ဆောင်းတွင်းနှင့်အသားခြောက်ခြင်း

ဆောင်းတွင်းရောက်တဲ့အခါ လူတိုင်းအနည်းနဲ့အများတော့ အသားခြောက်ခြင်းကိုခံစားရမှာပါ။

အသားအရည်လေးတွေ ခြောက်လာပြီး အက်ကွဲကြောင်းလေးတွေပေါ်လာတတ်ရုံမက သိပ်ဆိုးတဲ့အခါအသားတွေနာကျင်ကွဲအက်ပြီး အရေပြားတွေပါကွာလို့ စိတ်ရောလူရောအနှောက့်အယှက် ဖြစ်ရတတ်ပါတယ်။

 

ဆောင်းတွင်းကျမှ ဘာကြောင့်အသားအရေပိုခြောက်ရသလဲ

ဘာကြောင့်လဲဆိုတော့ ဆောင်းတွင်းသည် ရာသီဥတုသာအေးနေပြီး လေထုစိုထိုင်းဆ(Humidity level)မှာ လျော့ကျသောကြောင့် လူ့ခန္ဓာကိုယ်အရေပြားတွေပါ ခြောက်သွေ့လာရခြင်းဖြစ်ပါတယ်။

အရေပြားပေါ်တွင်သဘာအတိုင်းရှိနေသော အဆီလေးတွေဟာ အရေပြားအစိုဓါတ်ကိုထိန်းသိမ်းပေးထားပါတယ်။ဆောင်းတွင်းရဲ့ ကျဆင်းနေတဲ့ လေထုစိုစိုင်းဆကြောင့် အရေပြားပေါ်ကအဆီလေးတွေပါ ခြောက်သွေ့လာပြီး အစိုဓါတ်ကိုမထိန်းသိမ်းနိုင်တော့ပဲ အသားအရေခြောက်ရခြင်းဖြစ်ပါတယ်။

ဆောင်းတွင်းမှာအသားခြောက်ခြင်းကို ဘယ်လိုသက်သာအောင်လုပ်ကြမလဲ

၁။Moisturizer လိမ်းပါ။ Moisturizer တွေဟာ အသားအရည်ရဲ့အစိုဓါတ်ကိုဖြည့်တင်းပေးနိုင်လို့ အသားခြောက်ခြင်းမဖြစ်အောင်ကာကွယ်နိုင်ရုံမက သက်သာအောင်ပါကုသပေးနိုင်ပါတယ်။

မှန်ကန်တဲ့ Moisturizer လိမ်းခြင်းဟာ ဆောင်းတွင်းအသားခြောက်ခြင်းကို သက်သာပျောက်ကင်းစေမှာအမှန်ပါပဲ။

Moisturizer မှာ အဓိကအနေနဲ့ (၄)မျိုးရှိပါတယ်။

၁)Ointment moisturizer-သူကတော့ အရေပြားအစိုဓါတ်ကိုအထိန်းပေးနိုင်ဆုံးဖြစ်ပေမယ့် သူ့ရဲ့အားနည်းချက်က စေးကပ်ကပ်ဖြစ်တော့ ကသိကအောင့်ဖြစ်ပါတယ်။ပြီး သူ့ကိုလိမ်းပီး အပြင်တွေဘာတွေသွားလဲ သိပ်အဆင်မပြေပါဘူး။အိမ်နေရင်း လိမ်းမယ်ဆိုရင်တော့သင့်တော်ပါတယ်(ဥပမာ-Vaseline )

၂)Oil moisturizer-သဘာဝကရတဲ့ အသီးအနှံအဆီတွေနဲ့ပြုလုပ်ထားတဲ့ moisturizer ပါ။ သူတို့ကတော့ Ointment moisturizer လိုစေးကပ်ကပ်မဖြစ်စေပဲ အစိုဓါတ်ထိန်းသိမ်းပေးနိုင်မှုလဲ သိပ်မကွာပါဘူး။အပြင်သွားတာပဲဖြစ်ဖြစ် အိမ်မှာနေရင်းပဲဖြစ်ဖြစ် လိမ်းပေးနိုင်ပါတယ်။(ဥပမာ- Bio oil)

