All Articlesအလှအပအလှအပနှင့်နေထိုင်စားသောက်မှုပုံစံ

သွေးအားကောင်းစေမည့် နည်းလမ်းများ

1 Mins read

သွေးအားကောင်းစေမည့် နည်းလမ်းများ

သွေးအားနည်းရောဂါဟာ လူတိုင်းသတိထားသင့်တဲ့ရောဂါတစ်ခုပဲဖြစ်ပါတယ်။ ၎င်းရောဂါဟာ လူတိုင်းမခံစားရနိုင်ပေမယ့် ကြုံလာတဲ့အခါအသက်အန္တရာယ်ကိုပါထိခိုက်စေနိုင်တဲ့ရောဂါဖြစ်တာကြောင့် မဖြစ်ပွားစေဖို့ကြိုတင်ကာကွယ်ထားရန်လိုအပ်ပါတယ်။သွေးအားနည်းရောဂါမှာ အမျိုးအစားများစွာရှိပါတယ်၊တစ်ချို့ရောဂါတွေဟာကြိုတင်ကာကွယ်လို့မရနိုင်ပါဘူး။ဒါပေမယ့် သံဓါတ်ချို့တည့်ခြင်းနဲ့ ဗီတာမင်ဓါတ်ချို့တဲ့ခြင်းတို့ကြောင့်ဖြစ်တတ်တဲ့သွေးအားနည်းခြင်းဟာအဖြစ်အများဆုံးဖြစ်တာကြောင့် ၎င်းရောဂါမဖြစ်ပွားအောင်ကြိုတင်ကာကွယ်နိုင်တဲ့နည်းလမ်းလေးတွေကိုတော့ သိထားသင့်ပါတယ်။

သွေးအားကောင်းစေမယ့်နည်းလမ်းတွေက ဘာတွေလဲ?

သံဓါတ်စုပ်ယူမှုကောင်းမွန်စေပြီး သွေးအားကောင်းစေရန်အတွက်အောက်ပါအချက်များကိုလိုက်နာပေးနိုင်ပါတယ်-

၁။ ရှောင်ကြဉ်ရန်

(၁)အစားအစာနှင့် လဘက်ရည်၊ရေနွေးကြမ်း၊လက်ဖက်သုပ်ကို တွဲဘက်မစားသင့်ပါ။အထူးသဖြင့် သံဓါတ်ကြွယ်ဝသောအစားအစာများကို လက်ဖက်နှင့်တွဲစားလျှင် အစားအစာမှာပါဝင်သောသံဓါတ်အား အစာအိမ်အူလမ်းကြောင်းမှစုပ်ယူခြင်းကို လက်ဖက်ကလျော့ကျစေနိုင်ခြင်းကြောင့်ဖြစ်ပါတယ်။လဘက်ရည်၊ရေနွေးကြမ်း၊လက်ဖက်တို့ကို အစာစားပြီး ၂နာရီခန့်ကြာမှစားသုံးသင့်ပါတယ်။

(၂)သံဓါတ်ဖြည့်စွက်အားဆေးများကို နွားနို့၊ဒိန်ချဉ်၊ချိစ် စသောကယ်ဆီယမ်ကြွယ်ဝတဲ့အစားအသောက်များနှင့်တွဲဘက်မစားသင့်ပါ။ထိုသို့တွဲ၍စားပါက သံဓါတ်စုပ်ယူမှုလျော့ကျတတ်တာကြောင့် ၎င်းအစားအစာများကို သံဓါတ်အားဆေးမစားမီ ၁နာရီ(သို့)စားပြီး ၂နာရီကြာမှစားသုံးသင့်ပါတယ်။

(၃)သံဓါတ်အားဆေးများကို ပိုးသတ်ဆေးများနှင့်တွဲမသောက်သင့်ပါ။

၂။လုပ်ဆောင်ရန်

(၁)သံဓါတ်ပေါကြွယ်ဝသော အသား၊ငါး၊ပဲအမျိုးမျိုးနှင့်အစိမ်းရင့်ရောင်အသီးအရွက်များကိုပုံမှန်စားသုံးပေးပါ။

(၂)ဗီတာမင် ဘီ(၁၂)ပြည့်ဝသော အစားအစာများဖြစ်သည့် အသားနှင့်နို့ထွက်ပစ္စည်းများ၊ပဲပိစပ် စသည်တို့ကိုစားသုံးပေးပါ။

(၃)သံဓါတ်ဖြည့်အားဆေးများကို ဗီတာမင်စီနှင့်တွဲဖက်စားသုံးပေးပါ။ဗီတာမင်စီဟာ အစာအိမ်အူလမ်းကြောင်းမှသံဓါတ်စုပ်ယူမှုကိုအားပေးပါတယ်။ရှောက်သီး၊လိမ္မော်သီး၊စပျစ်သီး၊သဘောၤသီး၊ဟင်းနုနွယ်နဲ့ အစိမ်းရောင်ရှိသောအသီးအရွက်တွေမှာ ဗီတာမင်စီပေါကြွယ်ဝစွာပါဝင်ပါတယ်။

