mydoctor-top-telemedicine

All Articlesအလှအပအလှအပနှင့်နေထိုင်စားသောက်မှုပုံစံ

ဦးရေပြားတွင် ဖြစ်ပွားလေ့ရှိသော ပြဿနာများ

1 Mins read

🔖ဦးရေပြားတွင် ဖြစ်ပွားလေ့ရှိသော ပြဿနာများ🔖

ဦးရေပြားဆိုတာလည်း ခန္ဓာကိုယ်ပေါ်ကတခြားအရေပြားတွေလို အရေပြားတစ်ခုပဲလို့ ဆိုရင်သိပ်ငြင်းစရာတော့ မဟုတ်ပါဘူး။ ဒါပေမဲ့ တခြားအရေပြားတွေထက်စာရင် ပိုထူထဲတာ၊ ပိုခံနိုင်ရည်ရှိတာ၊ အပူချိန်အပြောင်းအလဲကို အနည်းငယ်ပိုခံနိုင်တာ၊ အမွှေးအမျှင်ပိုထူထဲသိပ်သည်းစွာပေါက်တာ စတဲ့ ထူးခြားမှုတွေရှိသလို ပြဿနာတွေလည်း စုံလှပါတယ်။

🎯ဦးရေပြားမှာဖြစ်တဲ့ ပြဿနာတွေကို လေ့လာကြည့်တဲ့အခါ ပုံမှန်အရေပြားတစ်ခုမှာ ဖြစ်နိုင်တဲ့ ပြဿနာတွေအပြင် ဆံပင်ကြောင့် ဖြစ်တဲ့ ပြဿနာတွေ နဲ့ ဦးရေပြားရဲ့ ပင်ကိုယ်သဘာဝ အနေအထားကြောင့် ဖြစ်ရတဲ့ ပြဿနာတွေရယ်လို့ ခွဲခြားမြင်နိုင်ပါတယ်။

📌ထိခိုက်ရှနာများ

ဘယ်လောက်ပဲ ဆံပင်ထူထူနဲ့ ဖုံးထားထား ခေါင်းဆိုတာထိလွယ်ခိုက်လွယ် ဒဏ်ရာဖြစ်လွယ်တဲ့ အစိတ်အပိုင်းဖြစ်ပါတယ်။ ထိပ်ပေါက် ခေါင်းကွဲ ထိခိုက်ရှနာတစ်ခုခုဖြစ်လာခဲ့ရင်လည်း ဆံပင်တွေကနေတစ်ဆင့် ရောဂါပိုးမွှားဝင်နိုင်ချေရှိတဲ့အတွက် အနာမရင်းဖို့ ပိုသတိထားရပါတယ်။

📌ဦးရေပြားတွင်ဖြစ်တတ်သော ရောဂါပိုးမွှားများ

ဦးရေပြားနဲ့ ဆံပင်တွေဟာ ခေါင်းလျှော်များခြင်းကြောင့် ဆံသားခြောက်သွေ့ပျက်စီးခြင်းနဲ့ ခေါင်းမလျှော်လို့ မသန့်ရှင်းရာက ယားနာပိုးတွေဝင်ခြင်းဆိုတဲ့ အစွန်းနှစ်ခုကြားမှာ အဆင်ပြေအောင်နေနေရပါတယ်။ ခေါင်းလျှော်ရည်တွေကြောင့် ဦးရေပြားခြောက်သွေ့လာတဲ့အခါ မှိုစွဲတာ၊ ဗောက်ထတာ၊ ပွေးပေါက်တာ၊ ဦးရေပြားမှာ အဖတ်အဖတ်တွေ အရေခွံလန်လာတာမျိုးဖြစ်တတ်ပါတယ်။ ယားလေ ကုတ်လေ ပိုဆိုးလာလေဖြစ်တတ်ပါတယ်။ ဘက်တီးရီးယားပိုးတွေကြောင့် အနာစိမ်းပေါက်တာ၊ပြည်တည်နာ တွေလည်းဖြစ်နိုင်သလို သန်းတွယ်တာလည်းဖြစ်နိုင်ပါတယ်။

📌အခြားပြဿနာများ

တခြားဖြစ်နိုင်တဲ့ ပြဿနာတွေကတော့

-မျိုးရိုးကြောင့်၊ ဟော်မုန်းအပြောင်းအလဲတွေကြောင့် သို့မဟုတ် အာဟာရချို့တဲ့မှုကြောင့် ဖြစ်နိုင်တဲ့ ဆံပင်ကျွတ်လွယ်ခြင်း၊ ထိပ်ပြောင်လာခြင်းစတဲ့ ပြဿနာတွေ

– Psoriasis(ဆိုရီရေးစစ် အရေပြားရောင်ရောဂါ)၊ Seborrheic dermatitis ရောဂါ၊ Alopecia areata (ဆံပင်ကျွတ်ခြင်း) ၊ Scleroderma စတဲ့အရေပြားရောဂါတွေ လည်းဖြစ်နိုင်ပါတယ်။

🎯ဒီပြဿနာတွေကို ဘယ်လိုဖြေရှင်းမလဲ ??

– တစ်ပါတ်တစ်ကြိမ်လောက်ခေါင်းလျှော်ပါ

– ခေါင်းလျှော်ရည်ပြင်းပြင်းတွေမသုံးပါနဲ့

– ခေါင်းလျှော်ပြီးတိုင်း ဆီတစ်ခုခုလိမ်းပေးပါ

– ဦးရေပြားမှာ သွေးလှည့်ပတ်မှုကောင်းအောင် ခေါင်းလျှော်တိုင်း သို့မဟုတ် အခါအားလျော်စွာ ခပ်ဖွဖွ နှိပ်နယ်ပေးပါ

– ယားနာတစ်ခုခုဖြစ်လာရင် ထိခိုက်ရှနာဖြစ်ရင် ဆရာဝန်ပြပါ ညွှန်ကြားချက်ကို သေချာလိုက်နာပါ

– အရေပြားရောဂါများအတွက် အရေပြားဆရာဝန်နှင့် စနစ်တကျကုသပါ။

ကျန်းမာပျော်ရွှင်ကြပါစေ…

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
စားသောက်မှုပုံစံအလှအပနှင့်နေထိုင်စားသောက်မှုပုံစံ

Vitamin B မချို့တဲ့ရအောင် ဘာတွေ စား‌ပေးရမလဲ ❓

1 Mins read
Vitamin B ဆိုတာကတော့ Vitamin B1, B2,B6 နဲ့ B12 တို့ကို ပေါင်းစပ်ပြီး B Complex လို့လဲ ခေါ်ကြပါတယ်၊B-Complex ကဆိုရင် ခန္ဓာကိုယ်မှာရှိတဲ့ အချို့သော Enzymes တွေ လုပ်ဆောင်ရန်အတွက်မရှိမဖြစ်လိုအပ်ပါတယ်၊Vitamin-B ဟာဆိုရင် ကျန်းမာရေးအတွက်အရမ်းကိုမှအရေးပါ…