သန္ဓေသား၏ အသက်နှင့် ရှိသင့်သော ကြီးထွားမှု
“ဝမ်းကြာတိုက်”… ကိုယ်ဝန်ဆောင်မေမေတို့ရဲ့ တဖြည်းဖြည်း ပူလာတဲ့ ဗိုက်လေးထဲမှာ ချစ်စရာ သားသားမီးမီးလေးတွေဟာ တဖြည်းဖြည်း ကြီးထွားလာကြပါတယ်…မိမိမှာ ရင်သွေးလေးကို လွယ်ထားရပြီလို့ သိလိုက်ရတဲ့ ချိန်ကစပြီး လိုအပ်တဲ့ ကိုယ်ဝန်အပ်တာတွေ၊ သားသားလေးလား မီးမီးလေးလား သိချင်ရတာတွေ၊ အဝတ်အစားတွေ ကြိုဝယ်ကြတာတွေနဲ့ မိသားစုရဲ့ ဆည်းလည်းလေးကို စိတ်ကူးပြီး ပျော်မြူးကြပါတယ်….
ဒါကြောင့် မိခင်ရဲ့ သားအိမ်တွင်းမှာ ရင်သွေးလေးရဲ့ ကြီးထွားမှုဟာ ပုံမှန်လား၊ စောလား နောက်ကျလားဆိုတာကို မိမိဘာသာ သိရှိနိုင်မယ့် နည်းလမ်းလေး ပြောပြချင်ပါတယ်…
ဗိုက်ထဲက သန္ဓေသားလေး ကြီးထွားလာတာနဲ့ လိုက်ပြီး သားအိမ်ဟာလည်း လိုက်ပြီး ကြီးထွားလာရပါတယ်…
တိုင်းတာမှုနဲ့ ပတ်သတ်လို့ နည်းလမ်းအမျိုးမျိုးရှိပါတယ်..
– မိခင်ရဲ့ နောက်ဆုံးရာသီလာခဲ့တဲ့ ချိန်မှ စပြီး ယခု ကလေးကြီးထွားမှုကိုယ်ဝန်ဆောင်လ အရေအတွက်ကို တိုင်းတာခြင်း၊
– ပေကြိုးဖြင့် ဗိုက်ကိုတိုင်းပြီး centimeter နှင့် month “လ” တွက်ခြင်း၊
– အလွယ်တကူ သိသာနိုင်သော landmarks ဗိုက်ပေါ် လက်ဖြင့် ထောက်စမ်းခြင်း တွေနဲ့ သိနိုင်ပါတယ်…
ဒါကြောင့် မေမေတို့အတွက် အလွယ်တကူသိနိုင်တဲ့ နည်းလေးကို ပြောပြချင်ပါတယ်…
– အသက် ၁၄ပတ် လောက်မှာ ဆီးခုံအပေါ်လောက် ရောက်နေပါပြီ..
