တစ်လတစ်ခါ ကိုက်ခဲတဲ့ ပြသနာကို ပေါ့ပေါ့လေး သဘောထားသင့်လား?
ရာသီလာချိန်ပထမ ၂ရက်၊ ၃ရက်မှာ ဗိုကိအောက်ပိုင်းနေရာကိုက်ခဲခြင်းကို မိန်းကလေးအများစုခံစားရလေ့ရှိပါတယ်။
ဒါဟာ ရာသီလာစဉ်သားအိမ်ကျုံ့ခြင်းကြောင့် သားအိမ်ဆီသွေးမရောက်တဲ့ ခဏမှာ နာကျင်ခြင်းခံစားရတတ်တဲ့ ^^သဘာဝ^^ရာသီလာကိုက်ခဲခြင်း( Primary dysmenorrhoea) ဖြစ်နိုင်သလိုရောဂါတစ်ခုခု ကြောင့်နောက်ဆက်တွဲကိုက်ခဲခြင်း(Secondary dysmenorrhoea)မျိုးလည်းဖြစ်နိုင်ပါတယ်။
ရာသီလာလျှင် ကိုက်ခဲခြင်းနောက်ကွယ်မှာ
- သားအိမ်တွင်း အသားလုံးတည်နေခြင်း
- သားအိမ်တွင်း ပိုးဝင်ယောင်ယမ်းခြင်း
- သားအိမ် တစ်ရူးအခြားနေရာရောက်နေခြင်း
- သားအိမ်ခေါင်းအလွန်ကျဉ်းနေခြင်းတိူ့ ရှိနေတတ်ပါတယ်။
အများအားဖြင့် ရောဂါကြောင့် ကိုက်ခဲခြင်းများသည် အလွန်ပြင်းထန်ပြီး အစားအသောက်ပျက်ခြင်း၊ အန်ခြင်းတို့နှင့်ပါတွဲနေတတ်ပါသည်။
အထက်ဖော်ပြပါ ပြသနာတွေနဲ့ တွဲပြီးဖြစ်မဖြစ် သိဖို့ဆိုတာ
- ကွန်ပြူတာဓာတ်မှန်( Ultrasound) ရိုက်ကြည့်ခြင်း
- ဆရာဝန်မှ မိန်းမကိုယ် စမ်းသပ်စစ်ဆေးမှုပြုပေးခြင်း တို့နှင့်သာ အတိအကျ ခွဲခြားသိနိုင်ပါတယ်။
တကယ်လို့ ကိုက်ခဲခြင်းဟာ ^^သဘာဝရာသီကိုက်ခဲခြင်း^^ သေချာပြီဆိုရင်တော့ သက်သာမယ့် နည်းလမ်းလေးတွေရှိပါတယ်။
- အတတ်နိုင်ဆုံးအနားယူပါ။
- ဗိုက်အောက်ပိုင်းကို သွေးလည်ပတ်မှုကောင်းအောင် အသာအယာနှိပ်နယ်ပေးပါ။
- ပြင်းထန်လျှင် ဆရာဝန်နဲ့တိုက်ပင်ပြီး အကိုက်အခဲပျောက်ဆေးသောက်ပါ။
- ရေနွေးအိတ်ကပ်ပါ။
- အရက်၊ ကော်ဖီရှောင်ကြည်ပါ။
ပြင်းထန်သောကိုက်ခဲမှုများတွင်မူ ဆရာဝန်မှ သန္တေတားဆေးကဲ့သို့ ဟော်မုန်းဆေးပေး၍ ရာသီလာကိုက်ခဲခြင်းကိုသက်သာအောင် ညွှန်ကြားပေးတတ်ပါတယ်။
ခုဆို တစ်လတစ်ခါ ကိုက်ခဲတာဟာလည်း မပေါ့သင့်ဘူးဆိုတာ သိလောက်ပြီလို့ထင်ပါတယ်။
မယ်တင်(ဆေး ၁)
တစ္လတစ္ခါ ကိုက္ခဲတဲ့ ျပသနာကို ေပါ့ေပါ့ေလး သေဘာထားသင့္လား?