၃)Cream moisturizer-သူတို့ကတော့လိမ်းရတာ အဆင်ပြေသလို စုပ်ယူမှုလဲကောင်းပါတယ်။Hand cream လိုဟာမျိုးတွေပါ။

၄)Lotion moisturizer-သူတို့ကတော့ ဒီ(၄)မျိုးထဲမှာ စေးကပ်မှုအနည်းဆုံးဖြစ်သလို သူ့မှာ Alcohol ပါဝင်မှုများတာကြောင့် အစိုဓါတ်ထိန်းပေးနိုင်မှုမှာတော့ အနည်းဆုံးဖြစ်ပါတယ်။

ဘယ်အချိန်မှာ Moisturizer လိမ်းကြမလဲ

ဟုတ်ကဲ့။မျက်နှာသစ် ရေချိုးပြီးစ အချိန်မှာလိမ်းရင် အကောင်းဆုံးပါပဲ။

အဲ့ဒီအချိန်တွေမှာ အသားအရေဟာစိုစွတ်နေတော့ Moisturize လိမ်းပေးခြင်းဖြင့် အစိုဓါတ်ကိုအစွမ်းကုန် ထိန်းသိမ်းပေးနိုင်လို့ပါပဲ။

၂။ဆပ်ပြာနဲ့ Hand sanitizer တွေကိုလိုအပ်တာထက်ပို မသုံးပါနဲ့။ ဆပ်ပြာနဲ့ Hand sanitizer များဟာ အသားအရေကိုခြောက်သွေ့စေနိုင်တာမို့ လိုအပ်သလောက်သာ သုံးပေးပါ။အဓိက ချိုင်းကြား၊ပေါင်ခြံကြား နဲ့ ခြေလက်တွေကိုပဲ သေချာတိုက်ချွတ်ဆေးကြောသင့်ပါတယ်။

၃။ရေနွေးဖြင့်ရေချိုးခြင်းကိုတတ်နိုင်သမျှရှောင်ပါ။ ဆောင်းတွင်းအေးတော့ အတော်များများ ရေနွေးနဲ့ ရေချိုးကြပါတယ်။ ရေနွေးဖြင့် ရေချိုးခြင်းဟာ အသားအရေပေါ်မှာရှိတဲ့ အဆီလေးတွေကိုပျော်စေပြီး အရေပြားခြောက်ခြင်းကိုလဲ ပိုဆိုးစေပါတယ်။ ရေနွေးနဲ့ချိုးမယ့်အစား ရေမချိူးခင်လေး ကိုယ်လက်လှုပ်ရှားမှုလေးပြုလုပ်ပြီးမှ ရေချိုးခြင်းက ခန္ဓာကိုယ်ကိုနွေးထွေးစေသလို သွေးလည်ပတ်မှုလဲကောင်းစေပါတယ်။

နောက် ရေချိုးတဲ့အခါ ဂျီးအကြာကြီးတွန်းတာတို့ ကြမ်းကြမ်းတမ်းတမ်းပွတ်တိုက်တာတို့ မလုပ်သင့်ပါဘူး။ဒီလိုလုပ်ခြင်းဟာ သင့်အရေပြားကိုပိုမသန့်ရှင်းစေတဲ့အပြင် အသားအရေပေါ်ကအဆီလေးတွေပါ ပါသွားလို့ အသားတောင်ပိုခြောက်သွေ့စေနိုင်ပါတယ်။

