မိခင်နို့တိုက်ရင်း သားဆက်ခြားကြမယ်
ကိုယ်ဝန်ဆောင်ဘဝကနေ မီးဖွားသန့်စင်သောအမှု အောင်မြင်စွာပြီးမြောက်သွားတဲ့အခါမှာ မျိုးဥကြွေခြင်းဟာလည်း သဘာဝအလျောက် ခဏတာရပ်နားသွားပါတယ်။ အကယ်၍သာ မီးဖွားပြီးစမိခင်တစ်ဦးဟာ သားသမီးကို စနစ်ကျကျမိခင်နို့ရည် တိုက်သွားမယ်ဆိုရင် မိခင်ခန္ဓာကိုယ်ရဲ့သဘာဝအလျောက် သားဆက်ခြားနိုင်ခြင်း (Lactational Amenorrhoea Method – LAM) အကျိုးကျေးဇူးကိုရရှိမှာပဲဖြစ်ပါတယ်။
ဒီ LAM နည်းကိုအသုံးပြုပြီး မိခင်အယောက် ၁၀၀ မှာ ၉၈ယောက်ဟာ အနည်းဆုံးခြောက်လအထိ အခြားသားဆက်ခြားနည်းတွေမလိုအပ်ဘဲ အောင်အောင်မြင်မြင် သားဆက်ခြားနိုင်တာကိုတွေ့ရပါတယ်။ ဒါဟာ ကလေးကိုနို့တိုက်တဲ့အခါမှာ မိခင်ကိုယ်တွင်းမှာ ဟော်မုန်းအပြောင်းအလဲတွေဖြစ်ပေါ်လာပြီးမျိုးဥကြွေခြင်းကိုဟန့်တားပေးလိုက်ခြင်းကြောင့်ပဲဖြစ်ပါတယ်။ ဒါပေမယ့် Lactational amenorrhoea method. LAM အောင်မြင်ဖို့အတွက် မိခင်နို့ကို ပမာဏတစ်ခုအထိရအောင်တိုက်ပေးရင်း နည်းစနစ်ကျကျလိုက်နာဖို့တော့လိုအပ်ပါတယ်။
လိုက်နာရမယ့်အချက်တွေကတော့
– ကလေးအသက်ခြောက်လအထိ မိခင်နို့တစ်မျိုးတည်းကိုသာ တိုက်ကျွေးရပါမယ်။
– မိခင်နို့ကို နေ့ဘက်မှာ အနည်းဆုံးလေးနာရီခြားတစ်ကြိမ်၊ ညဘက်မှာအနည်းဆုံး ခြောက်နာရီခြားတစ်ကြိမ် ခဏခဏ တိုက်ပေးရပါမယ်။
– ကလေးမွေးပြီး ၅၆ရက်အတွင်းမှာ ရာသီသွေးထပ်မဆင်းသော အမျိုးသမီးဖြစ်ရပါမယ်။
– ကလေးကိုအနေအထားမှန်မှန်နို့တိုက်ပေးခြင်းဖြစ်ရပါမယ်။ နို့တိုက်တဲ့အခါမှာ ကလေးရဲ့မျက်နှာဟာ မိခင်နို့အုံနဲ့ပိနေခြင်း၊ နှာခေါင်းပိနေခြင်းတို့ဖြစ်မနေသင့်ပါ။
အထက်ပါနည်းလမ်းများကိုလိုက်နာပြီး မိခင်နို့ရည်တိုက်ကျွေးခြင်းအားဖြင့် သဘာဝကျကျသားဆက်ခြားခြင်းအကျိုးကျေးဇူးများကိုရရှိမှာဖြစ်ပါတယ်လို့ တင်ပြရင်း။
မေတ္တာဖြင့်
စိုင်းမြတ်သူ