ရာသီလာခ်ိန္ပထမ ၂ရက္၊ ၃ရက္မွာ ဗိုကိေအာက္ပိုင္းေနရာကိုက္ခဲျခင္းကို မိန္းကေလးအမ်ားစုခံစားရေလ့ရွိပါတယ္။
ဒါဟာ ရာသီလာစဥ္သားအိမ္က်ံဳ႕ျခင္းေၾကာင့္ သားအိမ္ဆီေသြးမေရာက္တဲ့ ခဏမွာ နာက်င္ျခင္းခံစားရတတ္တဲ့ ^^သဘာဝ^^ရာသီလာကိုက္ခဲျခင္း( Primary dysmenorrhoea) ျဖစ္ႏိုင္သလိုေရာဂါတစ္ခုခု ေၾကာင့္ေနာက္ဆက္တြဲကိုက္ခဲျခင္း(Secondary dysmenorrhoea)မ်ိဳးလည္းျဖစ္ႏိုင္ပါတယ္။
ရာသီလာလၽွင္ ကိုက္ခဲျခင္းေနာက္ကြယ္မွာ
- သားအိမ္တြင္း အသားလံုးတည္ေနျခင္း
- သားအိမ္တြင္း ပိုးဝင္ေယာင္ယမ္းျခင္း
- သားအိမ္ တစ္ရူးအျခားေနရာေရာက္ေနျခင္း
- သားအိမ္ေခါင္းအလြန္က်ဥ္းေနျခင္းတိူ႔ ရွိေနတတ္ပါတယ္။
အမ်ားအားျဖင့္ ေရာဂါေၾကာင့္ ကိုက္ခဲျခင္းမ်ားသည္ အလြန္ျပင္းထန္ၿပီး အစားအေသာက္ပ်က္ျခင္း၊ အန္ျခင္းတို႔ႏွင့္ပါတြဲေနတတ္ပါသည္။
အထက္ေဖာ္ျပပါ ျပသနာေတြနဲ႔ တြဲၿပီးျဖစ္မျဖစ္ သိဖို႔ဆိုတာ
- ကြန္ျပဴတာဓာတ္မွန္( Ultrasound) ရိုက္ၾကည့္ျခင္း
- ဆရာဝန္မွ မိန္းမကိုယ္ စမ္းသပ္စစ္ေဆးမႈျပဳေပးျခင္း တို႔ႏွင့္သာ အတိအက် ခြဲျခားသိႏိုင္ပါတယ္။
တကယ္လို႔ ကိုက္ခဲျခင္းဟာ ^^သဘာဝရာသီကုိက္ခဲျခင္း^^ ေသခ်ာၿပီဆိုရင္ေတာ့ သက္သာမယ့္ နည္းလမ္းေလးေတြရွိပါတယ္။
- အတတ္ႏိုင္ဆံုးအနားယူပါ။
- ဗိုက္ေအာက္ပိုင္းကို ေသြးလည္ပတ္မႈေကာင္းေအာင္ အသာအယာႏွိပ္နယ္ေပးပါ။
- ျပင္းထန္လၽွင္ ဆရာဝန္နဲ႔တိုက္ပင္ၿပီး အကိုက္အခဲေပ်ာက္ေဆးေသာက္ပါ။
- ေရေႏြးအိတ္ကပ္ပါ။
- အရက္၊ ေကာ္ဖီေရွာင္ၾကည္ပါ။
ျပင္းထန္ေသာကိုက္ခဲမႈမ်ားတြင္မူ ဆရာဝန္မွ သေနၱတားေဆးကဲ့သို႔ ေဟာ္မုန္းေဆးေပး၍ ရာသီလာကိုက္ခဲျခင္းကိုသက္သာေအာင္ ညႊန္ၾကားေပးတတ္ပါတယ္။
ခုဆို တစ္လတစ္ခါ ကိုက္ခဲတာဟာလည္း မေပါ့သင့္ဘူးဆိုတာ သိေလာက္ၿပီလို႔ထင္ပါတယ္။
မယ္တင္(ေဆး ၁)