ခြောက်သွေ့သော အသားအရေနှင့်ဗီတာမင်အေ

ဗီတာမင်အေဟာ လူတို့ရဲ့ ခန္ဓာကိုယ်ကိုများစွာအကျိုးပြုပြီး အရေပြားကိုလဲ ကျန်းမာသန်စွမ်းစေပါတယ်။ဗီတာမင်အေဓါတ် မပြည့်ဝခြင်းဟာ အသားအရေခြောက်သွေ့ခြင်းကိုသာမက အခြားသောအရေပြားပြဿနာများကိုပါ ဖြစ်ပေါ်စေနိုင်ပါတယ်။

ဗီတာမင်အေဆိုတာ ဘာလဲ?

ဗီတာမင်အေဟာ အဆီတွင်ပျော်ဝင်သော လူတို့အတွက်မရှိမဖြစ်လိုအပ်တဲ့ဗီတာမင်တစ်မျိုးဖြစ်ပြီး မျက်စိအမြင်အာရုံ၊ကိုယ်ခံစွမ်းအားစနစ်၊မျိုးဆက်ပွားခြင်းနှင့် အရေပြားကျန်းမာရေးလုပ်ငန်းတာဝန်များကို ထမ်းဆောင်ပေးပါတယ်။

ဗီတာမင်အေ ဘယ်နှစ်မျိုးရှိသလဲ?

(၂)မျိုးရှိပါတယ်။

က)Retinoids(Preformed Vitamin A)-အသား၊ငါး၊ကြက်ဥနဲ့နို့ထွက်ပစ္စည်းတွေမှာ ပါဝင်ပါတယ်။

ခ)Carotenoids(Proformed Vitamin A) – အသီးအရွက်များ(အနီရောင်၊အဝါရောင်၊လိမ္မော်ရောင်၊အစိမ်းရောင်ရှိသော)မှာပါဝင်ပါတယ်။

အစားအစာထဲတွင်ပါဝင်သော Retioids နဲ့ Carotenoids ကို လူ့အသည်းမှ Retinol အဖြစ်သို့ ပြောင်းလဲပေးပါတယ်။

ဗီတာမင်အေဓါတ်နည်းရင် အသားအရေကိုဘယ်လိုထိခိုက်စေနိုင်သလဲ?

ဗီတာမင်အေဓါတ်နည်းခြင်းဟာ ခန္ဓာကိုယ်ကိုများစွာထိခိုက်စေပါတယ်။

ထိုထဲကမှ အသားအရေခြောက်သွေ့ခြင်းအကြောင်းပြောပြချင်ပါတယ်။

ဗီတာမင်အေဟာ အရေပြားဆဲလ်လေးတွေကိုပြင်ဆင်ပေးခြင်း၊ထုတ်လုပ်ပေးခြင်းတို့တွင်ပါဝင်ရုံမက အရေပြားရောင်ရမ်းမှုကိုလဲသက်သာစေနိုင်ပါတယ်။

ဗီတာမင်အေချို့တဲ့ပါက နှင်းခူ(Eczema)ကဲ့သို့သော အရေပြားခြောက်သွေ့ခြင်းရောဂါများအပြင် ကြာဆူး၊အရေးအကြောင်းနဲ့ ဝက်ခြံများလဲဖြစ်ပေါ်တတ်ပါတယ်။နှင်းခူဟာ အသားအရေများခြောက်သွေ့၊ယားယံပြီး ကွာကျတဲ့အရေပြားရောဂါတစ်မျိုးဖြစ်ပါတယ်၊၊ဗီတာမင်အေဟာ နှင်းခူရောဂါကိုကုသရာမှာ များစွာအရေးပါပါတယ်။

အသားအရေခြောက်ခြင်းကို ဗီတာမင်အေနဲ့ ဘယ်လိုကုသမလဲ?

ဗီတာမင်အေ(၂)မျိုးရှိတဲ့အထဲမှာ Retinoids ကို အရေပြားကနေအလွယ်တကူစုပ်ယူနိုင်ပြီး တုန့်ပြန်မှုကောင်းပါတယ်။

ဒါကြောင့်မို့ Retinoids ပါဝင်သော Moisturizer ၊ sunscreen ၊ သဘာဝအသီးအနှံများမှဖော်စပ်ထားသော အရေပြားအလှဆီများနဲ့ Anti-aging cream တွေဟာ အရေပြားပြဿနာများကို ကုသရာတွင်အသုံးဝင်ပါတယ်။

အသားအရေခြောက်သွေ့ခြင်း၊နှင်းခူရောဂါ၊သာမန်အရေးအကြောင်းလေးများနဲ့ဝက်ခြံပေါက်ခြင်းတို့ကို ဗီတာမင်အေ(Retinoids)ပါဝင်သော အထက်ပါအရေပြားကျန်းမာရေးပစ္စည်းများလိမ်းပေးခြင်းဖြင့် သက်သာပျောက်ကင်းစေနိုင်ပါတယ်။

ပြီးပြည့်စုံတဲ့ အသားအရေအလှကို ပိုင်ဆိုင်နိုင်ကြပါစေ။

drye’lwin

Related posts
All Articlesကိုယ်ဝန်ဆောင်နှင့်မိခင် ကျန်းမာရေးမိခင်နှင့်ကလေးကျန်းမာရေး

Complication of lack of antenatal care

1 Mins read
ကိုယ်ဝန်မအပ်ခြင်းရဲ့ ပြဿနာများ မိမိရင်သွေးလေးတွေ ကျန်းကျန်းမာမာနဲ့ မွေးဖွားကြီးပြင်းလာစေချင်တာ မိဘတိုင်းရဲ့ ဆန္ဒတစ်ခုပဲဖြစ်ပါတယ်။ ကျန်းမာသန်စွမ်းတဲ့ ကလေးငယ်တွေအဖြစ် ကြီးပြင်းလာစေဖို့ ကိုယ်ဝန်ဆောင်စဉ် အချိန်တည်းက ဂရုစိုက်သင့်ပါတယ်။ တတ်ကျွမ်းနားလည်တဲ့ ကျန်းမာရေး စောင့်ရှောက်သူများနဲ့ စောလျင်စွာ ကိုယ်ဝန်အပ်ခြင်း၊ ညွှန်ကြားချက်များ လိုက်နာခြင်း၊ စနစ်တကျ ကိုယ်ဝန်စောင့်ရှောက်မှုများ…
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
စားသောက်မှုပုံစံအလှအပနှင့်နေထိုင်စားသောက်မှုပုံစံ

Vitamin B မချို့တဲ့ရအောင် ဘာတွေ စား‌ပေးရမလဲ ❓

1 Mins read
Vitamin B ဆိုတာကတော့ Vitamin B1, B2,B6 နဲ့ B12 တို့ကို ပေါင်းစပ်ပြီး B Complex လို့လဲ ခေါ်ကြပါတယ်၊B-Complex ကဆိုရင် ခန္ဓာကိုယ်မှာရှိတဲ့ အချို့သော Enzymes တွေ လုပ်ဆောင်ရန်အတွက်မရှိမဖြစ်လိုအပ်ပါတယ်၊Vitamin-B ဟာဆိုရင် ကျန်းမာရေးအတွက်အရမ်းကိုမှအရေးပါ…