‘နေ့စဉ်သစ်သီးစားပြီးမှ အလှသရဖူဆောင်းမယ်’

အမျိုးသား၊ အမျိုးသမီးထုကြီးရဲ့ အိတ်ထဲက ငွေတွေကို နှမြောတွန့်တိုခြင်း မရှိပဲသုံး လိုက်ပေမဲ့ ကျေနပ်နေစေတဲ့ အရာကတော့ ကော့စ်မက်တစ်လို့ လူသိများသလို အကြိုက် ဝယ်သုံးလေ့ရှိတဲ့ အလှကုန်ပစ္စည်းတွေပါပဲ။ ဒါတွေသုံးရုံဖြင့်တကယ်ပဲ အသားအရေ တင်းရင်း စိုပြေလှပတောက်ပြောင်ဝင်းပလာတယ်လို့ သင်ယူဆနေရင်တော့ ကျန်းမာရေးစရိတ်တွေ အမှန်တက်လာတော့မှာပဲ ဖြစ်ပါတယ်။ ခေတ်ပေါ်အရေပြားထိန်းသိမ်းရမဲ့ကုန်ပစ္စည်း အမျိုးမျိုး ဆိုတာကလည်း နိုင်ငံတိုင်း နိုင်ငံတိုင်းမှာ တန်နဲ့ချီပြီး လှိမ့်ဝင်နေကြတာမဟုတ်လား။ တုန်နာ၊ မွိုက်ချာရိုက်ဇာ၊ အစိုဓာတ်ထိန်းခရမ်တွေ၊ ခရပ်ခေါ် ကိုယ်ပေါ်က ဂျီးတွေ တိုက်ချွတ်ပေးတဲ့ ဆေးရည်စသည်တို့စုံလင်နေတာပါ။ အသက် ၄၀ ကျော်ပြီဆိုတာနဲ့ ကိုယ့်ကိုကိုယ်နုပျိုတယ် အထင်ခံရအောင် ရှေ့မှာပြောခဲ့တဲ့ အလှကုန်အမျိုးမျိုးကို အဆုံးမဲ့ရွေးချယ်ဝယ်ယူအားပေးကြ တာကတော့ အမျိုးသမီးတွေချည်းမထင်ပါနဲ့ အမျိုးသားတွေက ၆၀% တောင် ကျော်ပါသတဲ့။

သို့သော် သင့်အရေပြားကို ကျန်းမာနုပျိုစေပြီး ဝင်းပလင်းလက်နေအောင် တကယ် အထောက်အကူပေးနိုင်တဲ့ သဘာ၀ အစားအစာတွေကိုတော့ လူတွေမေ့လျော့နေ တတ်ပါ တယ်။ သန့်ရှင်းလတ်ဆတ်တဲ့ အစားအစာတွေ ဟင်းသီးဟင်းရွက်နဲ့ သစ်သီးတွေက (သင့်အသားအရေကို) အာဟာရဓာတ်တွေဖြစ်တဲ့ ဗီတာမင်တွေနဲ့ သတ္တုဓာတ်ဆားတွေ အ အပြင် အင်တီအောက်စီးဒင့်တွေကြွယ်ဝစွာပါဝင်လို့ (သင့်အသားအရေကို) ကျန်းမာစိုလတ် တောင့်တောင့်တင်းတင်းရင်းရင်း ဖြစ်စေမှာ အမှန်ဖြစ်တာမို့ သင့်ကျန်းမာရေးကို ထိခိုက်စေ မဲ့ Junk Foods ခေါ်အမှိုက် သရိုက်လို ဒုက္ခပေးစေတဲ့ အစားအစာတွေ စားမဲ့အစား နေ့စဉ် မှန်မှန် သစ်သီးလတ်လတ်ဆတ်ဆတ်များကို ရေစင်စင်ဆေးကြောပြီး ၃၊ ၄ မျိုးစားပေးသင့် ပါတယ်။ သင်ရွေးချယ်စားသောက်သင့်တဲ့ သစ်သီးတွေကတော့ ဈေးမှာ ရာသီစာအဖြစ် အတွေ့ များတဲ့ သစ်သီးတွေမို့ ဈေးချိုချိုနဲ့ ဝယ်စားနို်င်ပါတယ်။

