်တတ်ပါဘူး။
ဒါဆို စိတ်ပူဖို့မလိုပါဘူး၊
၁) အိပ်ရေးဝဝအိပ်မယ်။
၂) အပူအစပ်တွေလျှော့စားမယ်။
၃) မိန်းမကိုယ်သန့်ရှင်းအောင်ထားမယ်ဆိုရင်သက်သာနိုင်ပါတယ်။
သတိထားသင့်တဲ့ ရောဂါကြောင့်အဖြူဆင်းခြင်းကတော့
၁) မွေးလမ်းကြောင်းယောင်ယမ်ခြင်း( ဘက်တီးရီးယား၊ မှိုတို့ကြောင့်)
၂) သားအိမ်ခေါင်းယောင်ယမ်းခြင်း တို့ကြောင့်ဖြစ်တတ်ပါတယ်။
ဒီလိုအဖြူဆင်းခြင်းမျိုးကတော့ အများအားဖြင့်
ပျစ်ချွဲတတ်ပါတယ်။တခါတရံ ဒိန်ခဲလိုအဖတ်အဖတ်တွေပါတတ်ပါတယ်။
အနံ့အားဖြင့် ငါးညှီနံ့ကဲ့သို့ အနံ့အသက်ရတတ်ပါတယ်။
မိန်းမကိုယ် အလွန်အမင်းယားယံခြင်း၊ နီရဲ၊ယောင်ယမ်းခြင်းတို့နဲ့ တွဲပြီးဖြစ်တတ်ပါတယ်။
ဆီးပူ၊ဆီးကျင်ခြင်းတိုနဲ့လည်း တွဲဖြစ်တတ်ပါတယ်။့
ဒီလိုလက္ခဏာတွေနဲ့တွံဖြစ်တယ်ဆိုရင်တော့ ပေါ့ဆမနေသင့်ဘဲ ဆရာဝန်နဲ့တိုင်ပင်ဆွေးနွေး၊ စမ်းသပ်စစ်ဆေးရပါမယ်။
ကဲ မမတို့၊ ညီမလေးတို့လည်း အဖြူဆင်းတယ်ဆိုရင် ဒီလက္ခဏာလေးတွေနဲ့တိုက်ကြည့် ၊ ဘာဆက်လုပ်ရမလဲ သိလောက်ပြီထင်ပါတယ်။
မယ်တင်( ဆေး ၁)