mydoctor-top-telemedicine

All Articlesကလေးကျန်းမာရေးမိခင်နှင့်ကလေးကျန်းမာရေး

သင့်ကလေး အာရုံကြောအားနည်းနေမှန်း ဘယ်လိုသိနိုင်မလဲ

1 Mins read

သင့်ကလေး အာရုံကြောအားနည်းနေမှန်း ဘယ်လိုသိနိုင်မလဲ

အမြဲလက်လက်ထအောင်ဆော့နေတဲ့..ဆော့ဖို့လည်း လိုအပ်တဲ့ ကလေးတွေအတွက် အာရုံကြောတွေ အမြဲအားကောင်းနေဖို့လိုပါတယ်။

အာရုံကြော အားနည်း၊ထိခိုက်၊ ပျက်စီးစေနိုင်တဲ့ အကြောင်းရင်းတွေလည်း အများကြီးရှိပါတယ်။မွေးရာပါ ခန္ဓာကိုယ်ပြဿနာတစ်ခုခုကြောင့်ဖြစ်နိုင်သလို အာဟာရချို့တဲ့လို့၊ ဒါမှမဟုတ် မတော်တဆမှုတွေကြောင့်လည်း ဖြစ်တတ်ပါတယ်။အဆက်မပြတ်ထပ်ခါထပ်ခါလုပ်ဆောင်နေရတဲ့ လှုပ်ရှားမှုတွေကြောင့်လည်း ဖြစ်တတ်ပါတယ်။

ဒီလက္ခဏာမျိုးတွေ ပေါ်လာရင်တော့ ကလေးမှာ အာရုံကြောပြဿနာတစ်ခုခုရှိနေပြီလို့ ယူဆရနိုင်ပါတယ်။

?ထုံခြင်း

ခြေတွေ လက်တွေပဲ ထုံနိုင်သလို တချို့နေရာတစ်ခုတည်းမှာပဲ ကွက်ပြီးထုံနေတာမျိုးလည်း ဖြစ်တတ်ပါတယ်။ခြေအိတ်လက်အိတ်စွတ်ထားသလိုမျိုး ခြေထိပ် လက်ထိပ်တွေ ထုံတယ် ထိလို့ထိမှန်းမသိဖြစ်ဖြစ်နေပြီ ဆိုရင်တော့ အာရုံကြောပြဿနာ သိသိသာသာ ဖြစ်နေပြီလို့ ပြောလို့ရပါတယ်။

?ကျဉ်ခြင်း

အချိန်ကြာကြာ ဖိမိထားလို့ ကျဉ်တာမျိုးမဟုတ်ဘဲ မကြာခဏ ကျဉ် နေတတ်တာမျိုးဖြစ်တတ်ပါတယ်။များသောအားဖြင့် လက်ကျဉ်တာ အဖြစ်များပါတယ်။

?နာခြင်း

နာစရာ အကြောင်းမရှိဘဲ အလွယ်တကူ ပိုနာကျင်နေတတ်ပါတယ်။တခါတလေမှာ အပ်နဲ့ ထိုးလိုက်သလို စူးခနဲ နာကျင်သွား တတ်သလို ပူနေတာမျိုးတွေလည်း ဖြစ်တတ်ပါတယ်။နည်းနည်းထိပေမဲ့ များများသိနေတာမျိုးလည်း ဖြစ်တတ်ပါတယ်။

?ကြွက်သားအားနည်းလာခြင်း

ပုံမှန် ဆော့ကစားနေကျ လှုပ်ရှားမှုတွေမှာ ကောင်းကောင်းမလုပ်နိုင်တော့တာ ဖြစ်တတ်ပါတယ်။ကြွက်သားတွေ အားပျော့လာတာ တဖြည်းဖြည်း ကျုံလှီလာတာလည်း ဖြစ်နိုင်ပါတယ်။

ဒါတွေအပြင် မျက်လုံးပြဿနာ၊ မကြာခဏ ဇက်ကြောတက်ခေါင်းမူးနေတာမျိုးတွေလည်း ဖြစ်တတ်ပါတယ်။

ဒီလိုစဖြစ်လာပြီဆိုရင်တော့ အာရုံကြောအားကောင်းစေမဲ့ အစားအသောက်တွေပိုစားဖို့၊ အားဆေးတွေ သောက်ဖို့လိုပါပြီ။ပိုဆိုးလာရင်တော့ ဆရာဝန်ပြဖို့လိုပါလိမ့်မယ်။

Dr ဖြိုးဝေလင်း
(3.9.19)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…
ကလေးကျန်းမာရေးစားသောက်မှုပုံစံဆီးချိုရောဂါမိခင်နှင့်ကလေးကျန်းမာရေးအလှအပနှင့်နေထိုင်စားသောက်မှုပုံစံ

Why Children Should Avoid Energy Drinks

1 Mins read
“Energy drink နဲ့ ကလေး” “ကလေးနဲ့Energy drink” တိုက်သင့်ရဲ့လားဆိုရင် 📌အဆုံးထိမဖတ်ချင်တဲ့လူတွေအတွက် အတိုချုပ်ပြောရရင် “နိုး” ပါ။ လုံးဝမတိုက်သင့်ပါဘူး။ ~~~~~~~~~~~~~~~~~~~~~~~~~~ ♦️ Energy drinks တွေဟာ ဈေးကွက်ထဲမှာ ဆိုရင်ဖြင့် ဒီဇိုင်း၊ ကာလာ၊ ဘာညာ…