How did the third wave of Covid start?

Covid တတိယလှိုင်းဘယ်လိုစလာနိုင်လဲ

ကျွန်တော်တို့တွေ covid19နဲ့ပတ်သက်လို့ စိတ်ပိုင်းဆိုင်ရာ ကျဆင်းမှုတွေ အပါအဝင် ဒီဝေဒနာကို တွန်းလှန်ဖို့ကာကွယ်ဖို့နည်းလမ်းမျိုးစုံနဲ့ကြိုးစားနေကြပါတယ် ဒီဝေဒနာစတင်ဖြစ်ပွားချိန်ကစပြီး လူအစုလိုက်အပြုံလိုက်ဖြစ်လာမှုကိုတားဆီးနိုင်ဖို့ကိုလည်း contact personရှာဖွေရတာတွေ ရောဂါဖြစ်ပွားသူရဲ့ ဇစ်မြစ်ကိုလိုက်ကြည့်ရတာမျိုးတွေနဲ့ လုပ်ဆောင်ခဲ့ရပါတယ် အစုလိုက်အပြုံလိုက်ကူးစက်လိုက်ပြန်ငြိမ်လိုက် ပြန်ကူးစက်လိုက်နဲ့ အခုဆိုမြန်မာပြည်မှာလည်း တတိယလှိုင်း အန္တရာယ်ကို သတိထားစောင့်ကြည့်နေရတာဖြစ်ပါတယ် အိမ်နီးချင်းအိန္ဒိယနိုင်ငံမှာတော့ ဖြစ်ပွားသူ ၁၅သန်းကျော်ခဲ့ပြီဖြစ်ပြီး သေဆုံးသူတွေလည်း ၂သိန်းနီးပါးရှိနေပြီဖြစ်ပါတယ်။ အဲ့ဒီလိုဖြစ်ပွားလာတာဟာ တတိယလှိုင်း ပြန်လည်ရိုက်ခတ်မှုတွေကြောင့်ပဲဖြစ်ပါတယ်။ အိန္ဒိယမှာကာကွယ်ဆေးတွေကိုထိုးနှံဖို့ ကြိုးစားလုပ်ဆောင်နေပေမယ့်လည်း ကိုရိုနာဗိုင်းရပ်စ်ရဲ့မျိုးရိုးဗီဇပြောင်းလဲမှု အနေနဲ့ ကူးစက်မှုက ရဝရာခိုင်နှုန်းအထိမိုမိုမြန်ဆန်လာတဲ့ UK Varant (B.1.1.7) တွေ့ရှိလာတာကြောင့်အပြင် ကာကွယ်ဆေးများရဲ့ စွမ်းဆောင်နိုင်ရည်ကလည်းလျော့ကျလာတာတွေရှိလို့နေပါတယ်။

ကာကွယ်ဆေးထိန်းသိမ်းပုံအဆင့်ဆင့်မကောင်းမွန်တာတွေကြောင့် ထိရောက်မှုအားနည်းတာ ဓာတ်လျော့သွားတာမျိုးတွေပေါ်လာပါတယ။် အကြောင်းအမျိုးမျိုးကြောင့်လူစုလူဝေးတွေများလာတာ၊ ရောဂါဖြစ်ပွားတဲ့နိုင်ငံကနေပြန်လည်ဝင်ရောက်လာတာ၊ ဒီဝေဒနာကို ပေါ့ပေါ့ဆဆသဘောထားလာပြီး လိုက်နာဆောင်ရွက်မှုအားနည်းလာတာ ကာကွယ်ဆေးထိုးသူတွေရဲ့ ကာကွယ်ရေးနည်းလမ်း တွေကြပ်မတ်မှုတွေအားလျော့လာတာက ဒီဝေဒနာအတွက်တတိယလှိုင်းကို ထပ်မံပေါ်ပေါက်စေတာ ဖြစ်ပါတယ။် အခုချိန်ထိပျောက်ကင်းအောင်ကုသနိုင်တဲ့ဆေးမရှိသေးတာကြောင့် တလှိုင်းပြီးတလှိုင်းက လူတွေကြားထဲကိုပျံ့နှံ့နေဦးမှာပဲဖြစ်ပါတယ်။ ဒီလိုနဲ့ လူသားတွေရဲ့ကိုယ်ခံစွမ်းအားကို တိုက်ခိုက်နိုင်တဲ့ဒီဝေဒနာကြောင့်ကမ္ဘာမှာသေဆုံးသူဦးရေကလည်းနေ့စဉ်တိုးလို့လာတာဖြစ်ပါတယ်။

