ဘယ်လိုလေးလှချင်တာလဲ?

သင့်မျက်နှာပေါင်းမတင်မီ ပထမဆုံးစဉ်းစားသင့်တာကတော့ ” သင်ဘယ်လိုမျိုးလှချင်တာလဲ ” ဆိုတဲ့အချက်ပါ။

မျက်နှာဖြူဝင်းချင်တာလား? အရေးအကြောင်းတွေလျော့ပါးပြီးအသားအရည်တင်းရင်းချင်တာလား? အစက်အပြောက်တွေကင်းရှင်းချင်တာလား?….စသဖြင့်….ကိုယ်လိုချင်တဲ့ အာနိသင်ပေါ်မူတည်ပြီး ဘယ်လိုအသီးအနှံသုံးရမလဲဆိုတာ ကွဲပြားတာမို့ တစ်ခုချင်းစီ သေချာပြောပြပေးမယ်….အဆုံးထိဖတ်ပေးနော်….

ဘယ်လိုအသားအရည်မျိုးပဲဖြစ်ဖြစ် ပေါင်းတင်တော့မယ်ဆိုရင် အရင်ဆုံးလုပ်ရမှာက

မိတ်ကပ်ဖျက်ပါ
မိမိနှစ်သက်ရာ မျက်နှာသစ်ဆေးတစ်မျိုးမျိုးနဲ့ ရေခပ်နွေးနွေးကို အသုံးပြုပြီး မျက်နှာကိုစင်ကြယ်စွာဆေးကြောပါ။
(1)သင်ကအဆီပြန်တဲ့အသားအရည်မို့ အဆီပြန်တာကိုထိန်းသိမ်းချင်တာလား?

-> ဒါဆိုရင်တော့ လွယ်ပါတယ်။

ခရမ်းချဉ်သီးအမှည့်တစ်လုံးကို အရည်ညှစ်ပြီး မျက်နှာပေါ်သုတ်လိမ်းထားလိုက်ရုံပါပဲ။

ခရမ်းချဉ်သီးအစေ့ကိုလည်း တကူးတကဖယ်စရာမလိုပါဘူး။

ထို့နောက် ၁၅မိနစ် -မိနစ် ၂၀ အကြာမှာ မျက်နှာကို ရိုးရိုးရေနဲ့ပြန်သစ်လိုက်ရုံပါပဲ။

ခရမ်းချဉ်သီးအစေ့လေးတွေက မျက်နှာပြန်သစ်တဲ့အခါမှာ မျက်နှာပေါ်မှာရှိတဲ့ ဆဲလ်အသေတွေကို scrub လုပ်သလို ဖယ်ရှားပေးမှာပဲဖြစ်ပါတယ်။

(2)ခြောက်သွေ့ပြီးကြမ်းတမ်းတဲ့အသားအရည်မို့ စိုစိုနုနုလေးဖြစ်ချင်တာလား?

->အားလုံးသိကြတဲ့အတိုင်း ခြောက်သွေ့တဲ့အသားအရည်အတွက် ဆိုရင် သခွားသီးထက်ကောင်းတာမရှိတော့ဘူးနော်။

လွယ်လည်းလွယ်တယ်လေ။

သခွားသီးတစ်လုံးကို အသီးခြစ်တဲ့ကိရိယာလေးနဲ့ခြစ်၊ အရည်ညှစ်၊ ရလာတဲ့အရည်ရော၊အဖတ်ကိုရော မျက်နှာပေါ်မှာလိမ်းထားပါ။

ပြီးရင် သခွားသီးအကွင်းလေး ၂ကွင်းလှီးပြီး မျက်လုံးပေါ်မှာကပ်။

15မိနစ် – မိနစ် ၂၀ လောက်နေရင် မျက်နှာသုတ်ပုဝါကို ရေနွေးလေးနဲ့စိမ်၊ရေညှစ်၊ပြီးရင် မျက်နှာကို ထိုရေနွေးဝတ်လေးနဲ့သုတ်ပြီး သန့်စင်လိုက်ပါ။

သခွားသီးက ရေဓာတ်ဖြည့်တင်းပေးလို့ မျက်နှာလေးက စိုစိုလေးနဲ့ ဝင်းပလာတဲ့အပြင်…ရေနွေးဝတ်လေးနဲ့ မျက်နှာသစ်လိုက်ရတော့ မျက်နှာမှာ သွေးလှည့်ပတ်မှုကောင်းပြီး အကြောလည်းပြေ…နေလို့လည်းကောင်းပေါ့….

