ကိုယ်ဝန်ဆောင်ကာလအတွင်း စိတ်အပြောင်းအလဲများ

အမျိုးသမီးအများစုအတွက်ကိုယ်ဝန်ဆောင်ကာလအတွင်း စိတ်အပြောင်းအလဲဟာ မြန်ဆန်လေ့ရှိပါတယ် ။ဒီလိုစိတ်ခံစားမှု တစ်ခုကနေ တစ်ခု အလျင်အမြန်ပြောင်းလဲနေခြင်းဟာ စိတ်ပိုတိုစေ စိတ်ပိုပင်ပန်းစေရုံသာမက ဘာလို့ဖြစ်ရလဲ ဘာလို့ဒီလိုခံစားရလဲဆိုတာတွေဟာ အဖြေရှာရ ခက်ခဲတတ်ပါတယ် ။

ဘာကြောင့်ဖြစ်ရသလဲ ?

ပထမဆုံး သင့်ကိုယ်သင် ပြောရမှာက ဒါဟာ ရှက်စရာ ကိုယ့်ကိုယ်ကို အပြစ်တင်စရာမဟုတ်ဘူးဆိုတာပါပဲ ။ ကိုယ်ဝန်ဆောင်ကာလအတွင်း ဒီလိုစိတ်အတက်အကျမြန်တာ စိတ်အပြောင်းအလဲမြန်တာတွေဟာ မျှော်လင့်ထားရမယ့်အရာတွေပါ ။ ဒီလို ကိုယ်ဝန်ဆောင်ကာလအတွင်း စိတ်အပြောင်းအလဲဖြစ်စေတဲ့အချက်တွေဟာ အပြင်ကရော အတွင်းကပါ လာတာပါ ။ ဒါကြောင့် ဒီလို စိတ်ခံစားလွယ်နေတာ စိတ်အလိုမကျတာတွေဟာ ပုံမှန်ဖြစ်ရိုးဖြစ်စဉ်ပါပဲ ။

(၁) ဟော်မုန်း

ကိုယ်ဝန်ဆောင်ကာလအတွင်းမှ သင့်ခန္ဓာကိုယ်ရဲ့ ဟော်မုန်းထုတ်လုပ်မှုဟာ ပုံမှန်ထက်များပြားနေတတ်ပြီး အထူးသဖြင့် estrogen နဲ့ progesterone လို့ခေါ်တဲ့ဟော်မုန်းတွေပါ ။ သင့်ကိုယ်ဝန်အချိန်ကာလ သင့်ခန္ဓာကိုယ်အပေါ်မူတည်ပြီး ဘယ်လောက်ထိများပြားလဲဆိုတာ ကွဲပြားနိုင်ပါတယ် ။ ဒီဟော်မုန်းတွေဟာ သင့်ရဲ့ စိတ်ခံစားမှုတွေနဲ့သင့်ဦးနှောက်ရဲ့လိုက်လံထိန်းကြောင်းပေးနိုင်မှုကို အများကြီး သက်ရောက်နေပါတယ် ။ ဒါကြောင့် ဒီလိုဖြစ်စဉ်တွေဟာ ပုံမှန်လို့ပြောဆိုနိုင်ပြီး အလွန်အမင်းပြင်းထန်တဲ့စိတ်အနေအထား တွေဖြစ်လာမှသာ ပူပန်သင့်ပါတယ် ။