မြန်မာနိုင်ငံမှာပထမလှိုင်းကာလက ၂၀၂၀ မတ်လကုန်ကစတင်ခဲ့တာပါ။ ပြည်ပပြန်လာသူတွေကနေ ပါလာတာဖြစ်ပြီးတဆတဆများလာပေမယ့်လည်းထိန်းချုပ်နိုင်ခဲ့တဲ့အခြေအနေမှာရှိခဲ့ပါတယ်။ ဒုတိယလှိုင်း ပေါ်လာ ချိန်ကတော့ ၂၀၂၀ စက်တင်ဘာလလောက်မှာဖြစ်ပါတယ် ပြည်တွင်းခရီးသွားတွေဆီက ကူးစက်တာတွေ ပြည်ပကတရားမဝင်ပြန်လည်ဝင်ရောက်လာသူတွေဆီကနေပါလာတာမျိုးနဲ့ အစုလိုက်ထပ်မံဖြစ်ပေါ်ခဲ့ပါတယ။် အခုဆိုရင်တော့ ဒုတိယလှိုင်းလည်းပြန်ငြိမ်သွားပေမယ့်လည်း အိမ်နီးချင်းနိုင်ငံတွေမှာတတိယလှိုင်းဒဏ်ကိုခံနေရတဲ့အပြင် မျိုးရိုးဗီဖပြောင်းလဲလာတဲ့မိုးစိတ်သစ်ကြောင့် ထပ်မံဖြစ်ပေါ်လာဦးမလားဆိုတာက စိုးရိမ်ဖွယ်ရာအခြေအနေတစ်ခုပဲဖြစ်ပါတယ်။ နိုင်ငံတကာမှာတော့ lock down ချတာတွေ stay at home အမိန့်ထုတ်ပြန်တာတွေအပြင် အခမ်းအနားပွဲလမ်းသဘင်တွေကို ပိတ်ပင်တာတွေနဲ့ပြန်လည်ပြီးလုပ်ဆောင်နေရပြီဖြစ်ပါတယ်။ နိုင်ငံတကာမှာ တတိယလှိုင်း ပြန်လည်ဝင်ရောက်ခဲ့တာကလည်း အဲ့ဒီလို တွေ့ဆုံပွဲတွေကနေဖြစ်ပေါ်ခဲ့တာဖြစ်ပါတယ် ဒါကြောင့်ကျွန်တော်တို့နိုင်ငံမှာလည်းမဖြစ်ခင်ကဆင်ခြင်ကြတာ အကောင်းဆုံးလို့ဆိုချင်ပါတယ်။

အခုဆိုစားသောက်ဆိုင်တွေပြန်ဖွင့်လာတာနဲ့အတူ စည်းကမ်းထိန်းသိမ်းမှုကိုပါတိုးမြှင့်ထားကြဖို့လိုပါတယ်။

မလိုအပ်ဘဲလူမစုဖို့လိုပါတယ် ရင်းနှီးသူတွေနဲ့သွားလာတာမှာလည်း covidစည်းကမ်း သတ်မှတ်ချက်တွေကိုလိုက်နာပြီးသွားကြဖို့လိုပါတယ် ကာကွယ်ဆေးအပြည့်အဝ ထိုးနှံနိုင်ခဲ့ရင်တောင် ပြောင်းလဲနေတဲ့မျိုးရိုးဗီဇရဲ့ပြင်းထန်မှုကို မသိနိုင်သေးတာမို့ ဘာမှစိတ်ချလို့ရတဲ့အခြေအနေတစ်ခုလို့ မဆိုနိုင်ပါဘူး။  ဒါကြောင့် အဓိကကတစ်ဦးချင်းစည်းကမ်းရှိဖို့ ပုံမှန်လိုက်နာသင့်တဲ့ Maskတပ်ဖို့ လက်ဆေးဖို့စတဲ့အခြေခံအချက်လေးတွေကို ပစ်ပယ်မထားကြဖို့အထူးပဲတိုက်တွန်းလိုက်ရပါတယ်။

ဒေါက်တာနိုင်းဆေး(၁)

MyDoctor Telemedicine Application
Related posts
Covid - 19ကူးစက်တတ်သောရောဂါများအထွေထွေရောဂါများ

