mydoctor-top-telemedicine

All Articlesမျိုးဆက်ပွားကျန်းမာရေး

“ဓမ္မတာနဲ့ ချစ်ခြင်း”

1 Mins read

“ဓမ္မတာနဲ့ ချစ်ခြင်း”

“တနေ့ ပင်လယ်ရေတွေ ခမ်းတဲ့ တနေ့ … နေရောင်ခြည်တွေ မလင်းတဲ့ တနေ့ ..”

ဒီလိုပဲ မိန်းမသား တစ်ယောက်ရဲ့ လစဉ်ဓမ္မတာ လာခြင်းဟာ သွေးသား ကုန်ဆုံးတဲ့ ချိန် .. အသက် ငါးဆယ် တစ်ဝိုက်ထိ ပုံမှန် ဖြစ်နေမှာပါပဲ.. ဒါပေမယ့် ဒီလိုဓမ္မတာလာခြင်းကြောင့် ချစ်ခြင်းကို အဟန့်အတားလို့ သတ်မှတ်နေမယ်ဆိုရင်တော့ ” ဦးညီထွဋ်” သီချင်းလိုပဲ အချိန်အခါကို စောင့်နေရမှာပဲ ဖြစ်ပါတယ်…

သို့သော် တခါတလေမှာ အချိန်အခါကို မစောင့်ပဲနဲ့ ပြုလုပ်လိုက်တဲ့အရာလေးတွေကြောင့် အကျိုးကျေးဇူးလေးတွေ ခံစားလိုက်ကတဲ့ အခါလေးတွေ ရှိပါတယ်… ဒါကတော့ မိန်းမသားတစ်ယောက် ရာသီသွေးဆင်းနေချိန်၊ ဓမ္မတာ လာချိန်မှာ ကြင်သူနှစ်ဦး ကာမဆက်ဆံခြင်းပါပဲ.. ဒီခေတ်အဆိုရတော့ မီးနီ ဖြတ်ခြင်းပေါ့…

ဒီလိုချိန်မှာ ကာမဆက်ဆံတာကို တချို့အနေနဲ့ ညစ်ပတ်မယ်၊ မသန့်ရှင်းဖူး၊ စိတ်ထဲ မသတီတာလိုမျိုး ခံစားရေုာင်း ခံစားရပါလိမ့်မယ်.. သို့ပေမယ့် ကိုယ့်ကျန်းမာရေးအတွက် အကျိုးများလား ဆုတ်ယုတ်လားဆိုတာတွေ သိရှိပြီးရင်တော့ မိမိကိုယ်တိုင် စဉ်းစားချင့်ချိန်နိုင်မှာမို့ ” ဓမ္မတာ လာစဉ်အတွင်း ကာမဆက်ဆံခြင်း အကြောင်း”ကို ပြောပြချင်ပါတယ်…

– မိန်းမသားတွေအနေနဲ့ ဓမ္မတာလာခါနီးအချိန်နဲ့ လာနေစဉ်အတွင်းမှာ ကိုက်ခဲတာတွေ ခံစားရတတ်ပါတယ်…အကိုက်အခဲပျောက်ဆေးတွေ သောက်ရပြီး မပျောက်တာတို့၊နာကျင်မှု ဆက်ရှိနေတာမျိုးတို့ ဖြစ်နေဆဲပါ.. ဒီလိုချိန်မှာ မိမိကြင်ဖက်နဲ့ ဆက်ဆံပြီး ဆန္ဒပြီးမြောက်သွားတဲ့အခါမှ ခန္ဓာကိုယ်က ထုတ်တဲ့ oxytocin နဲ့ dopamine ဟော်မုန်းတွေဟာလည်း အကိုက်အခဲကို အမှန်တကယ် ပျောက်စေနိုင်ပါတယ်…

– ဒါပြင် ဓမ္မတာလာချိန်မှာ မိမိကိုယ်ကို အလိုမကျတာ၊တစ်ပါးသူကို စိတ်တိုနေတာ၊ စိတ်ဆန်တာတွေ ဖြစ်တတ်ပါတယ်.. ဒီလိုအချိန်မှာ ကာမဆက်ဆံပြီး ဆန္ဒပြီးမြောက်ခြင်းဟာ စိတ်ရှုပ်ထွေးတာတွေကို သက်သာစေပါတယ်…

– နာကျင်ကိုက်ခဲတာတွေ၊ လစဉ်သုံး ပစ္စည်းတွေကြောင့် ညဘက် အိပ်မရတဲ့ အခါမျိုးတွေမှာလဲ ဒီလို ဆန္ဒပြီးမြောက်ခြင်းကြေင့် ထွက်လာတဲ့ ဟော်မုန်းတွေဟာ အိပ်စက်ခြင်းကို အထောက်အကူပြုနိုင်ကြောင်း လေ့လာတွေ့ရှိချက်များအရ သိရပါတယ်…

