တစ်ခါခွဲမွေးပြီးရင် နောက်တစ်ခါ ရိုးရိုးမွေးလို့မရတော့ဘူးလား?

ကိုယ်ဝန်နောက်တစ်ကြိမ် ရှိလာသလို သင့်နောက်ဆုံးကလေး မွေးစဉ်ကလဲ ဗိုက်ခွဲမွေးထားခဲ့ပြီး ဒီတကြိမ်မှာ ရိုးရိုးမွေးရင် အဆင်ပြေမလားဆို သင်သိချင်မိမှာပါ ။ ဒီလို ဗိုက်ခွဲမွေးပြီး ရိုးရိုးပြန်မွေးတာဟာ အမျိုးသမီး အများအပြားအတွက်ဖြစ်နိုင်သော်လည်း သင့်အတွက် ဖြစ်နိုင်မဖြစ်နိုင်အချက်အလက်များပေါ်မူတည်ပြီး သင့်လျော်ခြင်းရှိမရှိ ဆရာဝန်မှ ဆုံးဖြတ်ပေးနိုင်မှာပါ ။

လုံခြုံစိတ်ချရမှုဟာ သင်နဲ့သင့်ကလေးအတွက် အဓိက စဉ်းစားရမယ့်အရာပါပဲ ။ ဒီလိုဗိုက်ခွဲပြီး ရိုးရိုးပြန်မီးဖွားတယ်ဆိုတာ လူတိုင်းအတွက် မလုံခြုံနိုင်ပါဘူး ။

ဆရာဝန်နှင့် မတိုင်ပင်ဘဲ ဒီလို မွေးဖို့ကြိုးစားတာဟာလဲ အန္တရာယ် အရမ်းကြီးမားလွန်းပါတယ် ။ သင်တင်မက သင့်ရင်သွေးကိုပါ အသက်အန္တရာယ်အပါအဝင် နောက်ဆက်တွဲ အန္တရာယ် အများအပြား ပေးနိုင်ပါတယ် ။ ဒါကြောင့် သင့်အနေနဲ့ သင့်ဆရာဝန်နဲ့ သေချာတိုင်ပင်ဆွေးနွေးဖို့ အလွန်တရာအရေးကြီးပါတယ် ။

သင့်ကျန်းမာရေး အခြေအနေ ?

သင်နှင့်သင့်ဆရာဝန်မှ ရိုးရိုးပြန်မွေးတော့မည်ဟု စဉ်းစားပြီးလျှင် သင်ရော သင့်ကလေးရော ကျန်းကျန်းမာမာ ရှိရန် လိုအပ်ပါတယ် ။ အမြွှာပူးဖြစ်နေလျှင်တောင်မှ သင်ရော သင့်ကလေးတွေရော ကျန်းကျန်းမာမာ ရှိနေကြောင်း သင့်ဆရာဝန်မှ ပြောကြားပါက သင့်အနေနဲ့ ရိုးရိုးမီးဖွားဖို့ ကြိုးစားနိုင်ပါတယ် ။

သင့်ဆရာဝန်အနေနဲ့ သင့်ကို ခွဲစိတ်ပြီး နောက်တစ်ကြိမ်မှာ ရိုးရိုးမွေးသင့်မသင့် အောက်ပါအတိုင်း အန္တရာယ်ရှိသော အချက်အလက်များပေါ်မူတည်ပြီး ဆုံးဖြတ်ပေးမှာဖြစ်ပါတယ် ။

* အဝလွန်ခြင်း ( သင့် BMI အညွှန်းကိန်းသည် ၃၀ ထက်ကျော်လွန်နေခြင်း )
* ကိုယ်ဝန်ကာလအတွင်း သွေးတိုးခြင်း
* အသက်အရွယ်ကြီးခြင်း
* ခွဲမွေးခြင်းသည် လွန်ခဲ့သော ၁၉ လ က ဖြစ်ခြင်း
* ကလေး အလွန်ကြီးခြင်း

ယခင်ခွဲစိတ်ဖူးသည့် ချုပ်ရိုး အမာရွတ် အနေအထား ?

နောက်ထပ် အဓိက စဉ်းစားရမယ့် အရာတစ်ခုကတော့ သင်ယခင်မွေးစဉ်အခါက ဘယ်လိုခွဲစိတ်မှုမျိုး အနေအထားနဲ့ ခွဲမွေးခဲ့သလဲဆိုတာပါပဲ ။

ဆရာဝန်များအနေနဲ့ ဗိုက်နဲ့ သားအိမ်ကို ခွဲမွေးရာမှာ ဦးတည်ရာ နှစ်မျိုးနဲ့ ခွဲပါတယ်

* အပေါ်အောက် ဒေါင်လိုက် ခွဲမွေးခြင်း
* တစ်ဖက်မှတစ်ဖက်သို့ ကန့်လန့်ဖြတ် ခွဲမွေးခြင်း

တကယ်လို့ သင့်အနေနဲ့ အပေါ်အောက် ဒေါင်လိုက်ခွဲပြီး မွေးထားတယ်ဆိုပါက နောက်တစ်ခါရိုးရိုးမွေးရန် မဖြစ်နိုင်တော့ပါ ။ ဘာကြောင့်လဲ ဆိုတော့ သင့်အနေနဲ့ အနာချုပ်ရိုးပွင့်သွားပြီး စုတ်ပြဲနိုင်တဲ့အလားအလာ အရမ်းများတဲ့အတွက်ဖြစ်ပါတယ် ။

သင့်အနေနဲ့ ကန့်လန့်ဖြတ် ခွဲမွေးခဲ့မယ်ဆိုရင်တော့ တခြားအချက်များပေါ်မူတည်ပြီး သင့်ဆရာဝန်မှ ခွင့်ပြုပေးချင် ပေးနိုင်ပါတယ် ။

ဆေးရုံရွေးချယ်မှု ?

