GBS that expectant mothers should be aware of

မိခင်လောင်းတို့သတိပြုရမယ့် GBS

Group B Strep Awareness Month ကိုတော့ လူတိုင်းသတိပြုမိစေဖို့အတွက်ဇူလိုင်လမှာ သတ်မှတ်ထားပါတယ်။Group B Streptococcus (GBS) ဆိုတာကတော့ ဘက်တီးရီးယားပိုးတစ်မျိုးဖြစ်ပါတယ်။ လူ ၅ ဦးအနက် ၂ ဦး မှာ ဒီပိုးရှိနေတတ်ပါတယ်။

များသောအားဖြင့်တော့ ခန္ဓာကိုယ်တွင်းမှာ သဘာဝတိုင်းသွားလာနေပြီး အန္တရာယ်တစ်စုံတစ်ရာမပေးပေမယ့် ကလေးငယ်များမှာတော့ပိုးကူးစက်မှုပြင်းထန်တတ်ပါတယ်။

ကိုယ်ဝန်ဆောင်အမျိုးသမီးမှတဆင့် မွေးဖွားလာတဲ့ကလေးငယ်ကို ကူးစက်တတ်ပါတယ်။ ဒါကြောင့်ကိုယ်ဝန်ဆောင်အမျိုးသမီးများအနေနဲ့ပိုပြီးတော့ဂရုစိုက်သင့်ပါတယ်။GBS ဘက်တီးရီးယားတွေဟာ များသောအားဖြင့် အူလမ်းကြောင်း၊လိင်အင်္ဂါလမ်းကြောင်း၊ လည်ချောင်းနဲ့ အသက်ရှူလမ်းကြောင်းတွေမှာ တွေ့ရတတ်ပါတယ်။ ကူးစက်ပုံတွေအနေနဲ့တော့ တခြားပိုးတွေလိုပဲ အရေပြားခြင်းထိတွေ့ရာကကူးစက်တတ်ပါတယ်။သွေးမှတဆင့်ကူးစက်မှု၊အရိုးနဲ့ ဆက်သွယ်ထားရာ နေရာတွေမှာ ကူးစက်မှု၊ဦးနှောက်နဲ့ကျောရိုးဖုံးထားတဲ့တစ်ရှူးမှာကူးစက်မှု၊အဆုတ်ဝန်းကျင်မှာကူးစက်မှု၊

အရေပြားနဲ့ပျော့ပြောင်းတဲ့တစ်ရှူးဝန်းကျင်မှာ ကူးစက်မှုဆိုပြီးလည်းရှိပါတယ်။

မွေးကင်းးကလေးတွေမှာကူးစက်ခံရတဲ့အခါဖျားခြင်း၊ ကိုယ်ပူခြင်း၊ နို့မစို့ခြင်း၊ အားနည်းခြင်း၊ အသက်ရှူရခက်ခဲခြင်းနဲ့အရေပြားမှာအပြာရောင်အင်ပြင်လိုဖြစ်ခြင်းတွေဖြစ်နိုင်ပါတယ်။

ရောဂါလက္ခဏာတွေကတော့ကူးစက်တဲ့ အစိတ်အပိုင်းပေါ်မူတည်ပြီးပြသလေ့ရှိပါတယ်။

သွေးစီးဆင်းရာနေရာနဲ့ ခန္ဓာကိုယ်ပိုင်းတွေမှာကူးစက်ရင်တော့ ဖျားခြင်း၊ချမ်းခြင်းနဲ့ နုန်းချိခြင်းတွေဖြစ်တတ်ပါတယ်။

အဆုတ်နေရာမှာကူးစက်ရင်တော့ အအေးမိတုပ်ကွေးလိုမျိုးဖြစ်တတ်ပြီး ဖျားခြင်း၊ ချောင်းဆိုးခြင်း၊ချမ်းတုန်ခြင်း၊အသက်ရှူရခက်ခဲခြင်းနဲ့ရင်ဘတ်အောင့်ခြင်းလိုတွေဖြစ်တတ်ပါတယ်။

အရေပြားနဲ့ပျော့ပြောင်းတဲ့တစ်ရှူးတွေမှာကူးစက်ရင်တော့ အရေပြားနီမြန်းခြင်း၊ကိုက်ခဲနာကြဉ်ခြင်း၊ အရေပြားနွေးနေခြင်းလိုမျိုးတွေခံစားရပါတယ်။အရိုးအဆစ်တွေမှာ ကူးစက်ရင်တော့ ဖျားခြင်း၊ချမ်းတုံခြင်း၊အရိုးအဆစ်တွေယောင်ယမ်းတောင့်တင်းခြင်းတွေကို ခံစားရတတ်ပါတယ်။

ကလေးငယ်တွေအနေနဲ့ ဖွံ့ဖြိုးမှုဆိုင်ရာမသန်စွမ်းမှုများနဲ့ အကြားအာရုံဆုံးရှုံးခြင်းလိုမျိုးပြသနာ တွေဖြစ်လာနိုင်ပါတယ်။

အမေရိကန်ကျန်းမာရေးအဖွဲ့အစည်းCDC မှခန့်မှန်းချက်အရ GBS ရောဂါဖြစ်ပွားသောကလေးငယ်များ၏ ၄ မှ ၆ ရာခိုင်နှုန်းမှာသေဆုံးလေ့ရှိကြပါတယ်။

GBS ဘက်တီးရီးယားပိုးကို မွေးကင်းစကလေးငယ်တွေဆီရောက်ခြင်းကနေကာကွယ်ဖို့နည်းလမ်း တွေအနေနဲ့ တော့ကလေးမွေးဖွားမယ့်မိခင်ကိုပိုးရှိမရှိစစ်ဆေးခြင်းနဲ့ရှိနေပါကလိုအပ်တဲ့ဆေးဝါးသောက်သုံးစေခြင်းတွေပဲဖြစ်ပါတယ်။

ဒေါက်တာနိုင်း (ဆေး-၁)