အထက်ပါအချက်များကိုရှောင်ကြဉ်/လုပ်ဆောင်ခြင်းအားဖြင့် သံဓါတ်နဲ့ဗီတာမင်ချို့တဲ့ခြင်းကြောင့်ဖြစ်တတ်သော သွေးအားနည်းရောဂါများကိုကာကွယ်ပေးနိုင်ပါကြောင်းရေးသားဖော်ပြလိုက်ရပါတယ်။

dr.ye’lwin mm

MyDoctor Telemedicine Application
Related posts
All ArticlesCovid - 19ကူးစက်တတ်သောရောဂါများအထွေထွေရောဂါများ

Rainy season and COVID19

1 Mins read
မိုးရာသီနဲ့COVID19 မိုးရာသီက Covid19 ကူးစက်ဖို့ရာ လွယ်ကူနိုင်လားဆိုတာကတော့ ပညာရှင်တေ ွစူးစမ်းအဖြေရှာနေ ဆဲဖြစ်ပါတယ် တချို့သုတေသနပြုသူတွေကတော့ စိုထိုင်းစ မြင့်မားတဲ့ရေငွေ့အခြေအနေက ကိုရိုနာဗိုင်းရပ်စ်ပိုးပြန့်နှံ့မှုကိုနှေးကွေးစေတယ်လို့ဆိုကြပေမယ့်လည်း တချို့သော သုတေသနပြုသူတွေကတော့ အခန်းတွင်းအပူချိန်နိမ့်ကျပြီး စိုထိုင်းစမြင့်မားတဲ့အခြေအနေက ဗိုင်းရပ်စ်ပိုး ပျံ့နှ့ံမှုကို ပိုပြီးဖြစ်ပေါ်aစေတယ်လို့ဆိုပါတယ်။ အဲ့ဒီလိုအခြေအနေကနေ ကမ္ဘာ အနှံ့ပြန့်ပွားဖို့ရာလွယ်ကူနိုင်တယ်လို့လည်းအကြံပြုကြပါတယ်…
All Articlesဖိုးဖိုးဖွားဖွား ကျန်းမာရေး

Monsoon season and elderly

1 Mins read
ဘိုးဘိုးဘွားဘွားတို့နဲ့ မုတ်သုံရာသီ မိုးဦးကျကာလရောက်လာခြင်းနဲ့အတူ ဘိုးဘွားမိဘသက်ကြီးရွယ်အိုတွေကိုစောင့်ရှောက်ကူညီဖို့ရာ ပိုပြီးလိုအပ်ကြမှာပါ။ ဒီကာလမှာ ရာသီတုပ်ကွေး၊ ရင်ကြပ်ရောဂါ၊ ဆင်တုပ်ကွေးစတဲ့ ရောဂါဘယများအပြင် ခြေလက်ကိုက်ခဲတာ၊ ဝမ်းလျောတာ၊ အိပ်ချိန်မမှန်တာမျိုးတွေဖြစ်ပေါ်နိုင်ပါတယ်။ ရာသီဥတူအပြောင်းအလဲက ကျန်းမာရေးဆိုင်ရာအပြောင်းအလဲတွေကိုဖြစ်လာနိုင်တာမို့ မဖြစ်ခင်ကကြိုတင်ကာကွယ်နိုင်ဖို့အတွက် ဘိုးဘွားမိဘတွေအတွက်ကျန်းမာရေးနဲ့ပတ်သက်တဲ့ လုပ်ဆောင်သင့်တဲ့(၇)ချက်ကို ပြောပြပေးချင်ပါတယ် ၁။ ပူနွေးသောအစားအစာနှင့်ရေများကို စားသောက်ပေးပါ…
All Articlesစိတ်ကျန်းမာရေးအထွေထွေရောဂါများ

Humans that poison the environment part (2)

1 Mins read
လူမှုအသိုင်းအဝိုင်းကို အဆိပ်အတောက်ဖြစ်စေသော လူစားများ (1)       Narcissistic သူများတွေကို blame ဖို့ သီးသန့် မွေးဖွားလာတဲ့ပုံစံဖြစ်ပါတယ်။ ပတ်ဝန်းကျင်က ဘယ်လောက်ပဲ ဝိုင်းပြောနေပါစေ၊ သူကဘယ်တော့မှ မမှားဘူး။ သူနဲ့ ဖြစ်တဲ့သူရဲ့ အမှားသာဖြစ်တယ်။ Narcissistic type တွေဟာ သူတို့ရဲ့…

Leave a Reply

Your email address will not be published. Required fields are marked *