(3)ဝက်ခြံတွေကို စပျစ်သီးနဲ့အနိုင်ယူမယ်
မျက်နှာပေါ်ကဝက်ခြံတွေ သိသိသာသာသက်သာစေချင်ရင်တော့ စပျစ်သီးလေးတွေကို ချေပြီး ရလာတဲ့အရည်ရော အဖတ်ရောကို မျက်နှာပေါ်မှာ ခြောက်သွားတဲ့အထိလိမ်းထားနော်။

အရည်တွေခြောက်သွားပြီဆိုတော့မှ ရေနဲ့ဆေးချလိုက်ရင် တစ်ခဏ အတွင်း သိသာတဲ့ရလဒ်ကိုရမှာပါလို့….

(4)မျက်နှာအသားအရည် ညိုညစ်ညစ်ကြီးဖြစ်နေပြီလား ?

သင်္ဘောသီးမှည့်လေးကို အရည်ညှစ်ပြီး အရည်ရောအဖတ်ကိုရော မျက်နှာပေါ်မိနစ် ၂၀ခန့် လိမ်းပြီး နှိပ်နယ်ပေးပါ။ပြီးရင် ရေအေးလေးနဲ့မျက်နှာသစ်ချလိုက်ပါ….

မိနစ် ၂၀ အတွင်းမှာတင် ညိုညစ်ညစ်အသားအရည်ကြီးအစား ဝင်းပတဲ့အသားအရည်လေးအဖြစ်ပြောင်းသွားမှာပါ။

(5)Baby Face လေးလို နူးညံ့ချင်တယ်လား?

ကလေးငယ်လေးတွေရဲ့အသားအရည်လို နူးညံ့ဝင်းပချင်တယ်ဆိုရင် တော့….ပန်းသီးလေးက ကူညီပေးပါရစေတဲ့…

ပန်းသီး ၅စိတ် ၆စိတ်လောက်ကို ကြိတ်၊ ပြီးရင် ရလာတဲ့ ပန်းသီးအရည်ရယ်၊အနှစ်ဖတ်လေးတွေရယ်ကို ပျားရည် လက်ဖက်ရည်ဇွန်းတစ်ဇွန်းခန့်နဲ့ရောမွှေ၊ မျက်နှာပေါ်သုတ်လိမ်းထား၊ ၁၅မိနစ်ခန့်ကြာလို့ ရေအေးလေးနဲ့မျက်နှာသစ်ချလိုက်ရင်တော့ နူးညံ့အိစက်တဲ့ Baby Skin ပိုင်ရှင်လေး ဖြစ်ပြီပေါ့!

* ဘယ် mask အမျိုးအစားမဆို မျက်နှာကို နောက်ဆုံး ရေနဲ့ မသစ်ခင်မှာ မျက်နှာကိုအသာအယာနှိပ်နယ်ပေးပြီး သေချာပွတ်ပေးပါ။

ဒီလိုလုပ်ခြင်းအားဖြင့် သစ်သီးထဲက ဗီတာမင်ဓာတ်တွေ၊ဓာတ်တိုးဆန့်ကျင်ပစ္စည်း (Antioxidants)တွေဟာ အရေပြားထဲ ကောင်းစွာစိမ့်ဝင်စေနိုင်ပြီး မျက်နှာရဲ့သွေးလည်ပတ်မှုလည်းကောင်းစေပါတယ်။

အသာအယာပွတ်တိုက်ခြင်းအားဖြင့် မျက်နှာပေါ်မှာရှိတဲ့ ဆဲလ်အသေတွေကိုလည်း ဖယ်ရှားပေးနိုင်ပါတယ်။*

အားလုံးပြီးလို့ မျက်နှာသစ်ပြီးသွားရင်တော့ မျက်နှာကို ပုဝါနဲ့ အသာအယာရေသုတ်ပြီး ရေဓာတ်ဖြည့်တင်းပေးတဲ့ moisturizer တစ်ခုခုလိမ်းထားလိုက်ပါနော်။
တစ်ပတ်တစ်ခါပုံမှန် သဘာဝသစ်သီးတွေနဲ့ မျက်နှာပေါင်းတင်ပေးခြင်းဟာ အံ့မခန်းတဲ့ပျိုုမျစ်လှပမှုတွေကို သင့်ထံဆောင်ကျဉ်းလာပေးမှာပဲ ဖြစ်ပါတယ်နော်…..