၁။ စတော်ဘယ်ရီသီးများ

စတော်ဘယ်ရီသီးထဲက ထူးခြားတဲ့ အရေးကြီးသော အလှကုန်သုံးပစ္စည်းတစ်မျိုး(အလှ ကုန်ထဲမှာ မပါမဖြစ်သုံးရတဲ့) AHA ခေါ် အယ်လ်ဖာဟိုက်ဒရောက်ဆိုင်း အက်စစ်ကြွယ်ဝစွာ ပါဝင်ပါတယ်။ AHA ဆိုတာ ဆယ်လီစလစ်အက်စက်အဖြစ် လူသိများသလို ဝက်ခြံကုသမှုမှာ အထူးအရေးပါလှတယ်။ AHA ဟာ အရေပြားထဲက ချွေးပေါက်လေးတွေထဲ အထိဝင်ကာ မမကောင်းတဲ့ အညစ်တွေ ဖုန်တွေ အဆီတွေကို ရှင်းထုတ်ပစ်နိုင်တယ်။ ဒါ့ကြောင့် ဆားဝက်ခြံ ဆင်ဝက်ခြံတွေ မဖြစ်ပွားအောင် စတော်ဘယ်ရီက ကူညီပေးတယ်။ ဗီတာမင် (ကြွယ်ဝတာ ကြောင့်လည်း ဝက်ခြံညှစ်မိလို့ မသန့်ရှင်းတဲ့လက်က ပိုးအတွယ်ခံရရင်တောင် အရောင် အရမ်း မဆိုးသွားအောင် ဟန့်ပေးနိုင်ပါတယ်။ ဒီပြင်အင်တီအောက်စီးဒင့်အီလက်ဂျစ် အက်စစ် ပါဝင်လို့ အရေပြားထဲက ကိုလေဂျစ်အမျှင်ထိခိုက်ပျက်စီးခြင်းကို ကာကွယ်ပေးတဲ့အတွက် ခရမ်းလွန်ရောင်ခြည်ကြောင့် ထိခိုက်ခြင်းကိုလည်း ကာကွယ်ပေးပါတယ်။

၂။ နာနတ်သီးများ

နွေမှာ နာနတ်သီးရော စတော်ဘယ်ရီသီးတွေပါ ရာသီစာမို့ လှိုင်လှိုင်ပေါတတ်ပါတယ်။ တင်ရတာလွယ်ကူပြီး အခွံပါသင်ပေးလိုက်တဲ့ ဈေးသည်တွေရှိလို့ အထူး တလည်လုပ်စရာ မလို စားလိုက်ရုံပါပဲ။ နာနတ်သီးမှာ ဘရိုမယ်လိန်းခေါ် သဘာ၀ အရောင်အရမ်းလျော့ကျ စေတဲ့ အင်ဇိုင်းတစ်မျိုးပါဝင်လို့ ကျန်းမာရေးအထူးအကျိုးရှိစေတယ်။ အသားအရေ တင်မက အစာကြွေလွယ် ဝမ်းမှန်လို့အစာအိမ်အူလမ်းကြောင်း ရောဂါတွေအထူးလျှော့ချနည်းပါးစေနိုင် ပါတယ်။ ဒီ အင်ဇိုင်းဟာ အရေပြားပေါ်က ခြောက်သွေ့နေတဲ့ အလွှာတွေ ကွာကျစေလို့ ၎င်း အလွှာအောက်ထဲက စိုလက်နေတဲ့ အရေပြားကို ဖြူဝင်းလက်လာစေပါတယ်။ ဝမ်းချုပ် သူတွေ အတွက် ဝမ်းမှန်ဝမ်းပျော့ပျော့သွားနိုင်အောင် ကူညီတယ်။