(၂) စိတ်ဖိစီးခြင်း

အကြောင်းပြချက်များစွာနဲ့ပဲ ကိုယ်ဝန်ဆောင်ခြင်းဖြစ်စဉ်ဟာ စိတ်ဖိစီးမှုအပေးနိုင်ဆုံး အခြေအနေတစ်ခုပါပဲ ။ မိသားစုဘဝတစ်ခု စတင်ရတော့မယ့် အိပ်မက်တွေပျော်ရွှင်မှုတွေနဲ့အတူ ဒီကိုယ်ဝန်ကတဆင့်ပြောင်းလဲမှုတွေကိုလဲ တွေးပူရတော့မှာပါ ။ ကိုယ်ဝန်ဆောင်စဉ်ကာလအတွင်း ၊ မွေးဖွားရန် နေရာ ၊ ပြင်ဆင်ရန် ဆရာဝန်အပ်ရန်များ ၊ ငွေကြေးအထောက်အပံ့များ ၊ အကူအညီများ ၊ အလုပ်အကိုင်ဆိုင်ရာများ ၊ အစရှိသဖြင့် စဉ်းစားရန် များပြားလာပါတယ် ။ ဒီလိုကိစ္စတွေကနေတဆင့် စိတ်ဖိစီးမှုမြင့်တက်လာတာနဲ့အတူ ဘယ်လိုစိတ်တွေကိုဖြေလျော့ရမလဲဆိုတာ မသိဆိုတာမျိုးတွေဖြစ်လာပါတယ် ။

(၃)ခန္ဓာကိုယ်ပြောင်းလဲခြင်းဖြစ်စဉ်

တချို့မိခင်တွေဟာ တခြားသူတွေနဲ့မတူဘဲ ခန္ဓာကိုယ်မှပြောင်းလဲမှုတွေကို ပိုမိုခံစားရပါတယ် ။ နေရထိုင်ရ မအီမသာဖြစ်တာ ၊ မူးဝေအော့အန်တာ ၊ ကိုက်ခဲတာ ၊ မောပန်းနွယ်းနယ်တာ ၊ အိပ်ရေးပျက်တာ ၊ အိပ်မရတာ အစရှိသည်တို့ကို ပိုမိုခံစားရပါတယ် ။ ဒီလိုအကြောင်းရင်းတွေကြောင့် စိတ်ဖိစီးမှုတွေ ဟော်မုန်းမြင့်တက်မှုတွေ ဖြစ်ပေါ်လာပြီး စိတ်အပြောင်းအလဲတွေဖြစ်ပေါ်စိတ်အတက်အကျတွေဖြစ်လာရပါတယ် ။

ဘယ်လိုသက်သာအောင်လုပ်မလဲ ?

ဒီလိုစိတ်ပြောင်းလဲခြင်းဆိုင်ရာ ဖြစ်စဉ်တွေကို သင်ကိုယ်တိုင်ထိန်းညှိနိုင်မယ့် နည်းလမ်းတွေအများကြီးရှိပါတယ် ။

* ကိုယ့်ကိုယ်ကို ဂရုစိုက်ခြင်း – သင့်ခန္ဓာကိုယ်နဲ့စိတ်ကို အမြဲဘာတွေလိုအပ်နေလဲ နားစွင့်ပြီး သတိထားပါ ။ ရေနွေးလေးနဲ့ ရေချိုးချင်ပါသလား ထချိုးလိုက်ပါ ။ တစ်ယောက်တည်း စာဖတ်ပြီး သက်တောင့်သက်သာနေလိုပါသလား အချိန်မရရအောင် ယူပါ

* အိပ်ပါ- အနည်းဆုံး ၈ နာရီခန့် အိပ်ရေးဝဝအိပ်လိုက်ခြင်းဟာ သင့်ခန္ဓာကိုယ်အတွင်း အံ့ဩစရာပြောင်းလဲမှုအမြောက်အများကိုဖြစ်စေမှာပါ ။ အမြဲလိုလိုမဟုတ်တောင် အိပ်ချိန်ကိုလုံလုံရရှိစေဖို့ အမြဲကြိုးစားပါ

* အစားအသောက် – အိပ်စက်ခြင်းသကဲ့သို့အရေးကြီးသည့်အရာမှာ အဟာရပါပဲ ။ အထူးသဖြင့် ကိုယ်စားချင်တဲ့အစားအစာတွေကို စားသောက်လိုက်ရတဲ့အခါ လူတွေမှာ စိတ်ကျေနပ်နှစ်သိမ့်မှုကိုခံစားရလေ့ရှိပါတယ် ။ ဒါကြောင့် ကျန်းမာရေးနဲ့ညီညွတ်တဲ့သဘာဝအစားအစာတွေကိုများများစားပေးခြင်းဟာ ခန္ဓာကိုယ်အတွက်ရော စိတ်ပိုင်းဆိုင်ရာအတွက်ပါ အများကြီး အထောက်အကူပြုပါတယ် ။