သင့်အနေနဲ့ ယခုလို ခွဲစိတ်ပြီး တစ်ဖန် ရိုးရိုးမွေးမည်ဆိုပါက သင့်ဆရာဝန်ကို သင်တက်မည့် ဆေးရုံတွင် ယခုကဲ့သို့မွေးဖွားခြင်းကို ခွင့်ပြုမပြု မေးမြန်းရန် လိုအပ်ပါတယ် ။ ဆေးရုံတိုင်း အဆင်မပြေပါဘူး ။

သင့်အနေနဲ့ ယခင် ချုပ်ရိုးဟောင်း ကွဲထွက်နိုင်ခြေအမြဲရှိနေသည့်အတွက် အရေးပေါ်အခြေအနေဖြစ်ပေါ်လာပါက ကြိုတင်ပြင်ဆင်ထားမှုရှိသည့် ဆေးရုံဖြစ်ရန် လိုအပ်ပါတယ် ။

အားလုံးကျန်းမာကြပါစေ

ဒေါက်ပီ

MyDoctor Telemedicine Application
Related posts
All Articlesစိတ်ကျန်းမာရေးအထွေထွေရောဂါများ

Schizophrenia

1 Mins read
စိတ်ကစဉ့်ကလျားရောဂါ ( schizophrenia) သင်ဟာ ဆေးပညာအသိုုင်းအဝိုင်းနဲ့ နီးတဲ့သူတစ်ယောက်ဆို ကြားဖူးပါလိမ့်မယ်၊ အတိုကောက်အနေနဲ့ စကစ် (schip) လို့ခေါ်ကြတယ်၊ မသိတော့ (skip) လိုလို အထင်မှားကြတယ်။ မှားလဲ မှားစရာပါ၊ ခံစားနေရတဲ့သူတွေ ကလဲ ပတ်ဝန်းကျင်နဲ့ သဟဇာတမဖြစ်ပဲ ပယ်ထားခံရသူတွေများပါတယ်။…
All Articlesအခြားရောဂါများ

ရာသီတုပ်ကွေးအဖြစ်များတတ်တဲ့ ဆောင်းအခါသမယ...

1 Mins read
ရာသီတုပ်ကွေးအဖြစ်များတတ်တဲ့ ဆောင်းအခါသမယ… ရာသီတုပ်ကွေးရောဂါပိုးဆိုတာ အသက်ရှူလမ်းကြောင်းဆိုင်ရာ ဗိုင်းရပ်စ်ပိုးတစ်မျိုးဝင်တဲ့ရောဂါပါ။ ကိုယ်ခံအားသာကောင်းရင် သူ့ဟာသူ ပြန်ကောင်းသွားနိုင်ပေမယ့် ပြန်သာမကောင်းခဲ့ဘူးဆိုရင် ပန်းနာပြန်ထတာ၊ အဆုတ်ရောင် ရောဂါ၊ အဆုတ်လေပြွန်ရောင်တာ၊ နားပိုးဝင်တာ၊ နှလုံးပြဿနာတွေနဲ့ အသက်ရှုရခက်တာတွေပါဖြစ်လာတတ်ပါတယ်။ ဒီရာသီတုပ်ကွေးရောဂါဟာ…. အသက်အရမ်းငယ်လွန်း၊ ကြီးလွန်းတဲ့အခါ အသက် ၁၉ နှစ်အောက်တည်းကစပြီး…
All Articlesဆီးချိုရောဂါဖိုးဖိုးဖွားဖွား ကျန်းမာရေး

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ

1 Mins read
ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ ❗ ဆီးချိုရောဂါဟာ အချိန်ကြာလာတဲ့အခါ သေချာသာမထိန်းနိုင်ဘူးဆိုရင် နှလုံး၊ကျောက်ကပ်၊ အာရုံကြောတွေသာမက မျက်လုံးကိုပါထိခိုက်လာနိုင်ပါတယ်။ မျက်လုံးမှာ ရေတိမ်၊ အတွင်းတိမ်ဖြစ်ရာကနေ တဆင့် နောက်ဆုံး မျက်စိအမြင်အာရုံဆုံးရှုံးသွားတဲ့ထိတောင်ဖြစ်နိုင်ပါတယ်။ အတွင်းတိမ်ဖြစ်တဲ့အခါ စစချင်းမှာ အမြင်အာရုံကိုနှောင့်ယှက်တာမျိုးမရှိပေမယ့် ကြာလာတဲ့အခါ အမြင်ဝါးလာတာမျိုး…

Leave a Reply

Your email address will not be published. Required fields are marked *