၃ ။ ဇီးသီးများ

မြန်မာနိုင်ငံမှာ ဇီးသီးပေါ်ချိန် ဆောင်းရာသီမှာ သင်ကြိုက်တဲ့ဇီးသီးအမျိုးအစား စိတ် ကြိုက်စားပါ။ ပြီးရင် ဇီးသီးအမှည့်ကို အခြောက်လှမ်းပြီး ယိုထိုးစားလေ့ရှိတယ်။ ဇီးယိုကတော့ မြန်မာမလေးတွေစိတ်ကြိုက်ပါ။ ဇီးသီးမှာ အမျှင်ဓာတ်မြင့်မားတယ်။ ဇီးသီးအရွယ်တော် တစ်လုံးမှာ အမျှင်ဓာတ် ၈ ဂရမ်တောင်ပါပါတယ်။ ပန်းသီးတစ်လုံးထက် အမျှင်ဓာတ် ၈ ဆခန့် ဇီးသီးမှာ ပိုပါဝင်လို့ အထူးစားသင့်တယ်။ အမျှင်ဓာတ်ဆိုတာ အားလုံးသိတဲ့အတိုင်း ဝမ်းမှန် စေခြင်း၊ အစာခြေလမ်းကြောင်းမှန်မှန်လှုပ်ရှားစေခြင်းကြောင့် အဆိပ်အတောက်တွေ ဗိုက်ထဲ မအောင်းစေတော့ပါ။

၄။ သလဲသီးများ

မြန်မာနိုင်ငံအထက်ပိုင်း နေအိမ်တွေမှာသလဲပင်တွေ စိုက်ပျိုးလေ့ရှိတယ်။ အများအား ဖြင့် အိန္ဒိိယနဲ့ တရုတ်က သလဲသီးတွေတင်သွင်းလေ့ရှိတယ်။ သလဲသီးအစေ့ကြိတ် အရည်ညှစ်ပြီး ဖျော်ရည်ဟာလူကြိုတ်များတယ်။ အသားအရေစိုလတ်လှပစေတယ်။ မျက်စိ အားကောင်းတယ်။ အသီးထဲမှာ အင်တီအောက်စီးဒင့်ပါဝင်မှုမြင့်မားလို့ king of antioxidant- rich fruits အင်တီအောက်စီးဒင့်ကြွယ်ဝတဲ့ သစ်သီးဘုရင်ကြီးလို့တောင် တင်စားနေကြပါပြီ။

၅။ သင်္ဘောသီးများ

သင်္ဘောသီးအနှစ်တွေကို အရေပြားအလှကုန် စက်ရုံတွေမှာ ကျယ်ကျယ်ပြန့်ပြန့်သုံးနေကြပြီ ဖြစ်တယ်။ အထူးသဖြင့် facial peel (ဖေရှယ်ပီး) ၊ ဆပ်ပြာ soap၊ ကလင်ဇာသန့်စင်ဆေး နဲ့ လိုရှင်းထုတ်လုပ်ရာမှာ အကြီးအကျယ် အသံးပြုထုတ်လုပ်ကြတယ်။ ပြီးတော့ ဈေးကြီးကြီးနဲ့ ရောင်းတာပေါ့။ လွယ်ကူရိုးရှင်းစွာပဲ သင်္ဘောသီးမှန်မှန် စားလိုက်ရုံနဲ့ သင့်အသားအရေ လှပလာနိုင်ပါတယ်။ ဈေးကြီးပေးဝယ်စရာမလိုပါ။ မျက်နှာအပေါ်ကလပ်စည်းအသစ်တွေ ထပ်ထွက်ရန်ကူညီပါသည်။

၆။ သံပုရာသီးများ

သဘာ၀ အရေပြားချေးချွတ်ပေးနိုင်တာကတော့ သံပုရာသီးများပါ။ သံပုရာသီးလှီးပြီး အခွံလေးနဲ့ သင်ခေးျချွှတ်ချင်တဲ့နေရာတွေ ပွတ်တိုက်လိုက်ပါ။ အရေပြားက မွေးညှင်းပေါက် တွေ အခိုးပွင့်လာမှာ ဖြစ်သလို အဆီတွေနဲ့ မွေးညှင်းပေါက်ပိတ်နေတာကိုလည်း ရှင်းပစ်နိုင် ပါတယ်။ အသားအရေလှပစေရန် ပျားရည်နဲ့ သံပုရာသီးညှစ်သောက်ခြင်းကို အိပ်ရာထစ အချိန်ဝမ်းဗိုက်ထဲ အစာမရှိချိန်မှာ စ၍ သောက်ပါတဲ့။ ဒီလိုသောက်ခြင်းဖြင့် မျက်နှာပေါ်က အမဲစက်တွေ ပါးမို့မို့ပေါ်က အစက်အပြောက်တွေနဲ့ ဝက်ခြံတွေ နည်းပါးအောင် လုပ်ပေး နိုင်ပါတယ်။

