“အစာအိမ်ရောင်သောအခါဝယ် “
အစာအိမ်ရောင်ခြင်းဆိုသည်မှာလည်း အစားအစာကြောင့်၊ဆေးအချို့ကြောင့်၊အရက်ဘီယာကြောင့်၊အစာအချိန်မှန်မစားခြင်းကြောင်း၊အစားအစာ မသန့်ခြင်းကြောင့်….စသဖြင့် အကြောင်းရင်းများစွာကို အကြောင်းပြုပြီး လူအတော်များများမှာ ဖြစ်တတ်တဲ့ အခြေအနေတစ်မျိုးပါ။”အသွားမတော်တစ်လှမ်း၊ အစားမတော်တစ်လုပ် “ဆိုသလိုပဲ အစာအိမ်ရောင်နေတဲ့အခါမျိုးမှာ မစားသင့်တဲ့အစာတွေ စားမိမယ်ဆိုပါက အစာအိမ်ရောင်ခြင်းပိုဆိုးနိုင်ပါတယ်။ဒါကြောင့် အစာအိမ်ရောင်နေတဲ့အချိန်မျိုးမှာ ဆောင်ရန် ရှောင်ရန်အစားအစာလေးတွေ ဖော်ပြပေးလိုက်ပါတယ်။
အသာအိမ်ရောင်ခြင်းရဲ့လက္ခာတွေကို သက်သာစေမယ့် စားသင့်တဲ့အစားအစာများကတော့
-အမျှင်ဓာတ်ကြွယ်ဝတဲ့အစားအစာများ (ပန်းသီး၊ပန်းဂေါ်ဖီစိမ်း၊မုန်လာဥနီ၊ပဲ)
-အဆီပါဝင်မှုနည်းသောအသားအစာများ (ငါး၊ ကြက်သား)
-ဟင်းသီးဟင်းရွက်များ
-အစာအိမ်နဲ့အူလမ်းကြောင်းအကျိုးပြု သက်စောင့်ပိုးများပါဝင်သော အစားအစာများ (ဒိန်ချဉ်၊ကင်မ်ချီ)….စတာတွေပဲဖြစ်ပါတယ်။
ဒါဆိုဘာတွေရှောင်ရမလဲ?
-ကော်ဖီ၊လက်ဖက်ရည်၊ရေနွေးကြမ်း
-အရက်၊ဘီယာ
-ချဉ်လွန်းသောအသီးအနှံများ
-အချိုရည်ဘူးများ
-သစ်သီးဖျော်ရည်များ
-စပ်လွန်းချဉ်လွန်းသော အစားအစာများ
-အဆီများသောအစားအစာများ
-ဆီကြော်မုန့်များ၊အသင့်စားအစားအစာများ…စတာတွေ ပါဝင်ပါတယ်။
အဆိုပါအစားအစာတွေကတော့ အစာအိမ်ရောင်ခြင်းကို ပိုဆိုးစေနိုင်လို့ အစာအိမ်ရောင်နေတဲ့အချိန်မှာရော….ကောင်းသွားပြီးနောက်ထပ် ၂ပတ်လောက်ထိ ရှောင်ရှားသင့်ပါတယ်။
မေ (ဆေး ၂)
Ref: healthline