မိခင္ႏို႔တိုက္ရင္း သားဆက္ျခားၾကမယ္
ကိုယ္ဝန္ေဆာင္ဘဝကေန မီးဖြားသန္႔စင္ေသာအမႈ ေအာင္ျမင္စြာၿပီးေျမာက္သြားတဲ့အခါမွာ မ်ိဳးဥေႂကြျခင္းဟာလည္း သဘာဝအေလ်ာက္ ခဏတာရပ္နားသြားပါတယ္။ အကယ္၍သာ မီးဖြားၿပီးစမိခင္တစ္ဦးဟာ သားသမီးကို စနစ္က်က်မိခင္ႏို႔ရည္ တိုက္သြားမယ္ဆိုရင္ မိခင္ခႏၶာကိုယ္ရဲ႕သဘာဝအေလ်ာက္ သားဆက္ျခားႏိုင္ျခင္း (Lactational Amenorrhoea Method - LAM) အက်ိဳးေက်းဇူးကိုရ႐ွိမွာပဲျဖစ္ပါတယ္။
ဒီ LAM နည္းကိုအသံုးျပဳၿပီး မိခင္အေယာက္ ၁၀၀ မွာ ၉၈ေယာက္ဟာ အနည္းဆံုးေျခာက္လအထိ အျခားသားဆက္ျခားနည္းေတြမလိုအပ္ဘဲ ေအာင္ေအာင္ျမင္ျမင္ သားဆက္ျခားႏိုင္တာကိုေတြ႔ရပါတယ္။ ဒါဟာ ကေလးကိုႏို႔တိုက္တဲ့အခါမွာ မိခင္ကိုယ္တြင္းမွာ ေဟာ္မုန္းအေျပာင္းအလဲေတြျဖစ္ေပၚလာၿပီးမ်ိဳးဥေႂကြျခင္းကိုဟန္႔တားေပးလိုက္ျခင္းေၾကာင့္ပဲျဖစ္ပါတယ္။ ဒါေပမယ့္ Lactational amenorrhoea method. LAM ေအာင္ျမင္ဖို႔အတြက္ မိခင္ႏို႔ကို ပမာဏတစ္ခုအထိရေအာင္တိုက္ေပးရင္း နည္းစနစ္က်က်လိုက္နာဖို႔ေတာ့လိုအပ္ပါတယ္။
လိုက္နာရမယ့္အခ်က္ေတြကေတာ့
- ကေလးအသက္ေျခာက္လအထိ မိခင္ႏို႔တစ္မ်ိဳးတည္းကိုသာ တိုက္ေကြၽးရပါမယ္။
- မိခင္ႏို႔ကို ေန႔ဘက္မွာ အနည္းဆံုးေလးနာရီျခားတစ္ႀကိမ္၊ ညဘက္မွာအနည္းဆံုး ေျခာက္နာရီျခားတစ္ႀကိမ္ ခဏခဏ တိုက္ေပးရပါမယ္။
- ကေလးေမြးၿပီး ၅၆ရက္အတြင္းမွာ ရာသီေသြးထပ္မဆင္းေသာ အမ်ိဳးသမီးျဖစ္ရပါမယ္။
- ကေလးကိုအေနအထားမွန္မွန္ႏို႔တိုက္ေပးျခင္းျဖစ္ရပါမယ္။ ႏို႔တိုက္တဲ့အခါမွာ ကေလးရဲ႕မ်က္ႏွာဟာ မိခင္ႏို႔အံုနဲ႔ပိေနျခင္း၊ ႏွာေခါင္းပိေနျခင္းတို႔ျဖစ္မေနသင့္ပါ။
အထက္ပါနည္းလမ္းမ်ားကိုလိုက္နာၿပီး မိခင္ႏို႔ရည္တိုက္ေကြၽးျခင္းအားျဖင့္ သဘာဝက်က်သားဆက္ျခားျခင္းအက်ိဳးေက်းဇူးမ်ားကိုရ႐ွိမွာျဖစ္ပါတယ္လို႔ တင္ျပရင္း။
ေမတၱာျဖင့္
စိုင္းျမတ္သူ