၉။ ထောပတ်သီးများ

ထောပတ်သီး ဆိုတာ မြန်မာနိုင်ငံမှာ ရာသီစာပါပဲ။ ဈေးလည်း တခြားနိုင်ငံတွေထက်တော့ သက်သာတယ်လို့ ပြောနိုင်ပါသေးတယ်။ ကမ္ဘာ့နိုင်ငံကြီးတွေရဲ့ စူပါစာရင်းထဲ သူပါဝင်တယ်။ အာဟာရဓာတ်ကြွယ်ဝပြီး ရေပန်းစားလှတဲ့အသီးပါ။ ထောပတ်သီးထဲမှာ ဘိုင်အိုတင်လို့ ခေါ် တဲ့ ဗီတာမင် B တစ်မျိုးပါဝင်ပြီး ကလပ်စည်းတွေရဲ့ ကြီးထွားဖွံ့ဖြိုးမှုနဲ့ ပြန်လည်အသစ်ထုတ် စေအောင် အားပေးတယ်။ ဒိပြင် ဗီတာမင် E ကြွယ်ဝတော့ အသားအရေလှစေတာ မဆန်းပါ ဘူး။ သဘာဝအားဖြင့်လည်း အိုမီဂါ (၃) ဖက်တီးအက်စစ် အဆီဓာတ်ကြွယ်ဝတော့ သွေးတွင်း ကိုလက်စထရော အဆီကျစေပြန်တာမို့ ထောပတ်သီးစားသုံးရန် မနှောင်နှေးသင့်ပါ။ နုပျိုလှပ အရွယ်တင် နှလုံးရောဂါ မဖြစ်အောင် ထောပတ်သီး စားကြပါစို့။သက်သက်လွတ် မရောနီးစ်တစ်မျိုးလို့ ဆိုနိုင်ပါသေးတယ်။

၁၀။ ပန်းသီးများ

ပန်းသီးဆိုတာ မြန်မာနိုင်ငံမှာ တစ်နှစ်ပတ်လုံး ဝယ်စားနိုင်ပါတယ်။ ၎င်းတွင် မယ်လစ်အက်စစ်နဲ့ AHA ကြွယ်ဝစွာပါဝင်ပါတယ်။ AHA မယ်လစ်အက်စစ်ကို အလှကုန် များမှာတွင်ကျယ်စွာသုံးနေကြပါပြီ။ ဝက်ခြံအတွက် ဆယ်လီဆယ်လီအက်စစ်နဲ့ ဂလိုင်ကိုလစ် အက်စစ်လိုပဲ ပန်းသီးစားခြင်းဖြင့် အရေပြား အဆရာဝန်ထံ သွားစရာမလိုဘူးလို့ဆိုတာ်။

ပန်းသီးမှာ အမျှင်ဓာတ်ကြွယ်ဝလို့ ဝမ်းမှန်စေပြီး ဝက်ခြံကင်းမဲ့တဲ့ အသားအရေ စိုစိုဝင်းဝင်း လေးရရှိစေနိုင်ပါသတဲ့။

ကဲ … သင်တို့ကောဖော်ပြခဲ့တဲ့ (ရာသီစာ) သစ်သီးတွေ နေ့စဉ်ပါအောင် စားဖြစ် ကြရဲ့လား။ ယခုသိရှိသွားပြီမို့ ယနေ့မှစ၍ နေ့စဉ်မှန်မှန် ဤသစ်သီးတွေစားပေးခြင်း အားဖြင့် ကော့စ်မက်တစ် အလှကုန်တွေကြောင့် ငွေကြေးအကုန်အကျများမဲ့အစား သင့်အသားအရေ နုပျိုစိုပြေလက်လက်လာအောင် လုပ်ဆောင်ပေးနိုင်ပါကြောင်း သတင်းကောင်းပါးလိုက်ပါရ စေ။