– အသက် ၂၀ ပတ် လောက်မှာ ချက်အောက်ပိုင်းလက်နှစ်လုံးလောက်မှာ ရှိပါမယ်…
– အသက် ၂၄ ပတ် လောက်မှာ ချက်အလည်လောက်မှာ ရှိပါမယ်…
– အသက် ၂၈ ပတ်လောက်မှာ ချက်အထက်ပိုင်း လက်နှစ်လက်လုံးလောက်မှာ ရှိပါမယ်…
အသက် ၃၂ – ၃၆ပတ်လောက်မှာ ရင်ခေါင်းထောက်ပါမယ်
– အသက် ၃၆- ၄၀ လောက်မှာ ရင်ခေါင်းထောက်ပြီးမို့ ကလေးဟာ သားအိမ်ဟာ အောက်ကို အနည်းငယ် ပြန်လျော့လာတတ်တဲ့ သဘောရှိပါတယ်…
ပုံမှန်အားဖြင့် သန္ဓေသားရဲ့ ကြီးထွားမှုကို အထက်ပါနည်းများဖြင့် တိုင်းတာလို့ ရသော်လည်း…
– ပြောခဲ့သလို ကလေး မမွေးဖွားခင် သုံးလေးပတ်လောက်မှာ ကလေးဟာ အောက်သို့ အနည်းငယ် ဆင်းသွားခြင်း
– နောက်ဆုံးရာသီလာခဲ့တဲ့ ပထမရက်ကို သေချာမမှတ်မိတာတွေ
– သန္ဓေသား ကျန်းမာသော်ငြား ပုံမှန်ထက် သေးငယ်ခြင်း
– ရေမွာနည်းခြင်း
– ကလေး လဲှလျောင်းပုံမတူခြင်း
– ကိုယ်ဝန်အပတ် နည်းသေးခြင်း
– ဝမ်းဗိုက်တွင်း သန္ဓေသား ဆက်စပ်ကြီးထွားဖို့ရာ အဟန့်အတားရှိနေခြင်းတွေကြောင့်
တခါတရံမှာ သန္ဓေသားရဲ့ အသက်ဟာ ကိုယ်တွက်တာထက်သေးနေတာ ၊ ရှိသင့်တဲ့ ကြီးထွားမှုထက် အနည်းငယ် နောက်ကျ နေတတ်တာမျိုး တွေ့ရတတ်ပါတယ်..
ဒါ့ပြင် ကိုယ်ထွက်တာထက် ကြီးနေတာ၊ ရှိသင့်တာထက် သေးငယ်နေတာမျိုးတွေကို
– သန္ဓေသားတစ်ယောက်တည်းမဟုတ်ပဲ အမွှာ ဖြစ်နေခြင်း
– ကိုယ်ဝန်စဆောင်တဲ့ ရက် သေချာမမှတ်မိခြင်း
– သန္ဓေသား ကျန်းမာသော်လည်း ပုံမှန်ထက် ကြီးထွားခြင်း
– မိခင်ဟာ ဆီးချိုရောဂါရှိပါက ကလေး ကြီးထွားတတ်ခြင်း
– ရေမွှာများခြင်း
– သန္ဓေခိုင် သန္ဓေသား ဖြစ်နေတတ်ခြင်း
– breech presentation ခေါ် သားအိမ်ဝကို ခေါင်းဖြင့် မဆင်းပဲ တင်ပါးဆုံးဖြင့် ဆင်းခြင်း တွေကြောင့် တွေ့ရတတ်ပါတယ်…
ဒါကြောင့် မိမိရဲ့ ရင်သွေးလေး တနေ့တခြား ကြီးထွားလာပုံမှန်ရဲ့လား မိမိဘာသာ သိရှိနိုင်သလို အနည်းငယ် ပုံမမှန်တာမျိုးတွေ ၊ တခြားသော ကျန်းမာရေးချို့ယွင်းမှုတွေ ရှိပါက ဆေးခန်းပြခြင်း၊ ပုံမှန် ဗိုက်ပြခြင်း၊ လိုအပ်သော ဆေးသောက် ဆေးထိုးခြင်းများ ပြုလုပ်ခြင်းဖြင့်.. မိခင်ရော ကလေးပါ ကျန်းမာစွာနေထိုင်နိုင်မှာ ဖြစ်ပါတယ်….
ကျန်းမာပျော်ရျွင်ပြီး ချစ်စရာကောင်းသော သားသားမီးမီးလေးများ ပိုင်ဆိုင်နိုင်ကြပါစေလို့ တောင်းဆုမေတ္တာပြုလျက်….
