kid hygiene

မွေးကင်းစ ကလေးရဲ့ တကိုယ်ရည် သန့်ရှင်းရေးကို ဘယ်လိုဂရုစိုက်မလဲ

ရင်သွေးလေးတစ်ဦးမွေးဖွားလာသည်နှင့် သန့်ရှင်းရေးတွေဖြစ်တဲ့ ရေချိုးခြင်း ၊ အနှီးလဲခြင်း ၊ သေးခံလဲခြင်း အစရှိသည်တို့ဟာ ကလေးတစ်ဦးရဲ့ ကျန်းမာရေးအတွက် အရေးကြီးပါတယ် ။

(၁) ရေချိုးပေးခြင်းနှင့် အရေပြားသန့်ရှင်းရေး

မွေးကာစ ကလေးသေးသေးလေးတွေကို ရေချိုးပေးရခြင်းဟာ အသစ်စက်စက် မိဘတွေအတွက်တော့လအသည်းယားစရာပါ ။ ဒါပေမယ့် ညွှန်ကြားချက်တွေအတိုင်း တိတိကျကျလိုက်နာပေးမယ်ဆိုပါက သက်တောင့်သက်သာ လွယ်လွယ်ကူကူရှိတာကိုတွေ့မြင်ရမှာပါ ။

– မွေးကင်းစ ကလေးငယ်တွေကို တစ်ပတ်မှာ တစ်ကြိမ် နှစ်ကြိမ်ထက်ပိုပြီး ရေမချိုးပေးသင့်ပါဘူး ။ အကြိမ်များများရေချိုးခြင်းဟာ ကလေးငယ်ရဲ့ အရေပြားကို ခြောက်စေပါတယ်

– သင့်ကလေးငယ်ရဲ့ချက်ကြိုးမကြွေသေးမခြင်း ရေမချိုးပေးသင့်သေးပါဘူး ။ သင့်အနေနဲ့ နူးညံ့တဲ့ အဝတ်တစ်ခုကို ရေနဲ့ကလေးဆပ်ပြာတစ်ခုခုသုံးပြီး ရေပတ်တိုက်ခြင်းမျိုးသာလုပ်ဆောင်သင့်ပါတယ်

– ရေချိုးပေးနေစဉ်မှာ တစ်စက္ကန့်လေးတောင်မှ သင့်ကလေးအပါးက မခွာပါနဲ့

ရေချိုးပေးနေစဉ်အတွင်းမှာလဲ လိုအပ်တဲ့ ပစ္စည်း ပစ္စယတွေအကုန် လက်လှမ်းမီတဲ့နေရာမှာ ရှိနေပါစေ ။

သန့်ရှင်းရေးလုပ်ပုံ အဆင့်ဆင့်

* ပထမဆုံးကလေးငယ်ရဲ့မျက်နှာကို ရေနွေးနွေးလေးနဲ့သန့်စင်ပေးပါ

* ထို့နောက် ကလေးမျက်လုံးထောင့်တွေက မျက်ချေးများကို နှာခေါင်းနားမှ အပြင်ဘက်သို ဖြည်းညင်း ညှင်သာစွာ ဆွဲပြီး သန့်ရှင်းရေးလုပ်ပေးပါ

* ကလေးရဲ့ နားနဲ့နှာခေါင်းပိုင်းကို သန့်ရှင်းပေးတဲ့အခါ အပြင်ဘက်နေရာကိုပဲ သန့်ရှင်းရေးလုပ်ပေးပါ ။ နားကြပ်တံ ဂွမ်းတံများ အသုံးပြု၍ အထဲပိုင်းကို သန့်ရှင်းရေးမလုပ်ရပါ

* ထို့နောက် ကလေးငယ်တစ်ကိုယ်လုံးကို ဆပ်ပြာ အပျော့စားတစ်ခုခုအသုံးပြု၍ ဆပ်ပြာတိုက်ပြီး ရေနွေးနွေးဖြင့် ရေချိုးပေးပါ ။

* သေးခံနေရာကို နောက်ဆုံးမှ ဆေးပေးပါ ပေါင်ကြား ချိုင်းကြားမကျန် သေချာဆေးပေးပါ

* မိန်းကလေးဆိုပါက မိန်းမကိုယ်နေရာကိုပါ သေချာဆေးကြော သန့်စင်ပေးပါ

* အကြိုအကြားနေရာများကို သန့်ရှင်းရေးလုပ်ပေးပါက ပျော့ပြောင်း နူးညံ့သောအဝတ်နှင့်ရေကိုသာ အသုံးပြုပြီး ဖြည်းဖြည်းနှင့် ညင်ညင်သာသာ သန့်စင်ပေးပါ

