mydoctor-top-telemedicine

သောက်ဆေးနဲ့လည်းမတည့်ဘူး၊ထိုးဆေးနဲ့လည်းမတည့်ဘူး

ဒါဆို ဟော်မုန်းပါတဲ့ကိုယ်ဝန်တားဆေးတွေနဲ့မတည့်တာဖြစ်နိုင်ပါတယ်။ ဒီလိုမျိုး ဟော်မုန်းဆေးတွေနဲ့ မတည့်သူ၊ဟော်မုန်းဆေးတွေ သုံးစွဲမရတဲ့ အမျိုးသမီးများလည်းရှိပါတယ်။

ဒီလိုအမျိုးသမီးတွေအနေနဲ့ဆိုရင်( IUD) လို့ခေါ်တဲ့ သားအိမ်ထဲပစ္စည်းထည့် သားဆက်ခြားနည်းကသာလျှင်အသင့်တော်ဆုံးဖြစ်ပါလိမ့်မယ်။

ဘယ်လိုလူတွေသုံးသင့်သလဲ?

  • ကာလရှည် သားဆက်ခြားနည်းသုံးလိုသူများ
  • နို့တိုက်မိခင်များ
  • ဟော်မုန်းဆေးနှင့်မတည့်သူများ
  • ဘယ်လိုလူတွေမသုံးသင့်ဘူးလဲ?
  • သားအိမ်ပြင်ပ သန္တေတည်ဘူးသူများ
  • သားအိမ်ယောင်ယမ်းဖူးသူများ
  • နှလုံးယောင်ဖူးသူများ
  • HIV ရောဂါရှိသူများ
  • သားအိမ်တွင်း အသားလုံးရှိသူများ
  • သွေးဆင်းမမှန်တတ်သူများအနေနှင့် ဆရာဝန်နှင့်တိုင်ပင်ပြီးမှ ထည့်သင့်သည်။

အကျိုးကျေးဇူးများ

  • တာရှည်ခံတယ်။ ( ၅နှစ်ကနေ ၁၀နှစ်အထိ ကိုယ်ဝန်တားနိုင်တယ်)
  • ဟော်မုန်းဘေးထွက်ဆိုးကျိုးမရှိဘူး။
  • နို့တိုက်မိခင်တွေသုံးလို့ရတယ်။
  • ကလေးရချင်တဲ့အချိန် IUD ထုတ်ပြီး သိပ်မကြာခင် ကလေးရနိုင်တယ်။
  • ဈေးလည်း သက်သာတယ်။

သတိထားသင့်တဲ့အချက်များ

  • ၅နှစ်၊ ၁၀နှစ် တစ်ခါ အသစ်လဲပေးရမယ်။
  • ထည့်ထားစဉ်မှာ သားအိမ်ယောင်တာ၊ သားအိမ်ပိုးဝင်တာဖြစ်နိုင်တယ်။
  • ရာသီဆင်းတာများနိုင်တယ်။ ရာသီလာစဉ် ကိုက်ခဲနိုင်တယ်။
  • IUD သားအိမ်ထဲမှ မိန်းမကိုယ်ထဲ ထွက်ကျလာနိုင်တယ်။( ၃% အောက်သာဖြစ်တတ်သည်။)
  • ထည့်ထားစဉ် ကလေးရတာမျိုးဖြစ်နိုင်ပါတယ်။
  • လိင်မှ တစ်ဆင့်ကူးစက်တဲ့ရောဂါတွေကာကွယ်မပေးလို့ ကွန်ဒုံးနဲ့ တွဲဘက်ပြီး ကူးစက်ရောဂါများလည်းကာကွယ်နိုင်ပါတယ်

မယ်တင်( ဆေး ၁)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…

Leave a Reply

Your email address will not be published. Required fields are marked *