* အကူအညီများ – သင့်ပတ်ဝန်းကျင်မှာ အားပေးဖော် မိသားစုတွေ သူငယ်ချင်းတွေ ရှိနေခြင်းဟာလဲ သင့်အတွက်ကောင်းမွန်ပါတယ် ။ ဒါ့အပြင်ကိုယ်ဝန်ဆောင်များ အဖွဲ့တွေ အကြံပေးရေးအဖွဲ့တွေနဲ့တွေ့ဆုံခြင်း တစ်ဦးနှင့်တစ်ဦး အပြန်အလှန်အားပေးခြင်းတွေဟာလဲ စိတ်ကို တည်ငြိမ်ပြီး ပျော်ရွှင်စေပါတယ် ။

ကိုယ်ဝန်ဆောင်ကာလဟာ ပြန်မရတဲ့ အလှပဆုံးအချိန်ကာလလေးပါ ။ ဒါပေမယ့် သင့်အနေနဲ့ ဖြစ်လာမယ့်အပြောင်းအလဲတွေအတွက် အမြဲ ပြင်ဆင်ထားသင့်ပါတယ် ။ ဒီလိုစိတ်အပြောင်းအလဲမြန်တာ စိတ်တို စိတ်ဆိုးလွယ်တာ စိတ်ကျတာ အစရှိတဲ့စိတ်အပြောင်းအလဲတွေဟာ ပုံမှန်ဖြစ်ရိုးဖြစ်စဉ်ဖြစ်ပြီး သင့်အနေနဲ့ ဒါကို စိတ်ဆင်းရဲစရာမလိုပါဘူး ။ သင့်အနေနဲ့ မှန်ကန်တဲ့နည်းလမ်းတွေနဲ့ တုန့်ပြန်နိုင်ပါတယ် ။

အားလုံးကျန်းမာကြပါစေ

ဒေါက်ပီ

Related posts
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

မေမေတို့အတွက် အမြွှာပူး ရနိုင်သောအခြေအနေများ

1 Mins read
အမြွှာဖြစ်ရခြင်းဟာ မျိုးရိုးဗီဇ၊ ဟော်မုန်းဓာတ်နှင့် ပတ်ဝန်းကျင်ဆိုင်ရာအချက်များ ပေါင်းစပ်လွှမ်းမိုးထားတာ ဖြစ်ပြီး အမြွှာကလေးရစေမယ့် အာမခံချက် သို့မဟုတ် အမြွှာရဖို့ ထိန်းချုပ်နိုင်သော အရာဆိုပြီး မရှိပါဘူး။ အမြွှာပူး ဖြစ်နိုင်ခြေကို တိုးစေနိုင်တဲ့ အကြောင်းရင်းအချို့ရှိပေမယ့် အမြွှာရဖို့ သေချာစေတဲ့ နည်းလမ်း မရှိဘူး ဆိုတာ…
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
ကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Why do doctors ask for an ultrasound during pregnancy?

1 Mins read
ကိုယ်ဝန်ဆောင်တဲ့အချိန်မှာ အာလ်ထရာဆောင်းရိုက်ခိုင်းတာ ဘာကြောင့်လဲ ❓ ~~~~~~~~~ သင်ဟာ ကိုယ်ဝန်ဆောင်တစ်ယောက်ဆိုရင်…. သင့်ကိုယ်ဝန်ကို စောင့်ရှောက်ပေးတဲ့ သားဖွားမီးယပ်အထူးကု သို့မဟုတ် ဆရာဝန် ဆရာမက…. သင့်ကို အာလ်ထရာဆောင်းရိုက်ခိုင်းပါလိမ့်မယ်… ဒါကဘာအတွက်လဲ…. အာလ်ထရာဆောင်းရိုက်တာက ဘာတွေအကျိုးရှိသလဲ ဆိုရင် 👉(1) သင့်ဗိုက်ထဲက ကလေးငယ်ဟာ…