(အသားအရည်ဖြူဝင်းစေဖို့၊ အရေးအကြောင်းကင်း တင်းရင်းစေဖို့ ဘယ်လိုသစ်သီးတွေကိုအသုံးပြုပြီး ပေါင်းတင်ကြမလဲဆိုတာကို နောက်ဆောင်းပါးတစ်ပုဒ်ပြင်ဆင်နေတာမို့လို့ စောင့်မျှော်ဖတ်ရှုပေးကြပါဦးနော်)

ဒေါက်တာဝင်း(UM 2)

Related posts
စားသောက်မှုပုံစံအလှအပနှင့်နေထိုင်စားသောက်မှုပုံစံ

ခုခံအားအမြန်ဆုံးတက်စေမယ့် အစားအသောက်(၁၀)မျိုး - Resistance Foods

1 Mins read
ခန္ဓာကိုယ်ရဲ့ ကိုယ်ခံအားစနစ် ကို အမြန်ဆုံးပြန်လည်မြှင့်တင်ပေးနိုင်မယ့် အစားအသောက်များ (Resistance Foods) တွေကတော့… (1)ကြက်သွန်ဖြူ ကြက်သွန်ဖြူမှာပါဝင်တဲ့ Allicin ဆိုတဲ့ဒြပ်ပေါင်းဟာ ကူးစက်ရောဂါများနဲ့ ဘက်တီးရီးယားအချို့ကိုတိုက်ဖျက်နိုင်ပါတယ်။ (2)ချင်း ချင်းမှာပါဝင်တဲ့ Gingerol လို့ခေါ်တဲ့ဒြပ်ပေါင်းကတော့ ရောင်ရမ်းမှုကိုသက်သာစေပြီး ဓာတ်တိုးဆန့်ကျင်ဂုဏ်သတ္တိများပါဝင်ပါတယ်။ (3)ချဉ်သောအသီး Vitamin…
ကျန်းမာရေး( အ )စားသောက်မှုပုံစံအလှအပနှင့်နေထိုင်စားသောက်မှုပုံစံ

နေ့စဉ်ရက်ဆက်အရက်သောက်ခြင်း - Drinking Alcohol Everyday

1 Mins read
အရက် ( Alcohol )ကို နေ့စဉ်သောက်ခြင်းဟာ စိတ်ပိုင်းဆိုင်ရာနှင့် ရုပ်ပိုင်းဆိုင်ရာ ကျန်းမာရေးကို ရေတိုမှာရော၊ ရေရှည်မှာပါ ဆိုးရွားစွာ ထိခိုက်စေနိုင်ပါတယ်။ အရက်ဟာ ခန္ဓာကိုယ်အပေါ် ရှုပ်ထွေးသောအကျိုးသက်ရောက်မှုများရှိပြီး နှလုံး၊ ကျောက်ကပ်၊ အစာအိမ်နှင့် အူလမ်းကြောင်း၊ သွေးကြောစနစ်နှင့် အသည်းကဲ့သို့သော အင်္ဂါများနှင့်…
ကျန်းမာရေး( က-အ )စားသောက်မှုပုံစံအလှအပနှင့်နေထိုင်စားသောက်မှုပုံစံ

ထမင်းများများစားခြင်း (Excessive Carbohydrate Intake)

1 Mins read
ထမင်းနဲ့ဟင်းဆိုတာ မြန်မာလူမျိုးတိုင်းရဲ့ အဓိကအစားအစာတစ်မျိုးဖြစ်ပါတယ်။ ဒါပေမယ့် ထမင်းကိုအဓိကထားစားကြတာများပါတယ်။ ဒီလိုထမင်းကိုသာအဓိကထား စားကြတဲ့အတွက် ကျန်းမာရေးရှုထောင့်အရ ကောင်းကျိုးများလည်းရှိသလို ဆိုကျိုးများကိုလည်းသိထားသင့်ပါတယ်။ ကောင်းကျိုးများကတော့… (၁) လိုအပ်သောကာဗိုဟိုက်ဒရိတ်အတွက် ကောင်းမွန်သာအစားအစာ ထမင်းဟာ ကာဗွန်ဟိုက်ဒရိတ်ကြွယ်ဝစွာပါဝင်ပြီး ခန္ဓာကိုယ်အတွက် မရှိမဖြစ်လိုအပ်တဲ့စွမ်းအင်ကိုထောက်ပံ့ပေးပါတယ်။ (၂)အဆီပါဝင်မှုနည်းပါးခြင်း ထမင်းရဲ့သဘာဝကိုက အဆီပါဝင်မှုနည်းတဲ့အတွက် အဆီများတဲ့အစားအစာများကို…