ကိုယ်ဝန်ပျက်ကျပြီးသူတွေမှာ အားဘယ်လိုပြန်ဖြည့်မလဲ
ကိုယ်ဝန်ပျက်ကျတဲ့အခါမှာ သွေးဟာအဓိကဆုံးရှုံးတဲ့အရာပဲဖြစ်ပါတယ်။ကိုယ်ဝန်ပျက်ကျချိန်မှာသွေးဆင်းများလေ အားပိုနည်းလေပဲဖြစ်ပါတယ်။ဒါကြောင့် ကိုယ်ဝန်ပျက်ကျပြီးတဲ့အခါမှာ သွေးအားပြန်ပြည့်အောင်၊အားအင်ပြန်လည်ပြည့်ဝအောင် ဘယ်လိုဘယ်ပုံတွေစားသောက်ရမလဲဆိုတာကိုဆွေးနွေးပေးသွားမှာဖြစ်ပါတယ်။
ကိုယ်ဝန်ပျက်ကျပြီးသူတွေမှာ အားဘယ်လိုပြန်ဖြည့်မလဲ???
ဘယ်လိုအစားအစာတွေစားမလဲဆိုတာကိုမပြောခင်မှာ အစားအသောက်ပြင်ဆင်မှုကိုအရင်ပြောပြပါ့မယ်။အစားအသောက်ပြင်ဆင်တဲ့အခါ လွယ်ကူရိုးရှင်းပြီး၊အစာကျေညက်လွယ်အောင်ပြင်ဆင်ပေးသင့်ပါတယ်။နာလန်ထလူနာဟာ အစာအမာတွေစားပါက အစာမကြေ၊ရင်ပြည့်ရင်ကယ်၊ပျို့အန်တာတွေဖြစ်နိုင်လို့ပါ။အစားအစာတွေစားတဲ့အခါမှာ ကိုယ်ဝန်ပျက်ကျစဉ်ဆင်းထား၊ဆုံးရှုံးထားတဲ့သွေးကိုပြန်ဖြည့်နိုင်ဖို့အတွက် သံဓါတ်၊ဗီတာမင် B2,B9 နဲ့ B12 တို့ပေါကြွယ်စွာပါဝင်တဲ့အစားအစာတွေစားပေးသင့်ပါတယ်။
ဘယ်လိုအစားအစာတွေစားသင့်လဲဆိုတော့-
၁)အသားဓါတ်ပေါကြွယ်ဝသောအစားအစာများ(ကြက်သား၊အမဲသား၊ငါး၊ပဲအမျိုးမျိုးနဲ့ နို့ စသည်)ကို စားသုံးပေးသင့်ပါတယ်။၎င်းတို့ဟာ သွေးနီဥများထုတ်လုပ်မှုကိုအားပေးရုံမက ကိုယ်ခံစွမ်းအားကိုပါမြင့်တက်စေနိုင်ပါတယ်။
၂)စွံပလွံသီးဟာ သံဓါတ်ပေါကြွယ်ဝစွာပါဝင်တာကြောင့် သွေးနီဥထုတ်လုပ်မှုကိုအားပေးပြီး သွေးအားကိုပြန်လည်ဖြည့်တင်းပေးနိုင်ပါတယ်။
၃)အစိမ်းရင့်ရောင်ရှိသောအရွက်(မုန်ညင်း၊မုန်လာ၊ကိုက်လန်၊ဂေါ်ဖီ၊ဆလပ် စသည်)များဟာ သံဓါတ်ပေါကြွယ်ဝစွာပါဝင်တာကြောင့် ၎င်းတို့ကိုလဲစားသုံးပေးသင့်ပါတယ်။
၄)ဗီတာမင်စီပေါကြွယ်ဝသောအသီးအနှံ(ရှောက်သီး၊လိမ္မော်သီး၊စပျစ်သီး၊သဘောင်္သီး စသည်)တို့က အစာအိမ်အူလမ်းကြောင်းမှသံဓါတ်စုပ်ယူမှုကိုအားပေးပြီး အနာကျက်ခြင်းနဲ့ကိုယ်ခံစွမ်းအားကိုကောင်းမွန်စေရုံမက ရေဓါတ်ကိုပါဖြည့်တင်းပေးနိုင်တာကြောင့် ၎င်းတို့ဟာလဲ စားပေးသင့်တဲ့အစာအာဟာရတွေဖြစ်ကြပါတယ်။
၅)နေ့စဉ်လိုအပ်တဲ့ပမာဏအတိုင်း တွက်ချက်ဖော်စပ်ထားတဲ့ သံဓါတ်အားဆေးများကိုလဲ ဆရာဝန်ညွှန်ကြားပြသထားတဲ့အတိုင်း သောက်သုံးပေးနိုင်ပါတယ်။
အထက်ပါစားသောက်ပုံလေးတွေကိုလိုက်နာပြီး ကိုယ်ဝန်ပျက်ကျပြီးနောက် အားနည်းနွမ်းနယ်မနေပဲ အမြန်ဆုံးပြန်လည်ကျန်းမာနိုင်အောင် လုပ်ဆောင်ကြပါလို့ တိုက်တွန်းလျှက်။
dr.ye’lwin mm