💇🏻‍♀️ ဆံသားပျက်စီးမှုပုံစံအမျိုးမျိုး..

ဆံပင်ကို ကောက်တာ၊ဖြောင့်တာတွေမလုပ်ရင်တောင်မှ ဆံသားဆိုတာဟာ နေ့စဥ်ထိတွေ့နေရတဲ့ လေထုထဲက ရေငွေ့တွေ၊ အညစ်အကြေးတွေ၊ဖုန်တွေနဲ့ ထိခိုက်ပျက်စီးမှုကဖြစ်နေတာပါ။
ဆံပင်ကို အပူပစ္စည်းတွေ၊ ဓာတုပစ္စည်းတွေနဲ့​ ကောက်တာ၊ဖြောင့်တာ၊ဆေးဆိုးတာတွေပြုလုပ်ရင်တော့ ဆံသားပျက်စီးမှုတွေပိုဖြစ်တာပေါ့။ ဒါ့ကြောင့် ဆံသားပျက်စီးမှုပုံစံတွေ ဘယ်နှမျိုးလောက်ရှိလဲဆိုတာကြည့်လိုက်ကြရအောင်….။

  • ဆံပင် ၂ ခွဖြစ်တာ
    ဆံပင် ၂ ခွဖြစ်တာကို ကျွန်မတို့ဆံပင်ရဲ့အဆုံးမှာ ဆံသားကွဲနေတဲ့ပုံစံနဲ့တွေ့နိုင်ပါတယ်။
    သာမန်ဒီတိုင်းကြည့်ရုံနဲ့ကိုမြင်ရပါတယ်။ ဆံပင် ၂ ခွတွေ့ပြီဆိုတာနဲ့ မိမိဆံသားအခြေအနေဟာ
    အတော်အားနည်းနေပြီ၊ ထိခိုက်ပျက်စီးနေပြီဆိုတာ သိရှိနိုင်ပါတယ်။ အကောင်းဆုံးဖြေရှင်းနည်းကတော့ ဆံပင် ၂ ခွဖြစ်နေတဲ့နေရာကို ညှပ်ချပစ်လိုက်တာပါပဲ။ ၂ လ တစ်ခါလောက်တော့
    အနည်းဆုံး ဆံပင်အောက်ပိုင်း ဆံသား ၂ ခွဖြစ်တတ်တဲ့နေရာတွေကို ညှပ်ပေးသင့်ပါတယ်။
  • ဆံပင်ဆေးဆိုးလို့ ပျက်စီးတာ
    ဆံပင်ဆေးဆိုးတာကလည်း ဆံသားပျက်စီးမှု ပုံစံတစ်မျိုးပါပဲ။ ဆံပင်ဆေးဆိုးတာတင်မဟုတ်ပါဘူး။ ဆံပင်ကို အရောင်ချွတ်တာကလည်း ပိုလို့တောင်ဆံသားကိုပျက်စီးစေပါတယ်။
    အဲ့တာကြောင့် ဆံသားကို တစ်ခုခုပြုလုပ်တော့မယ်ဆိုရင် hair stylist တွေနဲ့တိုင်ပင်ပြီးမှ ပြုလုပ်သင့်တာပါ။ ပြီးရင် ဆေးဆိုးထားတဲ့ဆံသားတွေကို အာဟာရဓာတ်ပြန်လည်ဖြည့်စွမ်းပေးမယ့် Eushido S19 Hair coat လေးကိုအသုံးပြုပေးသင့်ပါတယ်။
  • ဓာတု ပစ္စည်းကြောင့်ပျက်စီးတာ
    အခုခေတ်မှာ တော်တော်များများ ပြုလုပ်လေ့ရှိကြတဲ့ ဓာတုဆေးနဲ့ ဆံပင်ဖြောင့်တာ၊ ကောက်တာတွေဟာ ဆံသားကျိုးပဲ့ ပျက်စီးမှုတွေကိုဖြစ်စေပါတယ်။ အဲ့တာကြောင့် ဆံသားအခြေအနေကိုပြန်လည်ကောင်းမွန်လာအောင် ခေါင်းမလျှော်ခင်မှာ hair treatment ကို တစ်လ တစ်ခါလောက်တော့ပြုလုပ်ပေးသင့်ပါတယ်။ ထိုသို့ပြုလုပ်ပေးခြင်းအားဖြင့် ဆံသားက လိုအပ်တဲ့
    ပရိုတင်းဓာတ်ကိုရရှိပြီး ဆံသားကိုသန်စွမ်းစေလာမှာပဲဲဖြစ်ပါတယ်။
  • အပူကြောင့် ပျက်စီးတာ
    အခုခေတ်မှာ ဆံပင်ကို အပူချောင်းနဲ့ကောက်တာ၊ ဖြောင့်တာ၊ပုံပြန်သွင်းတာတွေပြုလုပ်လာကြပါတယ်။ ဒါဟာ ဆံသားပျက်စီးခြင်းရဲ့ အစပါပဲ။ ဆံသားဆိုတာဟာ အပူကိုအကြောက်ဆုံးပါ။ အပူချောင်းမဟုတ်ပဲ ရိုးရိုး dryer ကို ခဏခဏမှုတ်ရင်တောင် ဆံသားကိုပျက်စီးစေနိုင်ပါတယ်။
  • ဆံသားပါးလာပြီး ပျက်စီးတာ ဆံသားကျွတ်တာ၊ ပါးလာတာတွေဟာ ဟော်မုန်းအပြောင်းအလဲတွေ၊ စိတ်ဖိစီးမှု များတာတွေ၊ကိုယ်ဝန်ဆောင်ပြီးတဲ့အခါ၊ တချို့အရေပြား ရောဂါတွေ၊ အာဟာရဓာတ်ချို့တဲ့တာတွေနဲ့ တခြားများစွာသောအကြောင်းအရာတွေကြောင့်ဖြစ်နိုင်ပါတယ်။ ဒီလိုဆံသားတွေပါးပြီး ပျက်စီးလာပြီဆိုရင်​တော့ ဆရာဝန်နဲ့တိုင်ပင်ပြီး
    ဘာ့ကြောင့် ဆံပင်တွေအရမ်းကျွတ်ပြီးပါးလာလဲ၊ပျက်စီးလာလဲဆိုတာ အဖြေရှာဖို့လိုပါတယ်။
    ပြီးရင်​တော့ မိမိဆံသားနဲ့ကိုက်ညီမယ့် Shampoo နဲ့ Conditioner ကိုရွေးချယ်ပေးပါ။
    Vitamin E , Vitamin B5 and Aloe Vera ပါဝင်တဲ့ Conditioner, ခေါင်းလျှော်ရည် စတာတွေကို သုံးပေးရင်တော့ ဆံပင်ကိုပျော့ပြောင်းနူးညံ့စေရုံသာမက ဆံပင်ကျွတ်တာ၊ ဆံပင်ပါးတာ၊ ဆံသားပျက်စီးတာတွေကိုပါ သက်သာစေပါတယ်။
  • ဒေါက်တာသီရိ(ဆေး ၂)
MyDoctor Telemedicine Application
Related posts
နေထိုင်မှုပုံစံအထွေထွေရောဂါများအလှအပနှင့်နေထိုင်စားသောက်မှုပုံစံ