Covid19 third wave and symptoms

1 Mins read
Covid19 တတိယလှိုင်းနဲ့ လက္ခဏာရပ်များ Covid19နဲ့တတိယလှိုင်းအန္တရာယ်ကတော့လက်ရှိမှာတကမ္ဘာလုံးကိုခြိမ်းခြောက်မှုရှိနေပြီး တချို့နိုင်ငံတွေမှာ ဆိုရင်တော့ စတုတ္ထလှိုင်းဆီကိုရောက်ရှိနေပြီပဲဖြစ်ပါတယ်။ နိုင်ငံတကာမှာ Covid-19 တတိယလှိုင်းနဲ့အတူ ကိုရိုနာမျိုးကွဲသစ်ပေါ်ထွက်လာတဲ့အတွက် စိုးရိမ်ပူပန်မှုများလည်းမြင့်တက်လာခဲ့ပါတယ်။ ကာကွယ်ဆေးထိုးမှုတွေကိုအစဉ်တစိုက်နဲ့အရှိန်တိုးမြှင့်ဖို့ကြိုစားနေချိန်မှာ တတိယလှိုင်းနဲ့အတူ သဘာဝတိုင်းပြောင်းလဲသွားတဲ့ မျိုးကွဲသစ်ပေါ်လာတာဖြစ်ပါတယ် တတိယလှိုင်းဖြစ်ပေါ်လာတဲ့အခါ မတူညီတဲ့အခြေအနေတွေရှိလို့နေပါတယ် လူတွေရဲ့နေထိုင်သွားလာမှုပေါ့ဆတာတွေ သတိလက်လွတ်ဖြစ်တာတွေက ဒီပိုးကိုထပ်မံအနိုင်ရစေဖို့ရာအခွင့်အရေးပေးသလိုဖြစ်လို့နေပါတယ် အခုလိုမျိုးရိုးဗီဇကွဲအသစ်ကပိုမိုကူးစက်မြန်တာကြောင့်…
Covid - 19ကူးစက်တတ်သောရောဂါများအထွေထွေရောဂါများ

Covid19 and home care

1 Mins read
Covid19နှင့် အိမ်တွင်းစောင့်ရှောက်မှုများ COVID-19 ရှိသူနှင့်ထိတွေ့မိပြီး မိမိကိုယ်ကိုသံသယရှိတယ်ဆိုရင်တော့ ဒီအချက်လေးတွေကိုလုပ်ဆောင်ပေးလို့ရပါတယ် ဘယ်နေ့ဘယ်အချိန်မှာ စစ်ဆေးမှုပြုလုပ်ရမလဲ ဆိုတာကိုသိရှိစေဖို့ သက်ဆိုင်ရာ ကျန်းမာရေးစောင့်ရှောက်ပေးရာနေရာများ (သို့မဟုတ)် COVID-19 hotline သို့ခေါ်ဆိုပေးပါ ဗိုင်းရပ်စ်ပျံ့နှံ့မှုကိုရပ်တန့်ဖို့ရာအတွက်အဆက်အသွယ်ရှာဖွေတဲ့ လုပ်ထုံးလုပ်နည်းများနဲ့ ပူးပေါင်း ဆောင်ရွက်ပါ။ Covid19 Test စစ်ဆေးလို့မရသေးပါက …
Covid - 19ကူးစက်တတ်သောရောဂါများအထွေထွေရောဂါများ

Blood clotting problems with Covid19

1 Mins read
Covid19နှင့်သွေးခဲခြင်းပြသနာ Covid 19ရောဂါကိုယ်တိုင်သည် သွေးခဲခြင်းကို ၈ဆမှ ၁ဝဆထိ ဖြစ်နိုင်ချေရှိပါတယ် ဒါကြောင့်မို့ ကာကွယ်ဆေးထိုးခြင်းကြောင့် ဖြစ်ပေါ်နိုင်တဲ့ သွေးခဲခြင်းအန္တရာယ်နှင့် ချင့်ချိန်ပြီး ကာကွယ်ဆေးထိုးမထိုးကို ဆုံးဖြတ်ဖို့ရာ လိုအပ်ပါတယ် အထူးသဖြင့် ရောဂါအခံရှိသူတွေမှာ ကိုဗစ်ရောဂါကြောင့် သေဆုံးနှုန်းမြင့်တာမို့ အထူးသတိပြုကြဖို့လည်းလိုပါတယ်။ ယခုcovidကာကွယ်ဆေးအမျိုးအစားတချို့မှာတော့ သွေးခဲခြင်း…

Leave a Reply

Your email address will not be published. Required fields are marked *