ကဲ ဒီတစ်ခေါက်ဆောင်းတွင်းကိုတော့ ဒီစာလေးထဲကအတိုင်း လိုက်လုပ်ကြည့်ပြီး စိုစိုပြေပြေအသားအရည်လေးနဲ့ အထာကျကျကုန်ဆုံးလိုက်ကြပါစို့။

dr yelwin

MyDoctor Telemedicine Application
Related posts
All Articlesစိတ်ကျန်းမာရေးအထွေထွေရောဂါများ

Schizophrenia

1 Mins read
စိတ်ကစဉ့်ကလျားရောဂါ ( schizophrenia) သင်ဟာ ဆေးပညာအသိုုင်းအဝိုင်းနဲ့ နီးတဲ့သူတစ်ယောက်ဆို ကြားဖူးပါလိမ့်မယ်၊ အတိုကောက်အနေနဲ့ စကစ် (schip) လို့ခေါ်ကြတယ်၊ မသိတော့ (skip) လိုလို အထင်မှားကြတယ်။ မှားလဲ မှားစရာပါ၊ ခံစားနေရတဲ့သူတွေ ကလဲ ပတ်ဝန်းကျင်နဲ့ သဟဇာတမဖြစ်ပဲ ပယ်ထားခံရသူတွေများပါတယ်။…
All Articlesအခြားရောဂါများ

ရာသီတုပ်ကွေးအဖြစ်များတတ်တဲ့ ဆောင်းအခါသမယ...

1 Mins read
ရာသီတုပ်ကွေးအဖြစ်များတတ်တဲ့ ဆောင်းအခါသမယ… ရာသီတုပ်ကွေးရောဂါပိုးဆိုတာ အသက်ရှူလမ်းကြောင်းဆိုင်ရာ ဗိုင်းရပ်စ်ပိုးတစ်မျိုးဝင်တဲ့ရောဂါပါ။ ကိုယ်ခံအားသာကောင်းရင် သူ့ဟာသူ ပြန်ကောင်းသွားနိုင်ပေမယ့် ပြန်သာမကောင်းခဲ့ဘူးဆိုရင် ပန်းနာပြန်ထတာ၊ အဆုတ်ရောင် ရောဂါ၊ အဆုတ်လေပြွန်ရောင်တာ၊ နားပိုးဝင်တာ၊ နှလုံးပြဿနာတွေနဲ့ အသက်ရှုရခက်တာတွေပါဖြစ်လာတတ်ပါတယ်။ ဒီရာသီတုပ်ကွေးရောဂါဟာ…. အသက်အရမ်းငယ်လွန်း၊ ကြီးလွန်းတဲ့အခါ အသက် ၁၉ နှစ်အောက်တည်းကစပြီး…
All Articlesဆီးချိုရောဂါဖိုးဖိုးဖွားဖွား ကျန်းမာရေး

ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ

1 Mins read
ဆီးချိုကြောင့်ဖြစ်တတ်တဲ့ ရေတိမ်၊ အတွင်းတိမ်ဆိုတာ ဘယ်လိုမျိုးလဲ ❗ ဆီးချိုရောဂါဟာ အချိန်ကြာလာတဲ့အခါ သေချာသာမထိန်းနိုင်ဘူးဆိုရင် နှလုံး၊ကျောက်ကပ်၊ အာရုံကြောတွေသာမက မျက်လုံးကိုပါထိခိုက်လာနိုင်ပါတယ်။ မျက်လုံးမှာ ရေတိမ်၊ အတွင်းတိမ်ဖြစ်ရာကနေ တဆင့် နောက်ဆုံး မျက်စိအမြင်အာရုံဆုံးရှုံးသွားတဲ့ထိတောင်ဖြစ်နိုင်ပါတယ်။ အတွင်းတိမ်ဖြစ်တဲ့အခါ စစချင်းမှာ အမြင်အာရုံကိုနှောင့်ယှက်တာမျိုးမရှိပေမယ့် ကြာလာတဲ့အခါ အမြင်ဝါးလာတာမျိုး…

Leave a Reply

Your email address will not be published. Required fields are marked *