All Articlesအခြားရောဂါများအထွေထွေရောဂါများ

ကိုယ်၀န်ဆောင်မိခင် ခေါင်းကိုက်လျှင်

1 Mins read

ကိုယ်ဝန်ဆောင်မိခင် ခေါင်းကိုက်လျှင်

လူတိုင်းခေါင်းကိုက်တတ်ပါတယ်။ သူ့အလိုလို ပြန်ပျောက်တတ်သလို မပျောက်နိုင်တာမျိုးလည်း ဖြစ်တတ်ပါတယ်။ ပုံမှန်လူတစ်ယောက် ခေါင်းကိုက်တာသိပ်အကြောင်းမဟုတ်ပေမဲ့ ဗိုက်ထဲမှာ အသက်သေးသေးလေးတစ်ခုကို ထိန်းသိမ်းပေးထားရတဲ့ ကိုယ်ဝန်ဆောင်တစ်ယောက် ခေါင်းကိုက်ရင်တော့ ပြဿနာရှိပါပြီ။ ခေါင်းကိုက်စေမဲ့ အကြောင်းတွေ သိပ်များပေမဲ့ သက်သာပျောက်ကင်းစေမဲ့ ဆေးကတော့ ရှားပါတယ်။ ကလေးနဲ့ မတည့်တဲ့ဆေးတွေ များနေလို့ပါ။

?ကိုယ်ဝန်ဆောင်ချိန်ဘာလို့ ခေါင်းကိုက်လဲ ??

အဖြစ်များတဲ့ ခေါင်းကိုက်စေတဲ့ အကြောင်းတွေကတော့

– ဟော်မုန်းအပြောင်းအလဲများ ဖြစ်ခြင်း

– သွေးထုထည်ပမာဏ ပိုများလာခြင်း

– စိတ်ဖိစီးမှု ၊ ပင်ပန်းနွမ်းနယ်မှု၊ မျက်လုံးပြဿနာ

– နှာစေးလွယ်..နှာပိတ်လွယ်..ထိပ်ကပ်နာဖြစ်လွယ်ခြင်းနဲ့ ပိုဆိုးစေခြင်းတို့ကြောင့် ခေါင်းနှင့်မျက်ရိုးကိုက်ခြင်း

– သွေးတွင်း သကြားဓာတ်ကျဆင်းခြင်း

– ဗိုက်ဆာလွယ်ခြင်း

– အမြဲသောက်နေကျ ကော်ဖီ၊ လက်ဖက်ရည် မသောက်ရသည့်အတွက် ကဖင်းပြတ်တောက်မှုကြောင့် ခေါင်းကိုက်ခြင်း

– ကိုယ်ဝန်အစောပိုင်းကာလတွေမှာ ဖြစ်တတ်တဲ့ မူးခြင်း အန်ခြင်းကြောင့် ရေဓာတ်နည်းလာခြင်း

ဒါတွေကြောင့် ခေါင်းကိုက်တတ်သလို ကိုယ်ဝန်ဆိပ်တက်လို့ သွေးတိုးတဲ့အခါမျိုးမှာလည်း ခေါင်းကိုက်နိုင်တာ သတိထားဖို့ လိုပါတယ်။

Migraine ဆိုတဲ့ ခေါင်းတစ်ခြမ်းကိုက်ရောဂါလည်း ကိုယ်ဝန်ဆောင်ချိန်မှာ ပိုထကြွလာတတ်ပါတယ်။

?ခေါင်းကိုက်ရင် ဘာလုပ်မလဲ ခေါင်းမကိုက်အောင်ဘယ်လိုနေမလဲ ??

– အရေးအကြီးဆုံးအချက်က ဆေးတွေကို ဆရာဝန်မညွှန်ကြားဘဲ မသောက်ဖို့ပါ။

ကလေးကို မထိခိုက်စေဖို့ သတိပြုပါ။

– တော်ရုံ ကိုက်ခဲတာဆိုရင်တော့ အစားမျှတအောင် စားပြီး အိပ်လိုက်ပါ။

– မနေနိုင်လောက်အောင် အရမ်းကိုက်နေရင်တော့ ဆရာဝန်ပြပါ။

– အချိန်မှန်အိပ် အချိန်မှန်စားပါ။

– ပင်ပန်းတဲ့ အလုပ်နဲ့ လှုပ်ရှားမှုတွေရှောင်ပါ။

– ရာသီဥတုကြောင့်လည်း ခေါင်းကိုက်တတ်လို့ နေပူမမိစေဖို့ အအေးမမိစေဖို့ မိုးရေမစိုစေဖို့ သတိပြုပါ။

– စိတ်ဖိစီးမှုလျှော့ချပါ။
ကျန်းမာပျော်ရွှင်ကြပါစေ..
Dr ဖြိုးဝေလင်း
(6.8.19)

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…