ဒေါက်တာရည်ညွန်မေ

Related posts
စားသောက်မှုပုံစံအခြားရောဂါများ

ဓာတ်မတည့်ခြင်းကို ဖြစ်စေနိုင်သော အစားအစာ များ

1 Mins read
အမျိုးမျိုးသော အစားအစာ များဟာ အချို့သူတွေမှာ ဓာတ်မတည့်မှုဖြစ်စေနိုင်တဲ့ အလားအလာရှိပါတယ်။ အချို့ သောအစားအစာများတွင်ပါရှိသော ပရိုတင်းဓာတ်များကို ကိုယ်ခံအားစနစ်က ပုံမှန်မဟုတ်စွာ တုံ့ပြန်တဲ့အခါ အစားအစာနှင့် ဓာတ်မတည့်မှု ဖြစ်ပေါ်တတ်ပါတယ်။ အဖြစ်များတဲ့ ဓာတ်မတည့်ခြင်းရဲ့ လက္ခဏာများ – ပါးစပ် တစ်ဝိုက် ယားယံခြင်း၊…
စားသောက်မှုပုံစံသွေးတိုးနှင့်နှလုံးရောဂါအထွေထွေရောဂါများအလှအပနှင့်နေထိုင်စားသောက်မှုပုံစံအသည်းအားဆေးများ

အရက် ဘယ်လောက်သောက်သောက် မမူးတဲ့သူတွေမှာ ဝှက်ဖဲရှိနေလား ?

1 Mins read
လူတွေက အရက် ကိုခံနိုင်ရည်ရှိတယ် (သို့) အရက်ဘယ်လောက်သောက်သောက် မမူးဘူးဆိုရင် ကောင်းတဲ့အရာ ဆိုပြီး မကြာခဏတွေးတတ်ကြပါတယ်။ လူငယ်လူရွယ်တွေမှာဆိုရင်လည်း အဲ့လိုလူကို များများပိုသောက်ဖို့ အားပေးတတ်ကြပြီး ဘယ်လောက်သောက်သောက် မမူးတဲ့အတွက်လည်း ချီးမွမ်းတတ်ကြပါတယ်။ အရက်ကို ဘယ်လောက်သောက်သောက် မမူးတဲ့သူတွေဟာ သူများတွေထက်ယှဉ်ရင် အရက်ကို ပမာဏများများ…
စားသောက်မှုပုံစံသွေးတိုးနှင့်နှလုံးရောဂါအလှအပနှင့်နေထိုင်စားသောက်မှုပုံစံ

သရက်သီးဆားရေစိမ် ရဲ့ ကောင်းကျိုး၊ ဆိုးကျိုး

1 Mins read
သရက်သီးဆားရေစိမ် ဟာ ထမင်းမြိန်စေတဲ့ မြန်မာ့ရိုးရာ တို့စရာတစ်မျိုးပါ။ ဒါပေမယ့် သရက်သီးစဆားရေစိမ်စားခြင်းဟာတကယ်ပဲကျန်မာရေးနဲ့ညီညွတ်သလား ? အကျိုးကျေးဇူးတွေရောရှိနေမလားဆိုတာလေ့လာကြည့်လိုက်ရအောင် သရက်သီးဆားရေစိမ်ဟာ Probiotics ကြွယ်ဝတဲ့စားစရာတစ်မျိုးပါ။ ဒါကြောင့်သရက်သီးဆားရေစိမ်ကိုစားချင်းအားဖြင့် ဝမ်းချုပ်ခြင်းကင်းကာ ဝမ်းမှန်စေပြီး အစာအိမ်နှင့်အူလမ်းကြောင်းအတွက်များစွာအကျိုးကျေးဇူးရှိပါတယ်။ သရက်သီးဆားရေစိမ် ဟာ ဗီတာမင် C နှင့် Antioxidant…

Leave a Reply

Your email address will not be published. Required fields are marked *