– ပြောခဲ့သလို ဓမ္မတာ လာစဉ်မှာ ကာမဆက်ဆံခြင်းဟာ ညစ်ညမ်းလို့ ထင်ကောင်းထင်ကြပါမယ်.. သို့သော် ဒီလိုအချိန်မှာ ရာသီသွေးဟာ natural lubricant (ချောဆီ) အဖြစ် စွမ်းဆောင်ပေးတဲ့အခါမှာ ခါတိုင်း ဆက်ဆံတာထက် အဆင်ပြေချောမွေ့သလို ခံစားရပါမယ်.. မိမိရဲ့ လိင်စိတ်ဟာ မိမိထင်ထားတာထက် ထက်သန်နေတာကို တွေ့ရပါလိမ့်မယ်…ဒါပြင် ဟော်မုန်းတွေပိုမိုထုတ်လွှတ်ပေးတာကြောင့် စိတ်ပျော်ရွှင်မှုကို ခံစားရပါလိမ့်မယ်…

– နာကျင်ကိုက်ခဲနေရတဲ့ ခံစားမှုတွေ၊စိတ်အားငယ်တာတွေ၊အလိုမကျတာတွေခံစားနေရတဲ့အချိန်မှာ မိမိနဲ့ အမျိုးသားဟာ နီးစပ်နေတယိ.. တစ်ယောက်နဲ့တစ်ယောက် နားလည်နေကြတယ်ဆိုတဲ့ အတွေးလေးဟာ မိမိတို့ရဲ့ relationship ကို ပိုမိုခိုင်မြဲစေပါတယ်..

– မိမိနဲ့အမျိုးသားဟာ သားသမီးမယူသေးပါက ဒီလိုဆကိဆံချိန်မှာတော့ အကာအကွယ်ကိုအသုံးပြုသင့်ပါတယ်.. ရာသီသွေးဆင်းနေချိန်မှာလဲ ကိုယ်ဝန်ရသွားတတ်ပါတယ်…

– အိပ်ယာခင်းတွေ မစွန်းထင်းစေဖို့ရာ ရေစိုခံအခင်းသက်သက် အသုံးပြုတာမျိုး၊ ရေချိုးခန်းတွင်း ဆက်ဆံတာမျိုး ပြုလုပ်နိုင်ပါတယ်…

– မိမိဟာ tampon အသုံးပြုပါက ထိုပစ္စည်းသုံးနေလျက် မဆက်ဆံသင့်ပါ.. သို့မဟုတ်ပါက အမျိုးသား၏လိင်အင်္ဂါကြောင့် ဖြစ်စေ ထိုပစ္စည်းကြောင့် ဖြစ်စေ ပိုမိုနာကျင်ရတတ်ပါတယ်.. ဒါကြောင့် tampon ကို ဖယ်ရှားသင့်ပါတယ်..

– ဆက်ဆံနေစဉ် အရမ်းနာကျင်တာမျိုးဖြစ်လာပါက အမျိုးသားအား manual (လက်ဖြင့်) ၊ oral (ပါးစပ်ဖြင့်) စိတ်ကျေနပ်တာမျိုးပြုလုပ်နေသလို.. အမျိုးသမီးအား လက်ဖြင့် ပြုလုပ်ပေးတာ၊ နမ်းရှုပ်ပွေ့ဖက်တာမျိုး…တကိုယ်ရည် အာသာဖြေတာမျိုးလဲ ပြုလုပ်နိုင်ပါတယ်…

စိတ်ချမ်းသာ ကိုယ်ကျန်းမာပြီး သာယာလှပတဲ့ relationship တစ်ခု တည်ဆောက်နိုင်ကြပါစေလို့ တောင်းဆုမေတ္တာပြုလျက်….
ပိုင်နီမေ

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံမျိုးဆက်ပွားကျန်းမာရေးမိခင်နှင့်ကလေးကျန်းမာရေး

Fertilization (သန္ဓေအောင်ခြင်း)

1 Mins read
သန္ဓေ အောင်ခြင်းဆိုတာ အမျိုးသားရဲ့ သုတ်ပိုးက မမျိုးဥကို ဝင်တိုးပြီး နှစ်ခုပေါင်း ဆဲလ်တစ်ခု သားအိမ်မှာ သန္ဓေတည်ဖို့ဖြစ်သွားတာကို ဆိုလိုတာပါ။ ကျွန်တော်တို့ အကုန်လုံးဟာ ဘဝကို အဲ့ဆဲလ် တစ်လုံးကနေ စခဲ့ကျတာပါ။ မမျိုးဥကြွေခြင်းနဲ့ သူတို့ရဲ့ ရာသီစက်ဝန်း ဘယ်လို လည်ပတ်လဲ…
မျိုးဆက်ပွားကျန်းမာရေးအမျိုးသမီး ကျန်းမာရေး

သားမွေးပြွန်ထည့်ကွင်း

1 Mins read
စက်ဝိုင်းပုံသဏ္ဍာန် ရာဘာကွင်းလေး တစ်ကွင်းက သန္ဓေတားနိုင်စွမ်းရှိတာကို သိကြလား။ ကိုယ်ဝန်ကို ဘယ်လိုတားပေးတာလဲ။ ဒီကွင်းလေးဟာ မဟော်မုန်းတွေပါဝင်ပြီး တစ်စိမ့်စိမ့်ထွက်ရှိပေးတဲ့အတွက် သားဥကြွေခြင်းကို တားပေးတယ်။ ကွင်းထည့်ထားတဲ့ တစ်ဝိုက်မှာလည်း ချွဲမြှေးတွေ ထူစေပြီး သုတ်ပိုးများ သားအိမ်အတွင်း ဝင်ရောက်ခြင်းကို တားမြစ်ပေးပြီး ကိုယ်ဝန်မရအောင် တားပေးပါတယ်။…