All Articlesစိတ်ကျန်းမာရေးအထွေထွေရောဂါများ

Heart attack တောင်ရသွားနိုင်တဲ့ စိုးရိမ်ပူပန်စိတ်လွန်ကဲတဲ့ရောဂါတစ်ခု…

1 Mins read
Heart attack တောင်ရသွားနိုင်တဲ့ စိုးရိမ်ပူပန်စိတ်လွန်ကဲတဲ့ရောဂါတစ်ခု…
စိုးရိမ်ပူပန်တတ်တာဟာ ပုံမှန်လူတွေလည်းဖြစ်တတ်ကြတယ်ဆိုပေမယ့် စိုးရိမ်ပူပန်မှုလွန်ကဲလွန်းတဲ့ရောဂါတစ်ခုဖြစ်တဲ့ Panic disorder မှာတော့ သွယ်ဝိုက်ပြီး နှလုံးကိုထိနိုင်လို့ Heart attack တောင်ရနိုင်တဲ့အခြေအနေမျိုးထိရောက်သွားနိုင်ပါတယ်။ ဒီရောဂါဟာ Heart attack ကို တိုက်ရိုက်ရစေတာမျိုးတော့မဟုတ်ပေမယ့် စိုးရိမ်ပူပန်စိတ်ကြောင့်ဖြစ်လာတဲ့ စိတ်ဖိစီးမှုတွေ စိတ်လှုပ်ရှားမှုလွန်ကဲတာတွေကြောင့်နှလုံးသွေးကြောကျဥ်းရောဂါတွေကိုဖြစ်စေလာနိုင်ပြီး သွေးကြောကျဥ်းရာကနေ အကြောင်းတစ်ခုခုကြောင့်ပိတ်သွားရင်တော့ Heart attack ရစေတတ်ပါတယ်။
Panic disorder ဆိုတာ ရုတ်တရက်ကြောက်စိတ်လွန်ကဲတာတွေ ထပ်ခါထပ်ခါဖြစ်လာတဲ့အချိန်မျိုးမှာဖြစ်တတ်တာပါ။ ရုတ်တရက်ကြောက်စိတ်လွန်ကဲတဲ့ Panic attack တစ်ခေါက်ရပြီး အနည်းဆုံးတစ်လအကြာမှာ ဖြစ်ရင် Panic disorder လို့ခေါ်ဝေါ်တတ်ကြပါတယ်။အများအားဖြင့်ဆယ်ကျော်သက်တွေနဲ့ အသက် ၂၅ နှစ်အောက်လူငယ်တွေမှာ တွေ့ရတာများတတ်ပြီး အမျိုးသားတွေထက်အမျိုးသမီးတွေမှာ ပိုပြီးဖြစ်တတ်ကြတယ်။တစ်ခါဖြစ်ရင် အနည်းဆုံး ၁၀ မိနစ်၊ မိနစ် ၂၀ လောက်ထိကြာတတ်ပါတယ်။ တကယ်လို့ ရောဂါအခြေအနေပြင်းထန်တယ်ဆိုရင် တစ်နာရီကျော်ကျော်လောက်ထိလည်းကြာသွားတာမျိုးရှိတတ်ပါတယ်။
ဘယ်လိုလက္ခဏာတွေဖြစ်လာတတ်လဲဆိုရင်…
♑ မောတာ၊ ရင်ဘတ်အောင့်တာ၊ ကြပ်သလိုဖြစ်တာ
♑ ရင်တလှပ်လှပ်တုန်တာ၊ ခြေတွေ လက်တွေတုန်တာ
♑ မူးတာ၊ ပျို့တာ၊လည်ပင်းထဲနင်သလိုဖြစ်တာ
♑ ချွေးထွက်တာ၊ ချမ်းတုန်တာ
♑ ခြေတွေ လက်တွေ ထုံကျင်တာ
♑ စိတ်နဲ့ကိုယ်နဲ့မကပ်သလို ခံစားရတာ
♑ သေမှာကြောက်နေတာ စတာတွေဖြစ်ပေါ်လာတတ်ပါတယ်။
ဒီရောဂါလက္ခဏာတွေသက်သာအောင်…
♑ အတွေးတွေ အပြုအမူတွေကိုပြောင်းလဲပေးပြီး ကြောက်စိတ်ကိုထိန်းနိုင်အောင် ကုသမှုပေးတာ
♑ စိတ်ကျရောဂါကုသဆေးတချို့ပေးတာ
♑ စိတ်ငြိမ်ဆေး၊ အတက်ကျဆေးတွေပေးတာ
♑ လေ့ကျင့်ခန်းပုံမှန်လုပ်ပြီး အိပ်ရေးဝဝအိပ်တာ
♑ Caffeine ဓာတ်ပါတဲ့ ကော်ဖီ၊ လက်ဖက်ရည် စတာတွေရှောင်တာ စတဲ့နည်းလမ်းတွေရှိပါတယ်။
ဒေါက်တာစိမ်းလဲ့
MyDoctor Telemedicine Application
Related posts
All Articlesစိတ်ကျန်းမာရေးအထွေထွေရောဂါများ