ပိုင်နီမောင်
သေႏၶသား၏ အသက္ႏွင့္ ႐ွိသင့္ေသာ ႀကီးထြားမႈ
“ဝမ္းၾကာတိုက္”… ကိုယ္ဝန္ေဆာင္ေမေမတို႔ရဲ႕ တျဖည္းျဖည္း ပူလာတဲ့ ဗိုက္ေလးထဲမွာ ခ်စ္စရာ သားသားမီးမီးေလးေတြဟာ တျဖည္းျဖည္း ႀကီးထြားလာၾကပါတယ္…မိမိမွာ ရင္ေသြးေလးကို လြယ္ထားရၿပီလို႔ သိလိုက္ရတဲ့ ခ်ိန္ကစၿပီး လိုအပ္တဲ့ ကိုယ္ဝန္အပ္တာေတြ၊ သားသားေလးလား မီးမီးေလးလား သိခ်င္ရတာေတြ၊ အဝတ္အစားေတြ ႀကိဳဝယ္ၾကတာေတြနဲ႔ မိသားစုရဲ႕ ဆည္းလည္းေလးကို စိတ္ကူးၿပီး ေပ်ာ္ျမဴးၾကပါတယ္….
ဒါေၾကာင့္ မိခင္ရဲ႕ သားအိမ္တြင္းမွာ ရင္ေသြးေလးရဲ႕ ႀကီးထြားမႈဟာ ပံုမွန္လား၊ ေစာလား ေနာက္က်လားဆိုတာကို မိမိဘာသာ သိ႐ွိႏိုင္မယ့္ နည္းလမ္းေလး ေျပာျပခ်င္ပါတယ္…
ဗိုက္ထဲက သေႏၶသားေလး ႀကီးထြားလာတာနဲ႔ လိုက္ၿပီး သားအိမ္ဟာလည္း လိုက္ၿပီး ႀကီးထြားလာရပါတယ္…
တိုင္းတာမႈနဲ႔ ပတ္သတ္လို႔ နည္းလမ္းအမ်ိဳးမ်ိဳး႐ွိပါတယ္..
– မိခင္ရဲ႕ ေနာက္ဆံုးရာသီလာခဲ့တဲ့ ခ်ိန္မွ စၿပီး ယခု ကေလးႀကီးထြားမႈကိုယ္ဝန္ေဆာင္လ အေရအတြက္ကို တိုင္းတာျခင္း၊
– ေပႀကိဳးျဖင့္ ဗိုက္ကိုတိုင္းၿပီး centimeter ႏွင့္ month “လ” တြက္ျခင္း၊
– အလြယ္တကူ သိသာႏိုင္ေသာ landmarks ဗိုက္ေပၚ လက္ျဖင့္ ေထာက္စမ္းျခင္း ေတြနဲ႔ သိႏိုင္ပါတယ္…
ဒါေၾကာင့္ ေမေမတို႔အတြက္ အလြယ္တကူသိႏိုင္တဲ့ နည္းေလးကို ေျပာျပခ်င္ပါတယ္…
– အသက္ ၁၄ပတ္ ေလာက္မွာ ဆီးခံုအေပၚေလာက္ ေရာက္ေနပါၿပီ..
– အသက္ ၂၀ ပတ္ ေလာက္မွာ ခ်က္ေအာက္ပိုင္းလက္ႏွစ္လံုးေလာက္မွာ ႐ွိပါမယ္…
– အသက္ ၂၄ ပတ္ ေလာက္မွာ ခ်က္အလည္ေလာက္မွာ ႐ွိပါမယ္…
– အသက္ ၂၈ ပတ္ေလာက္မွာ ခ်က္အထက္ပိုင္း လက္ႏွစ္လက္လံုးေလာက္မွာ ႐ွိပါမယ္…
အသက္ ၃၂ – ၃၆ပတ္ေလာက္မွာ ရင္ေခါင္းေထာက္ပါမယ္
– အသက္ ၃၆- ၄၀ ေလာက္မွာ ရင္ေခါင္းေထာက္ၿပီးမို႔ ကေလးဟာ သားအိမ္ဟာ ေအာက္ကို အနည္းငယ္ ျပန္ေလ်ာ့လာတတ္တဲ့ သေဘာ႐ွိပါတယ္…