Why do bones and joints make noises every time they move?

1 Mins read
အရိုးနှင့် အဆစ် တွေကနေ လှုပ်ရှားလိုက်တိုင်း အသံတွေထွက်နေတာ ဘာကြောင့်လဲ… ကျွန်တော် တို့ရဲ့ အရိုးနှင့် အဆစ်တွေဟာ လှုပ်ရှားမှုလုပ်လိုက်တာနဲ့ အရိုးတွေ အဆစ်တွေကြားထဲကနေ အသံတွေထွက်လာတတ်တာ လူတိုင်း အနည်းနှင့် အများကြုံဘူး သိဘူးကြမှာပါ။ ဘာကြောင့် ဒီလိုအသံတွေ ဖြစ်ရလဲ ဘယ်လို…
Covid - 19ကူးစက်တတ်သောရောဂါများအထွေထွေရောဂါများ

ကိုဗစ်ကာကွယ်ဆေး Booster ဆိုတာဘာလဲ

1 Mins read
လူတိုင်းထိုးစရာလို‌နေပြီလား??? 💉💉💉💉💉💉💉💉💉💉💉💉💉 အရင်ကကာကွယ်ဆေး ကို နှစ်ကြိမ်ထိုးပြီးသူတွေရဲ့ ရှိပြီးသား ကာကွယ်ဆေးအစွမ်းမကျသွားအောင် ခန္ဓာကိုယ်ထဲမှာ တိုက်ပွဲဝင်ဖို့အသင့်ဖြစ်အောင် လေ့ကျင့်တဲ့သဘောနဲ့ ထပ်ပြီးBooster Dose ကို တတိယအကြိမ်(1st booster) သာမက အခု စတ္ထုထအကြိမ် (2nd booster) ပါ တခြားနိုင်ငံတွေမှာထိုးနေကြပြီဖြစ်ပါတယ်။…
သွေးတိုးနှင့်နှလုံးရောဂါအထွေထွေရောဂါများ

နလုံးခုန် မြန်ခြင်းဟာအန္တရာယ်ရှိလား ❓

1 Mins read
👉နှလုံးခုန်မြန်တယ်ဆိုတာဘာလဲ❓ နှလုံးခုန် မြန်တယ်ဆိုတဲ့ စကားလုံး အဓိပ္ပါယ်ကတော့ ဆေးပညာသဘောအရ ပုံမှန်အချိန်မှာကို တစ်မိနစ်အတွင်း နှလုံးရဲ့ခုန်တဲ့အကြိမ်အရေအတွက် ၁၀၀ ကျော်တာကိုဆိုလိုပါတယ်။ပြေးလွှား တောင်တက် အားကစားလုပ်တဲ့အချိန် ဘောလုံးကန်တဲ့ အချိန်မျိုးမှာလဲ ၁၀၀ ကျော်တတ်ပေမယ့် ဒါဟာပုံမှန်ပါပဲ။ 👉ဘယ်လိုသိနိုင်မလဲ ❓အခု ကိုဗစ်ကာလတုန်းကတိုင်းတဲ့ spO2…

Leave a Reply

Your email address will not be published. Required fields are marked *