Schizophrenia

1 Mins read
စိတ်ကစဉ့်ကလျားရောဂါ ( schizophrenia) သင်ဟာ ဆေးပညာအသိုုင်းအဝိုင်းနဲ့ နီးတဲ့သူတစ်ယောက်ဆို ကြားဖူးပါလိမ့်မယ်၊ အတိုကောက်အနေနဲ့ စကစ် (schip) လို့ခေါ်ကြတယ်၊ မသိတော့ (skip) လိုလို အထင်မှားကြတယ်။ မှားလဲ မှားစရာပါ၊ ခံစားနေရတဲ့သူတွေ ကလဲ ပတ်ဝန်းကျင်နဲ့ သဟဇာတမဖြစ်ပဲ ပယ်ထားခံရသူတွေများပါတယ်။…
All Articlesအခြားရောဂါများ

ရာသီတုပ်ကွေးအဖြစ်များတတ်တဲ့ ဆောင်းအခါသမယ...

1 Mins read
ရာသီတုပ်ကွေးအဖြစ်များတတ်တဲ့ ဆောင်းအခါသမယ… ရာသီတုပ်ကွေးရောဂါပိုးဆိုတာ အသက်ရှူလမ်းကြောင်းဆိုင်ရာ ဗိုင်းရပ်စ်ပိုးတစ်မျိုးဝင်တဲ့ရောဂါပါ။ ကိုယ်ခံအားသာကောင်းရင် သူ့ဟာသူ ပြန်ကောင်းသွားနိုင်ပေမယ့် ပြန်သာမကောင်းခဲ့ဘူးဆိုရင် ပန်းနာပြန်ထတာ၊ အဆုတ်ရောင် ရောဂါ၊ အဆုတ်လေပြွန်ရောင်တာ၊ နားပိုးဝင်တာ၊ နှလုံးပြဿနာတွေနဲ့ အသက်ရှုရခက်တာတွေပါဖြစ်လာတတ်ပါတယ်။ ဒီရာသီတုပ်ကွေးရောဂါဟာ…. အသက်အရမ်းငယ်လွန်း၊ ကြီးလွန်းတဲ့အခါ အသက် ၁၉ နှစ်အောက်တည်းကစပြီး…
All Articlesဆီးချိုရောဂါဖိုးဖိုးဖွားဖွား ကျန်းမာရေး

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ

1 Mins read
ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ ❗ ဆီးချိုရောဂါဟာ အချိန်ကြာလာတဲ့အခါ သေချာသာမထိန်းနိုင်ဘူးဆိုရင် နှလုံး၊ကျောက်ကပ်၊ အာရုံကြောတွေသာမက မျက်လုံးကိုပါထိခိုက်လာနိုင်ပါတယ်။ မျက်လုံးမှာ ရေတိမ်၊ အတွင်းတိမ်ဖြစ်ရာကနေ တဆင့် နောက်ဆုံး မျက်စိအမြင်အာရုံဆုံးရှုံးသွားတဲ့ထိတောင်ဖြစ်နိုင်ပါတယ်။ အတွင်းတိမ်ဖြစ်တဲ့အခါ စစချင်းမှာ အမြင်အာရုံကိုနှောင့်ယှက်တာမျိုးမရှိပေမယ့် ကြာလာတဲ့အခါ အမြင်ဝါးလာတာမျိုး…

Leave a Reply

Your email address will not be published. Required fields are marked *