ပံုမွန္အားျဖင့္ သေႏၶသားရဲ႕ ႀကီးထြားမႈကို အထက္ပါနည္းမ်ားျဖင့္ တိုင္းတာလို႔ ရေသာ္လည္း…
– ေျပာခဲ့သလို ကေလး မေမြးဖြားခင္ သံုးေလးပတ္ေလာက္မွာ ကေလးဟာ ေအာက္သို႔ အနည္းငယ္ ဆင္းသြားျခင္း
– ေနာက္ဆံုးရာသီလာခဲ့တဲ့ ပထမရက္ကို ေသခ်ာမမွတ္မိတာေတြ
– သေႏၶသား က်န္းမာေသာ္ျငား ပံုမွန္ထက္ ေသးငယ္ျခင္း
– ေရမြာနည္းျခင္း
– ကေလး လဲွေလ်ာင္းပံုမတူျခင္း
– ကုိယ္ဝန္အပတ္ နည္းေသးျခင္း
– ဝမ္းဗိုက္တြင္း သေႏၶသား ဆက္စပ္ႀကီးထြားဖို႔ရာ အဟန္႔အတား႐ွိေနျခင္းေတြေၾကာင့္
တခါတရံမွာ သေႏၶသားရဲ႕ အသက္ဟာ ကိုယ္တြက္တာထက္ေသးေနတာ ၊ ႐ွိသင့္တဲ့ ႀကီးထြားမႈထက္ အနည္းငယ္ ေနာက္က် ေနတတ္တာမ်ိဳး ေတြ႔ရတတ္ပါတယ္..
ဒါ့ျပင္ ကုိယ္ထြက္တာထက္ ႀကီးေနတာ၊ ႐ွိသင့္တာထက္ ေသးငယ္ေနတာမ်ိဳးေတြကို
– သေႏၶသားတစ္ေယာက္တည္းမဟုတ္ပဲ အမႊာ ျဖစ္ေနျခင္း
– ကိုယ္ဝန္စေဆာင္တဲ့ ရက္ ေသခ်ာမမွတ္မိျခင္း
– သေႏၶသား က်န္းမာေသာ္လည္း ပုုံမွန္ထက္ ႀကီးထြားျခင္း
– မိခင္ဟာ ဆီးခ်ဳိေရာဂါ႐ွိပါက ကေလး ႀကီးထြားတတ္ျခင္း
– ေရမႊာမ်ားျခင္း
– သေႏၶခိုင္ သေႏၶသား ျဖစ္ေနတတ္ျခင္း
– breech presentation ေခၚ သားအိမ္ဝကို ေခါင္းျဖင့္ မဆင္းပဲ တင္ပါးဆံုးျဖင့္ ဆင္းျခင္း ေတြေၾကာင့္ ေတြ႕ရတတ္ပါတယ္…
ဒါေၾကာင့္ မိမိရဲ႕ ရင္ေသြးေလး တေန႔တျခား ႀကီးထြားလာပံုမွန္ရဲ႕လား မိမိဘာသာ သိ႐ွိႏိုင္သလို အနည္းငယ္ ပံုမမွန္တာမ်ိဳးေတြ ၊ တျခားေသာ က်န္းမာေရးခ်ိဳ႕ယြင္းမႈေတြ ႐ွိပါက ေဆးခန္းျပျခင္း၊ ပံုမွန္ ဗိုက္ျပျခင္း၊ လိုအပ္ေသာ ေဆးေသာက္ ေဆးထိုးျခင္းမ်ား ျပဳလုပ္ျခင္းျဖင့္.. မိခင္ေရာ ကေလးပါ က်န္းမာစြာေနထိုင္ႏိုင္မွာ ျဖစ္ပါတယ္….
က်န္းမာေပ်ာ္႐ြၽင္ျပီး ခ်စ္စရာေကာင္းေသာ သားသားမီးမီးေလးမ်ား ပိုင္ဆိုင္ႏိုင္ၾကပါေစလို႔ ေတာင္းဆုေမတၱာျပဳလ်က္….
ပိုင္နီေမာင္