* ရေချိုးပြီးပါက သန့်စင်သော တဘက်ဖြင့်လခြောက်အောင်သုတ်ပေးပါ

* ခေါင်းကို သေချာခြောက်အောင်သုတ်ပေးပြီး ခေါင်းသေချာဖီးသင်ပေးပါ

* ဆီမွှေးများ တခြားလိုးရှင်းများ လူးပေးခြင်းမှ ရှောင်ကြဉ်ပါ ။ ဒီအချိန်ကလေးငယ်များရဲ့ အရေပြားဟာ အလွန်နုပြီး အထိအခိုက်မခံတဲ့အတွက် ရှောင်ကြဉ်ရန် အထူးလိုအပ်ပါတယ် ။

(၂) ခြေသည်း လက်သည်း ညှပ်ခြင်း

– လှုပ်ရှားနေတဲ့ကလေးငယ်ရဲ့လက်တွေက သူ့မျက်နှာအပါအဝင် တခြားခန္ဓာကိုယ်နေရာများကိုပါ မကုတ်ခြစ်မိ စေရန်အတွက် ပုံမှန် လက်သည်းညှပ်ပေးရန်လိုပါတယ် ။ လက်သည်းစွန်းတွေ ရှည်လာပြီ ဆိုသည်နှင့် ကလေးလက်သည်းညှပ်လေးများဖြင့် ညှပ်ပေးသင့်ပါပြီ ။

– လက်သည်းညှပ်ပေးတဲ့အခါ အရေပြားကို လက်သည်းညှပ်ရဲ့ ဆန့်ကျင်ဘက်ကို ဆွဲထားပြီး တဖြောင့်တည်း ညှပ်ပေးပါ ။

– ရေချိုးပြီးကာလတွေမှာ ရေကြောင့် လက်သည်းတွေပျော့ပြောင်းနေတဲ့အတွက် ထိုအချိန်ဟာ လက်သည်းညှပ်ပေးဖို့ အသင့်လျော်ဆုံးပါပဲ

– ဒါမှမဟုတ် သင့်ကလေး အိပ်စက်နေချိန်ဟာလဲ အချိန်ကောင်းပါပဲ

(၃) သေးခံလဲပေးခြင်း

– သင့်အနေနဲ့ wet tissues baby wipes အစရှိတာတွေကို အသုံးပြုနိုင်ပါတယ်

– သေးခံကို ဖယ်ပြီး သေး ဝမ်း တွေကို သေချာဖယ်ရှားသန့်စင်ပါ

– ထို့နောက် သေးခံနေရာကို သေချာအခြောက်ခံပါ

– သေးခံအသစ်တစ်ခုလဲပေးပါ

– အကယ်၍ သေးခံလောင်တဲ့ အနီကွက်တွေထွက်လာပါက ဖြည်းဖြည်းနှင့် ညင်ညင်သာသာ ဖယ်ပါ ။ ထို့နောက် ကလေးသေးလောင်နာတွေအတွက် ထုတ်ထားသော လိုးရှင်း ခရင်မ်ထူထူကို လိမ်းပေးပြီးမှ အပေါ်က ထပ်ဝတ်ပေးပါ ။

အားလုံးကျန်းမာကြပါစေ

ဒေါက်ပီ

Related posts
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

မေမေတို့အတွက် အမြွှာပူး ရနိုင်သောအခြေအနေများ

1 Mins read
အမြွှာဖြစ်ရခြင်းဟာ မျိုးရိုးဗီဇ၊ ဟော်မုန်းဓာတ်နှင့် ပတ်ဝန်းကျင်ဆိုင်ရာအချက်များ ပေါင်းစပ်လွှမ်းမိုးထားတာ ဖြစ်ပြီး အမြွှာကလေးရစေမယ့် အာမခံချက် သို့မဟုတ် အမြွှာရဖို့ ထိန်းချုပ်နိုင်သော အရာဆိုပြီး မရှိပါဘူး။ အမြွှာပူး ဖြစ်နိုင်ခြေကို တိုးစေနိုင်တဲ့ အကြောင်းရင်းအချို့ရှိပေမယ့် အမြွှာရဖို့ သေချာစေတဲ့ နည်းလမ်း မရှိဘူး ဆိုတာ…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…